संत.मरकुस 12
12
मुरखाहा किसानकु आला गाम
1 #
जसा 5:1,2 ईसु गाम रे उदूः कु केनाय, “मिहोंड़ अंगुर बाखड़ी लगाव लःअय, हेतरअ चागुरदी घोरना राम लःअय, तेकर होंड़े अंगुर रेनअः रस जजावार लःअय मियांड कुंड़ बनाव लःअय, आउर मियांड माचा बनाव लःअय तेकर किसानकु के सझा एमा केते परदेस उडुंग नाय। 2तेकर हुनी अंगुर बिलीयोः बेरा हुंकू किसानकु दुबाःड़े मियांड बंधाउवा के होना बाखड़ी तरअः जेतना अंगुर हुयाव ताना होना के हाटिङ आगुयाय, मेन केते भेजाव लियाय। 3बकिर हुनी के सःब केते हुंकू हुमाअ लियाकु, हेतरअ एसेन तीः रूवाड़ लियाकु। 4तेकर हुनी बाखड़ी मुंवार आउर मिसा एटाअ बंधाउवा के हुंकू दुबाःड़े भेजाव लियाय, हुंकू हुनी आला बोहोअ के हुमाअ रापुःड केते हुनी के काकु बेसोः लिया।
5“तेकर हुनी आउर मिसा एटाअ धाँगड़ के हुंकू दुबाःड़े भेजाव लियाय, हुनी के हुमाअ गोएःग लियाकु, निआँ लकान हुनी ढेर धाँगड़ के भेजाव लिकुआय, हुंकू रे आधा के हुमाअ लिकुआकु, आधा के गोएःग लिकुआकु। 6तेकर हुनी दुबाःड़े मियांड दुलार होपोन ताय भाईर भे-भेजाव लःअय बंचाव ताहिनाय, नुई केदो मनाव कोआकु मेन केते, जामा तरअः तयोम भेजाव लियाय। 7बकिर हुनी के निई गिदो मुंवार ते आली होपोन हेके, दु आबु नुई के गुजियाबु होले जामा आबु आला कोआ, कंहड़ी लअकु। 8हेतरअ हुनी के सःब केते हुमाअ गोएःग लियाकु तेकर बाखड़ी तरअः होना पखी गिड़ी उडुंग लियाकु।”
9ईसु हुंकू के बेता लिकुआय, “नहाअः दो अंगुर बाखड़ी रिनी गोमके एतान केआय? हुनी हीःग केते हुंकू खेखेतीकु के गोएःग चबा किकुआय, हेतरअ होना बाखड़ी के एटाअ होड़ के एमा किकुआय। 10#सिरिंग 118:22,23आपे धरम पुथी रे नोःआँ कंहड़ी के कापे पढ़ाव ताना एतान?
“‘जे टुकू के ओड़ाअ बनाव करीगारकु बेकार मेन ताही लअकु,
हिना गी कोना रेनअः टुकू#12:10 कोना रेनअः टुकू बनार पखी तअः भीत के टिकाव तआय। पाड़ी नेना।
11नोःआँ दो परभु पखी तरअः हुयाव नेना,
नोःआँ आबु आला नेनेल रे ताजुक एदनाअ!’”
12नोःआँ गाम के आबु बिरोध रे कंहड़ी तदाय के, पाड़ी केते, जाहुदीकु आलकु अगुवा हुनी के सा-सःब नाम नेनाकु, बकिर हुंकू तुन्दरा होड़ के बोरो नेनाकु हेतरअ हुनी के बाईःग तु लियाकु।
मालगुजारी एमोअ बारे ईसु के कुली लियाकु
(संत.मत्ती 22:15–22; संत.लुकास 20:20–26)
13तेकर जाहुदीकु आलकु अगुवा ईसु के बात रे बझाइयाबु मेन केते, थोड़ेक फरीसीकु के हेतरअ हेरोद राजा खुड़हा रिनकु के हुनी दुबाःड़े भेजाव लिकुआकु। 14तेकर हुनी दुबाःड़े सोदोर केते, “ए गुरू आम ईमान एदान मेआ, हेतरअ जामेकु के काम बोरो ऊकुआ, आम होड़कु आला मेःड मुहांड़ #12:14 मेःड मुहांड़ छोटे-बड़े, ऊँच नीच काय नेलेआके काम नेलेआ, आम परमेसर आला होरा के बेस केन ऊदुगे आम के आले पाड़ी आले, दो ऊदुगेमे, मालगुजारी रोमी महाराजा कैसर के एमोअ उचित एदनाअ ची कोवान?,” मेन केते कुली लियाकु।
15आले एमाई ले चाहे काले एमाई? ईसु हुंकू आला कपट के समझाव केते “ईङ के आपे एतान लःअय परीकछाः दिङापे? मियांड ठर्ड़रा ढिबुवा पे आगुई, होना के ईङ नेलेईङ,” बेता लिकुआय।
16तेकर हुंकू मियांड ठर्ड़रा ढिबुवा आगु लअकु, तेकर हुंकू के “नोःआँ ओके आला छापा हेके हेतरअ ओके आला नुमू हेके,” मेन केते कुली लिकुआय? “हुंकू रोमी महाराजा कैसर आला हेके,” बेता लियाकु।
17हेतरअ ईसु “जे रोमी महाराजा कैसर आला हेके होना के रोमी महाराजा कैसर के, तेकर जे परमेसर आला हेके होना के, परमेसर के एमाई पे,” बेता लिकुआय, तेकर आयुम केते हुंकू मोकाव नाकु।
जिवीःड बिरिडोः रेनअः सवाल
(संत.मत्ती 22:23–33; संत.लुकास 20:27–40)
18 #
प्रे.कामी 23:8
आधा सदुकीकु होअः गोएःग केते जिवीःड-बिरिडोः गी कनोआँ मेन गेआकु हुंकू, हीःग केते ईसु के कुली लियाकु। 19#कन 25:5“ए गुरू! मुसा आले लःअय दो नोकान लिखा तदाय, ‘जेकर दादाते बेगार चेंगा रे गोएःग जुनोआय हेतरअ ओड़ाअ तेहोड़ ते ताही जुनोआय होले, बोको ते हुनी के भावजी संभड़ाव केते दादाते आला खानदान के बगरायाय’, बेता लियाकु। 20मिखेप रेनअः बात हेके, सात बोयहा ताही नेनाकु, जामे तरअः बड़े बोयहा बिहा नेनाय, हेतरअ बेगार चेंगा रे गोएःग नाय। 21तेकर हुनी तरअः छोटे, बोको ते भावजी संभड़ाव लियाय, हेतरअ हुनी होअः बेगार चेंगा रे गोएःग नाय, हिना लकान तीसरा बोको ते होअः हेंकान नेनाय। 22हिना लकान रे सातो बोयहा रे चेंगा काकु हुयाव नेना, हेतरअ जामाकु तरअः तयोम हुनी आउराईत होअः गोएःग नेनाय। 23जदि जिवीःड-बिरिडोआकु होले ओके आली गोमकाईन पाड़ी कोआय? हुनी दो सातो लोः बिहा चुकाव नाय।”
24“आपे आडोः तनापे बेता लिकुआय, एता लःअय ची लिखा लेनाः धरम पुथी के पाड़ी आपे ना ची परमेसर आला सवांग के। 25एता लःअय ची हुंकू गोएःग केते जिवीडोआकु होले, हुंकू एरकु बिहा योआ आउर गी ना बिहायोः लःअय एमा किकुआकु, हुंकू सिरमादूतकु लकान ताही कोआकु। 26#उइठ 3:6जिवीःड बिरिडोः रेनअः बारे आपे मुसा आला पुथी रे सेंगेल जुलोः झुंड़ रेनअः कंहड़ी के कापे पढ़ाव ताना एतान? होंड़े मुसा के परमेसर ‘ईङ अब्राहम आली परमेसर, इसाहक आली परमेसर, हेतरअ याकुब आली परमेसर हेके’, बेता ताही लियाय। 27परमेसर गोएःग ऊनकु आली नलागे, जिवीःड कु आली परमेसर हेके, आपे रिड़िःग किदयापे।”
जामा तरअः बड़े हुकूम
(संत.मत्ती 22:34–40; संत.लुकास 10:25–28)
28धरम पुथी सि-सिखावकु रे मिहोंड़ हीःग नेनाय हेतरअ कंहड़ी केनाय के आयुम लियाय, तेकर ईसु मुरुक बेस कंहड़ी रूवाड़ोः कु केनाय के नेल केते कुली लियाय, “जामा तरअः बड़े हुकूम एतान हेके?,” बेता लियाय।
29 #
कन 6:4,5 ईसु “जामा तरअः बड़े हुकूम नोःआँ हेके, ‘ए इसराइल! आयुमेपे, परभु आबु आली परमेसर मियांड ठुका एदानिया। 30तेकर गोटा मन तरअः, गोटा जीव तरअः, गोटा बुधी तरअः हेतरअ गोटा सवांग तरअः अपन परभु परमेसर के दुलारी पे।’ 31#लेवी 19:18तेकर मियांड एटाअ हुकूम ‘आपे अपन खुड़ रिनकु के अपन लकान दुलार कुपे।’ नोःआँ तरअः बड़े एटाअ हुकूम कनोआँ,” बेता लिकुआय।
