လုကာ 1
1
အခန်း (၁)
သော်ဖိလုဝါအပိတ်ငဟော့စို
1မလေးစားလငဟော့ သော်ဖိလုဝေါ၊ ချောင်ငဲ့လော့ ကေ့နိအကြားဝါ အဖြစ်ပျက်ငဟော့ အရာဝဲ့ငဟော့ စိုဝိုအရေးဝဲတောက် အကြိုးစားဟော့။ 2ထို့တစ်လောက်ကာ အရေးလငဟော့နိုးပုဝါ ယနိလော့ အစကလော့ပ မော့ဟော့လော့ဟော အဖြစ်ပျက်ဟော့ငဟော့ အပြစ်ပျက်ငဟော့ မူ့ဟော့ဟောချောင်ငဲ့လော့ အဟောက်ငဟော့ အရာဝဲ့ငဟော့ အရေးဟော့ငဟော့အဖြစ်။ 3နီကြောင်းငို ကေ့လော့ အစကလော့ပ ဂရုတစိုက်စုံစဉ်းလေးလာလော့တဲ့ အဖြစ်ပျက်အားငဟော့ နောင်နိတောက် အစီစဉ်တကျအရေးဝဲတောက် အဆုံးပြတ်လနိုးအဖြစ်။ 4နောင်နိလော့ စုပ်အုပ်လငဟော့ အကြောင်းအရာဝဲ့ အမှန်သိမ် ကမှတ်ရှောက်ဒူကြောင်းငို နောင်နိထံငွါ တစ်လောက်ကာ အစဉ်တကျ ရေးလတို့အဖြစ်လခြင်းအဖြစ်။
နောတ်ဒေဝါလော့ရေနှစ်မင်္ဂလာယောဟန် အမွက်ရိုင်ဟော့အကြောင်းအဟောပြောငဟော့
5ယုဒပြည်ဝါဟော့ ဆှန်ပလာန်းဟေရုဒ်လော့ အအုပ်ချုပ်အချိန်ငါ အဘိယ#1.5 အဘိယသိမ်ဟောက်ငဟော့ ဂျူးပရောဟိတ် နာမိန်ဖြစ်လော့တဲ့ ဂျေရုဆလင်ကျုံဒိတ်ကာ အမှုဆောင်လငဟော့ အဖွဲ့ငဟော့ ဂျူးပုရောဟိတ်အဖွဲ့ ၂၄ ဖွဲ့ဒိတ်ကာဟော့ တစ်ဖွဲ့ဒိတ်ကာဟော့ အဖွဲ့ဝင်တစ်ခုပြီးတယ်။ (ရာဇဝင်ချုပ်ပထမစောင် ၂၄း၁၀)သိမ်အဘိတ်ငဟော့ ပုရောဟိတ်#1.5 ပရောဟိတ်ဆိုသည်မှာ လေဝိအနွယ်မှတ်ရှင်းတက်လာသော ဂျူးဘာသာရေးကောင်းဆောင်တွေ ဖြစ်ဘုရားရှင်နဲ့လူတွေကြားမှာ ကြားဝါ ရပ်ပြီးတော့မှတ် ဘုရားရှင်အားပူဇော်ရပြီး ဂျေရှလင်တွင်ရှိတဲ့ ဗိန်မာတော်တွင်သာ ဘာသာရေးကိစ္စချောင်ဗုန်းဝဲ့ရာ ဆအစိုင်းပိတ်လဟော့ချောင်။အဖွဲ့တွင် ဇာခရိသိမမ်အဘိတ်ငဟော့ ဂျူးပရောဟိတ်ပေါတ်နောတ်အဖြစ်။ ယပေးယှာ ဧလိရှဗက်ငဟော့ဟော အစ္စရေးမျိုးနွယ်၏ ပထမဦးဆုံး ပုရောဟိတ် အာရုန်သိမ်#1.5 အာရုန်သိမ်ဟောက်ငဟော့ မောရှေ သအာ ဖြစ်လော့တဲ့ အစ္စရေးချောင်ဗုန်းဝဲ့ဟော့ ပထမဦးဆုံးချောင်အဖြစ် ဂျူးပရောဟိတ်အာလုံးငဟော့ ယငွါ ဟော့အကွန်းလူးနိုးအဖြစ်။ ဘိတ်ငဟော့ဟော မိသားစုဝါဟော့ ကွန်းလူးဟော့ချောင် အဖြစ်။ 6ယနိပေါတ်ဟိငဟော့ ဘုရားရှင် ပညတ်တော်ငဟော့ မှားမွက်ငှားတအုံ လိုက်နာကြောင်းငို ဘုရားရှင်ရှေ့ယာ ဖြောင့်မတ်ဟော့ချောင်#1.6 ဘုရားရှင် ပညတ်တော်ဝို ညီအုံအွမ်းဟော့ချောင်ဖြစ် ယဟိဖြစ်။ 7ဆတ်လော့ဟော ယဟိဝါ အစိုးအနော်ဝဲ့မော့ရ။ ဘယ်ကြောင်းငိုဝေါနိုးပုဝါဧလိရှဗက်ငဟော မြုံကြောင်းငို အစိုးနောင်ငဟော့ မော့ခုဝကြောင်းငို ယဟိပေန်းဟိပေါတ်ဟိတဒေါန်ငဟော့ အရှောက်ယဟိဟော့ ကီးကယ်ယဟိစာန်းဟီကြောင်းငိုအဖြစ်။ 8နှုတ်တောတ်တာ ပုရောဟိတ်ဇာခရိအဖွဲ့ငဟော့ ကျုံဒိတ်ကာ#1.8 ဘုရားကျုံသိမ်ဟောက်ငဟော့ ဂျေရုဆလင်မြို့ဝါမော့ငဟော့ အုဝေါတ်လောက် ဂျူးချောင်ဗုန်းဝဲ့လော့ ဝတ်ပြုလော့တဲ့အဆုတောင်းငဟော့ နေရာအဖြစ် အလှည့်ကျတာဝန်ငဟော့ ဘုရားရှင်ရှေ့ဝါအမှုတော်ဆောင်ရွက်ဒုံးနာ 9ဘုရားငဟော့ လုပ်ကျွေးပြုငဟော့ ပုရောဟိတ်ကဲ့ဓလေ့ထုံးစံအတိုင်း ကျုံဒိတ်ကာ အမွှေးတိုင်ငဲ့ထွန်းလော့အပူဇော်ဝိုင်းတောက် မဲနှိုက်လော့ အဟဲ့ငဟော့ ယလော့အခေါင်းလတို့။ 10တစ်လောက်ဖြစ်လော့တဲ့ ဇာခရိငဟော့ အမွှေးတိုင်ငဲ့ထွန်းလော့အပူဇော်ဟော့အချိန်ငါ ချောင်မနဲလော့ဟော ကျုံခြမ်ဒိတ်ကာ ယားအလော့သဲ့ ယနိဆုတောင်းအောင်တို့။
11အနီပုန်ပိ ဘုရားရှင်လော့အလှို့ဝဟော့ နောတ်ဒေဝါ ပါးဝတ်လော့ ဇာခရိ အမွှေးတိုင်ငဲ့ထွန်းလော့ အပူဇော်နောက်ဒွန်း ပလ္လင်လောက်ပွန်ပတို ဇာခရိဝါ ကိုယ်ထင်ပြလော့တဲ့ အရပ်ငဟော့ 12ဇာခရိလော့ နောတ်အမှု့ပြီးစလော့ ယငဟော့ ကီးကယ်ကေ့လော့တဲ့ အလစ်လက်အစ်တို့။ 13ထိုပိစလော့ နောတ်ဒေဝါလော့ ယဝါ "အင်းကေ့ရိုင်သိ၊ ဇာခရိ။ နောင်းဆုတောင်းထိုင်းယဟော့ ဘုရားရှင်လော့ အရောက်ဟီ။ နောင်းပေးယှာ ဧလိရှဗက်လော့ နောင်းအတောတ်အစိုးပတိုးစအောင် အသောက်အောက်ကိုင်း။ နောင်းလော့ ယဝါ ယောဟန်သိမ် အမိန် နပိတ်လာ့အိုင်။ 14ယအမော့ချိန်ငါ နောင်နိကီးကယ် နောင်နိ ပျော်လလှောက်ကာ ချောင်မနဲ့ဟော ယနိမြောက်လာ့ဝိုင့်။ 15ဘယ်သိမ်ကြောင်းငိုဝေါနိုးပုဝါ ထိုဆမီးစအော်ငဟော့ ဘုရားရှင်ရှေ့ယာ ကြီးကျယ်မြင့်မြတ်ဟော့ချောင် အဖြစ်သိုင်။ ယဟော့ ပသာဟော စပျစ်ဝိုင်လော့ လာက်ကဲ့ အအုပ်လအယ်ဆိတ်လာ့။ ယနူအူဟုံဒုန်းဒိတ်ကာစထုလော့ပ ဘုရားအမွင်ချိုဝဟော့#1.15 ဘုရားမွန်းချို သိမ်ဟောက်ငဟော့ ပအော်ဘုရား၊ အစိုးယေရှု၊ ဘုရားအမွန်းချိုသိမ်ဟောက်ငဟော့ပါးထုန်ငဟော့ တတိယပါးဝေါတ်အဖြစ်။ ယဝိုတွက်တူဝါအမွက်ရိုင်။ 16ယလော့ မနည်းမွတ်ဟော့ အစ္စရေးဗုန်းငဲ့ယာ နောင်တသံဝေဂလာ့အလော့ ယနိအရှင်ဖြစ်ဟော့ ဘုရားရှင်ပါတ်တို ပြန်လော့အလှည့်ရှောက်ကိုင်း။ 17ယငဟော့ ပရောဖက်ယလှောက်ကပါက်#1.17 ပရောဖက်သည်မှာ ဘုရားရှင် အမှုတော်ငဟော့ စိုင်းလဟော့ချောင်အဖြစ်။ ယလော့ ဘုရားရှင်လော့ ရွေးချယ်ငဟော့ ခေါင်းလငဟော့ အထူးအသုံးပြုခေါင်းလငဟော့ ခေါင်းလဟော့ချောင်အဖြစ်။ ဘုရားရှင်သိမ်ဟောက်ငဟော့နိုးပုဝါ ဘုရားရှင်မိန့်ကြားငဟော့ ပြန်လော့ဟောက်ပေါ်ငဟော့အဖြစ်။ အခွင့်အာဏာလော့ တန်ခိုးဝဲ့မွက်လော့သဲ့ အရှင့်ရှေ့တော်ပြေးအဖြစ်သိုင်။ ယဝဟော့ အနူးပိုးလော့ အစိုးနော်ဝဲ့ စိတ်နှလုံးငဟော့ညီညွတ်စေလော့တဲ့ နာခံခြင်းမော့ငှားဟော့ ချောင်ငဲဟောဖြောင့်မြတ်မှန်ကန်ငဟော့ အမှတ်ဉာဏ်ပညာလလာအုံအပ်ဟောက်ဝဲ။ နိကြောင်းငို ချောင်ငဲ့ငဟော အရှင်အကြွလူးကနို အဆင်သင့်ယနိဖြစ်သိုင်" သိမ်အဟောက်တို့။
18အနီပုန်ပိ ဇာခရိလော့ဟော ဘုရားရှင်နောတ်ဒေဝါ "နောင်းလော့ဟောက်လောက်ကာ အဖြစ်လူးဝဲသိမ် ကေ့ပခါ ကယုံနောက်လအယ်ရိုး။ ဘယ်သိမ်ကြောင်းငိုဝေါနိုးပုဝါ ကဟိလောင်ယားငဟော့ ပေန်းဟိတဒေါန် ကီးကယ်ကဟိစာန်ဟီ" သိမ်ပြန်လော့တဲ့အဟောက်တို့။
19အနီပိစလော့ ဘုရားရှင် နောတ်ဒေဝါ လော့ ယဝါ "ကေ့ယဟော့ ဘုရား ရှင်ရှေ့ယာ ခစားရငဟော့ ဂါဗြေလကဖြစ်။ နီမင်္ဂလာသတင်းပွယ်စကားငဟော့ ဟောက်ဝိုင့်သိမ် နောင်းငွါဟောက်တဲ့ငဟော့ ဘုရားရှင်လော့ ကေ့အလှို့နိုးအဖြစ်။ 20နီကြောင်းငို အချိန်အတောန်အွမ်လူးကနို အဖြစ်ပျက်လူးဝိုင်းဖြစ်ဟော့ ကေ့ကဟောက်ဝဟော့ပေါလ် ရွမ်အွမ်နောက်ကသိကြောင်းငို၊ ထိုအဖြစ်အပျက်သဲ့အဖြစ်လူးငှားမောင်အုံထိ နောင်းငဟော့နအို့ဝိုင့်" သိမ်အဟောက်တို့။
