Иоанн 1 的热门经文

分享

Аны удурлаан паза Ағаа киртінген кізілерге Худайның палалары полҷаң оңдай пирілген.

Иң пастап Сӧс полған. Сӧс Худайнаң хада полған, Сӧс Худай полған.

Чарых харасхыда чарыпча, харасхы, тізең, аны пір дее чаап полбаан.

Сӧс, кізі пол парып, паарсасха паза сынға пай полып, піснең хада чуртаан. Піс Аның Пабазынаң алған сабланызын кӧргебіс. Ол сабланысты Пабазының чалғыс Оолғы полып алған.

Ол прай нимені чайаан, Ол чох пір дее ниме чайалбаан. Сӧсте чуртас полған, чуртас, тізең, кізілернің чарии полған.

Пазағы кӱнде Иоанн, позынзар килчеткен Иисусты кӧр салып, кізілерге теен: – Мына Худай Хурағаны. Чир ӱстӱндегі прай кізілернің чазыхтарын Позына алып алчатхан Хураған.

Сын Чарых чир ӱстӱнде полған, чир ӱстӱ Аннаң пастыра чайалған, че кізілер Аны таныбааннар. Ол Позының чонынзар килген, че олар Аны постарына чағын кирбееннер.

Чир ӱстӱне тӧреен полған на кізіні чарытчатхан сын Чарых пар полған.

Моисей Чахиин піске Моисей, Худайдаң алып, пирген, че паарсаснаң сын сӧстерні Иисус Христос пирген нооза.