Start 5
5
Da Adam Ohana Lis
1 #
Start 1:27-28
Dis da ohana lis a da peopo dat wen come from Adam. Da time God wen make da peopo, he make um fo be jalike him, jalike one copy. 2#Matt 19:4; Mark 10:6God wen make peopo guys an wahines. He give dem da powa fo do eryting he wen make um fo do. Da day God wen make dem, he give um da name “Adam,” dat mean, “Peopo,” dea language. 3Adam, afta he live 130 year, he get one boy dat jalike Adam, jalike da boy one picha a Adam. Dass da one, Adam give um da name Seth. 4An afta Seth wen born, Adam live 800 year moa, an he get odda kids too, boys an girls. 5Adam live 930 year, den he mahke.
Seth, Enosh, Kenan, Mahalel
6Seth, afta he live 105 year, he get one boy Enosh. 7An afta Enosh born, Seth live 807 year. He get odda kids too, boys an girls. 8Seth live 912 year, den he mahke.
9Enosh, afta he live 90 year, he get one boy Kenan. 10An afta Kenan born, Enosh live 815 year, an he get odda kids too, boys an girls. 11Enosh live 905 year, den he mahke.
12Kenan, afta he live 70 year, he get one boy Mahalalel. 13An afta Mahalalel born, Kenan live 840 year, an he get odda kids too, boys an girls. 14Kenan live 910 year, den he mahke.
15Mahalalel, afta he live 65 year, he get one boy Jared. 16An afta Jared born, Mahalalel live 830 year, an he get odda kids too, boys an girls. 17Mahalalel live 895 year, den he mahke.
Jared An Enok
18Jared, afta he live 162 year, he get one boy Enok. 19An afta Enok born, Jared live 800 year, an he get odda kids too, boys an girls. 20Jared live 962 year, den he mahke.
21Enok, afta he live 65 year, he get one boy Metuselah. 22An afta Metuselah born, Enok stay tight wit God wateva he do fo 300 year, an he get odda kids too, boys an girls. 23Enok live 365 year. 24#Heb 11:5; Jude 1:14He stay tight wit God wateva he do, an den, Enok disappea, cuz God take um away.
Metuselah, Lamek, Noah
25Metuselah, afta he live 187 year, he get one boy Lamek. 26An afta Lamek born, Metuselah live 782 year, an he get odda kids too, boys an girls. 27Metuselah live 969 year, den he mahke.
28Lamek, afta he live 182 year, he get one boy. 29He give da boy da name Noah, an he tell, “Dis boy, he goin take away da sore from us guys. Dass how we stay now, cuz us gotta work real hard wit oua hands fo get stuff outa da groun, cuz God, Da One In Charge, put kahuna on top da land so no can grow stuff.” (Dat name “Noah,” you know, soun kinda like how da Hebrew peopo tell “take away da sore.”) 30An afta Noah born, Lamek live 595 year, an he get odda kids too, boys an girls. 31Lamek live 777 year, den he mahke.
32Noah, afta he live 500 year, he get three boys, Shem, Ham, an Jafet.
Àwon tá yàn lọ́wọ́lọ́wọ́ báyìí:
Start 5: HPB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©2020 Hawaii Pidgin Bible Ministries
hawaiipidginbible.org
Mọ̀ Sí Nípa Hawaii Pidgin Bible