Zakaria 13
13
1Khunduukho eyo isebele yilabaho eyikushiile abeinzu yaDaudi nabamenyanga muYerusalemu, okhubalabia obwonooni nobukaali. 2Ne khunduukho eyo, OMWAMI omwene mahe aboola, ndalaakamia ameera kebifwanani ebiinamilungwa mushialo, kata shikaleetsulilwa khandi ta; khandi ndalarusia mushialo abanabii nende omwoyo kwobukaali. 3Kata omundu yesi naba nachaaka okhulakula, samwana nende nyina abamwibula balamusunjila mbu Okhoyile okhufwa; okhuba oboolanga akobubeeyi muliira liOMWAMI; mana samwana nende nyina abamwibula balamufumira, olwa alakula. 4Khandi khunduukho eyo, abanabii, buli mulala khubo, alafwimbilwa libisolie omurwe olwa alakula kata shibaleefwala ingubo yobwoya khulwa okhukaatia abandu ta; 5nebutswa alasunga mbu Isie shindi omunabii ta; endi omulimi womukunda; okhuba liloba libeetsanga omukabo kwanje okhurula khulusooliili lwanje. 6Mana omundu alamureeba mbu Ne tsimbala tsino etsili khumubilikwo tsikhali tsirie? Naye alakalusia mbu Etsio nitsio etsia ndafumirwa munzu yabeetsa banje.
Okhuupwa khwomwayi wOMWAMI
7Iwe olukanga, sisimukha okhuseera omwayi wanje,
okhuseera omundu ouli owashianje,
nilwo olwa OMWAMI omwene mahe aboola;
khupa omwayi, amakondi kasalaasibwe;
ndalashiukhasia omukhono okhuseera abatuutu.
8OMWAMI aboola mbu Ne mushialo shiosi,
ebitonye bibili bilakhalakwa nibifwa,
ne eshitonye shiakhataru shilatong'amwo.
9Eshitonye shiakhataru tsana ndalashira mumulilo,
nimbasiiya shinga ifeetsa olwa yisiiyungwa,
nimbateema shinga itsahaabu olwa yiteemungwa.
Balahaabila khuliira lianje,
nasi ndalabahulila.
Ndalasunga mbu Nabandu banje;
nabo balasunga mbu OMWAMI niye Nyasaye weefwe.
Àwon tá yàn lọ́wọ́lọ́wọ́ báyìí:
Zakaria 13: OUV
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Oluluyia Union Version © Bible Society of Kenya 1975