संत.मत्ती 3
3
जोहन बतिस्मा एमोई
(संत.मरकुस 1:1–8; संत.लुकास 3:1–18; संत.जोहन 1:19–28)
1हिमीन बेरा जोहन बतिस्मा एमोई वाला हीःग नेनाय, जे जाहुदिया रेनअः टुंगरी रे नोःआँ परचारे केनाय। 2#सं.मत्ती 4:17; सं.मर 1:15“मन रूवाड़ेपे, एता लःअय ची सिरमा राईज हेनाःड हीःग ना।” 3#जसा 40:3नुई हिनी ताहिनाय, जेकर बारे रे आगमजानी इसायस कंहड़ी थिलाआय,
“टुंगरी रे हा-हकावी आला गूल,
‘परभु आला होरा तेयारेपे,
हुनी आला संड़क के सोझेपे!’”
4 #
2 राजा 1:8
जोहन ऊँठ आला रोवाँ रअः गेन्दरअ सोलोंगे केनाय, आउर मयांग रे हरता रेनअः कसनार तोल ताकेनाय, हुनी आला घोटो बुरु रिनकु सरहा फाफा आउर हुरूमुसू ताही नेनाकु। 5तब जिरोसलेम रिनकु, आउर गोटा जाहुदिया रिनकु आउर जरदन नाई आस-पास रिनकु जामा होड़कु हुनी दुबाःड़े उडुंग हीःग नाकु, 6आउर अपन-अपन पाप के मनाव केते, हुनी तरअः जरदन नाई रे बतिस्मा इदी लअकु।
7 #
सं.मत्ती 12:34; 23:33 ढेर फरीसीकु आउर सदुकीकु के बतिस्मा ईइदी लःअय हिजोअ नेल केते, जोहन हुंकू के बेता लिकुआय, “ए बिंङ आलकु चेंगाकु! ओके आपे के परमेसर आला खीस हिजोअ तरअः नीर लःअय चेताव लेपेआय? 8आपे नोकान जिवीडोः पे, ची पाप तरअः आपे आला मन रूवाड़ ताना। 9#सं.जोह 8:33आउर अपन-अपन मन रे नोकान आलपे सोंचाय, ची आबु आली बाबा अब्राहम हेके। ईङ आपे के कंहड़ीओ दिपीईङ ची परमेसर नोःआँ टुकू तरअः अब्राहम लःअय होपोन सिरजाव दाड़ी कियाय! 10#सं.मत्ती 7:19नहाअः दो सिङ रेनअः जाईर रे टांगा लगाव चुकाव ना, जे सिङ बेस का जोयोआ होना के मांअ केते सेंगेल रे लो केआकु। 11ईङ दो आपे के मन रूवाड़ लःअय दाअः तरअः बतिस्मा एमा पेईङ, बकिर जे ईङ तरअः तयोम हिजोई एदानिया हुनी ईङ तरअः जादे महान एदानिया। ईङ दो हुनी आला खड़पा राराड़ा लकान होः कनिङा, हुनी आपे के पबितर आतमा आउर सेंगेल तरअः बतिस्मा एमा केपेआय। 12आएंग आला हटाअ तीः ताय रेआ, तेकर हुनी अपन कोलोम के बेस केन ती आमीन केआय। हुनी आएंग आला गोहोम के पोटोम ताय रे जवार केआय, बकिर लिपीःग तेके का-ईड़ीगोअ सेंगेल रे तियांग केआय।”
ईसु आला बतिस्मा
(संत.मरकुस 1:9–11; संत.लुकास 3:21,22)
13हिमीन बेरा ईसु जोहन तरअः बतिस्मा ईइदी लःअय, गलील तरअः जरदन नाई रअः दौंड़ी सोदोर नेनाय। 14बकिर जोहन नोकान कंहड़ी केते हुनी के रोरोकाव चहाअ केनाय। ची “ईङ के आम आला तीः तरअः बतिस्मा ईइदी रेनअः दरकार एदनाअ”, “आउर आम ईङ दुबाःड़े हीःग तनाम!”
15बकिर ईसु हुनी के कंहड़ी रूवाड़ोः लियाय, “नहाअः निकान गी हुयाव चिमे। एता लःअय ची निआँ लकान आलांग के जामा धरमिकता के पु-पुरा उचित एदनाअ।” तब जोहन ईसु आला बात के मनाव नाय।
16बतिस्मा इदी तयोम ईसु दाअः तरअः तुरते बाहरी उडुंग नेनाय। हेने घड़ीक सिरमा उघड़ाव ना, आउर हुनी परमेसर आला आतमा के पेरवाँ आला भेस रे अड़गुन, आउर आनेःग तेंग रे तिंगुन नेल लियाय। 17#एहेः 22:2; सिरिंग 2:7; जसा 42:1; सं.मत्ती 12:18; 17:5; सं.मर 1:11; सं.लुका 9:35आउर सिरमा तरअः नोकान सबद आयुम नेना, “नुई ईङ आली दुलार होपोन हेके, जेकर तरअः ईङ मुरुक खुसिंङ।”
Àwon tá yàn lọ́wọ́lọ́wọ́ báyìí:
संत.मत्ती 3: ASR
Ìsàmì-sí
Pín
Ṣe Àfiwé
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2023 NLCI CC BY-NC-ND 4.0