32 #
कन 4:35
धरम पुथी सि-सिखावकु “ए गुरू! मुरुक बेस, सचे गी कंहड़ी लआम, परमेसर मियांड ठुका एदानिया, तेकर हुनी के बाई केते ओके होअः कनिकुआ,” मेन केते ईसु के बेता लियाय। 33#होसे 6:6“हेतरअ परमेसर के गोटा मन तरअः, गोटा बुधी तरअः हेतरअ गोटा सवांग रे दु दुलार हेतरअ अपन खुड़ रिनकु लोः अपन लकान दु दुलार, जामा होम बलि, तेकर बलिदान रकाःब तरअः बड़े एदनाअ।”
34 #
सं.लुका 10:25–28
हुनी होस से कंहड़ी रूवाड़ोः लियाय के ईसु आयुम केते “आम परमेसर आला राईज रे सेनोः लःअय लंका रे कानिमेआ,” बेता लियाय, हेतरअ होना तयोम ओके होअः जहान कुकुली लःअय काकु डिड़ लआ।
ख्रीस्त दाऊद आला खानदान रिनी हेके
(संत.मत्ती 22:41–46; संत.लुकास 20:41–44)
35तेकर ईसु बड़े बिनती ओड़ाअ रेनअः राच रे उदूः कुकेनाय हिमीन रे नोकान कंहड़ी लःअय “धरम पुथी सि-सिखावकु एतान लःअय ख्रीस्त दाऊद आली होपोन हेके,” मेन गेआकु? 36#सिरिंग 110:1“दाऊद दो आएंग गी पबितर आतमा रे सिद केते,
“‘परभु ईङ आली परभु लोः,
ईङ आम आलकु मुदाई के आम आला जांगा तरी रे काईङ नुर कुआ जगुत,
आम ईङ आला जोम पखा दुड़ूः मे,’ बेता तदियाय, मेन लःअय।
37दाऊद आएंग गी ईसु के ‘परभु’ कंहड़ीआय, दो एतान लकान ईसु दाऊद आला खानदान रिनी पाड़ी कोआय?”
धरम गुरूकु लोः बंचाव केते ताहिनोः पे
(संत.मत्ती 23:1–36; संत.लुकास 20:45–47)
ईसु आला कंहड़ी के तुन्दरा होड़ रिझते आयुमे केनाकु 38तेकर ईसु उदूः कु केनाय हिमीन रे कंहड़ीओ लिकुआय, “आपे धरम पुथी सि-सिखावकु लोः बंचाव केते ताहीनोः पे, जे जिलीङ गेन्दरअ सोलोंग केते दंड़ान हेतरअ पिढिया रे जोहार चीनोः नामाकु, 39तेकर बिनती ओड़ाअ रे मड़ांग रे दुड़ूः तेकर नेवता घोटो जोम रे मड़ांग रेनअः ठाँव बेस आदा कुआ। 40हुंकू राँड़ीयाहीकु आला ओड़ाअ के खंघार गुल तअकु, तेकर नेलोः लःअय जिलींग-जिलींग बिनती याकु। हुंकू परमेसर तरअः जादे गी डांड़ नाम केआकु!”
रांगेःग राँड़ी दान नुर लःअय
(संत.लुकास 21:1–4)
41तेकर ईसु, दान बाक्सा दुबाःड़े दुड़ूः केते, होड़कु बाक्सा रे एतान लकान दान नुरे आकु के नेल कु केनाय, गीरहतकु दो बगरा गी नुर लअकु। 42हिमीन रे मियांड रांगेःग राँड़ीयाही हीःग केते बरिया ठर्ड़रा नुर लःअय होना मि पैसा बराबईर ताहिना। 43तेकर हुनी चेला ताय के आएंग दुबाःड़े राअः केते बेता लिकुआय, ईङ सचेगी कंहड़ीओ दिपीईङ “मंदिर रेनअः दान बाक्सा रे, दान नु नुर कु रे, नुई रांगेःग राँड़ीयाही जामाकु तरअः बगरा नुर तदाय, बेता लिकुआय। 44जामाकु अपन खरचा रेनअः बड़ती के नुर लअकु, बकिर नुई अपन घटी रे जे जिवीडोः लःअय ताहीना होना जामा के नुर लःअय।”
Àwon tá yàn lọ́wọ́lọ́wọ́ báyìí:
संत.मरकुस 12: ASR
Ìsàmì-sí
Pín
Ṣe Àfiwé
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2023 NLCI CC BY-NC-ND 4.0