21ဇာခရိလော့ နောတ်ဒေဝါငဟော့ ဘုရားကျုံဒိက်ကာ ယဟိတက်အက်တွန်းနာ အကြောင်ငါမော့ဟော့ ချောင်ပရိသတ်သဲ့ လော့ ဇာခရိ စုန်အလော့ ယနိမော့။ ယနိလော့ ကျုံဒိတ်ကာ ဇာခရိ ပိုင်ကြောင်းငို အချိန်ကြာအုံ အအွမ်းသိမ် ယနိမှတ်နှူးတို့။ 22ဇာခရိ အကြောင်ငါအဆူးလူးအချိန်ငါ တက်အက်လော့လာ့သေးရကြောင်းငို ယလော့ဟော တက်အက်လော့လာ့တအုံ အကွက်ခူလုတ်အုပ်လော့နော ဆက်လော့ အမူအရာငဟော့ အပြကြောင်းငို ကျုံဒိတ်ကာအမွတ်တွန်နာ အုဝတ်နှိုအမှု့လာ့သိမ် ချောင်ပရိတ်ငဲ့လော့ ယနိရောက်စူးတို့။
23နိပိစ ဇာခရိလော့ ဘုရားကျူံဒိတ်ကာ အစိုင်းလအယ်ငဟော့ စိုက်ကဲ့အစိုင်းပေါင်ပြီးစလော့ ယအင်းနာအပြန်ပေါ်တို့။။ 24အချိန်နိုက်စအောင်အကြာပိစ ဇာခရိပေးယှာဧလိရှဗက်တာ ကိုယ်ဝန်မော့လူးလော့တဲ့ အနီနှတိုးနူးဝဟော့ ချိုးငှိုဘောင်းကြာအုံ ချောင်ငဲ့ကြားဝါ စိရ။ 25နတိုးနူးလော့ "အရှင်လော့ ကေ့ယာ ကိုယ်ဝန်အလာ့အာဝိုင်းယဟော့ ခွင့်အပိတ်ဟီ၊ ယလော့ကေ့ငဟော့အဟုန်းဆေးလော့တဲ့ ချောင်ငဲ့လော့ အထင်ယနိသေးရာဟော့ အကျုပ်ရှောက်ဟီ" သိမ် ဟောက်တို့။
နောတ်ဒေဝါလော့ မာရိဝါ ကိုယ်တော်ယေရှု အမော့ဝဲဟော့အကြောင်းဟောက်လူးငဟော့
26ဧလိရှဗက်ကိုယ်ဝန်ချိုးရှုပ်အမွက်ဟော့အချိန်ငါ ဘုရားရှင်လော့ နောတ်ဒေဝါဂါဗြေလ#1.26 နောတ်ဂါဗြေလဝဟော့ ဘုရားရှင်သတင်းပေါလ်ဝဟော့ ထို့ပိတ်ဟော့ချောင် ဝဟော့ ဂါလိလဲပြည်ဝါမော့ဟော့၊ နာဇရက်မြို့ဝါ အလှို့လော့တဲ့ 27မာရိသိမ်ဟောက်ဟော့ နှောင်းနူးချောင်ပေါတ်နောတ်ငွါဟိလော့တဲ့ သတင်းဟောက်ခူဟောက်တို့။ မာရိယဟော့ ဆှန်ပလာန်းဒါဝိဒ် မျိုးရိုးဝါဟော့ကွန်းလူးဟော့ ယောသပ်သို စေ့စပ်အပ်သဟော့ ချောင်အဖြစ်။ 28နောတ်လော့ မာရိယာ ကိုယ်ထင်ပြလော့တဲ့ "ဘုရားရှင်နဟော့ နောင်းဝိုတွက်တူဝါမော့လော့တဲ့ ယဟာကရုဏာငဟော့ဟော နောင်းအပေါ်ဝါပိုလော့တဲ့တဲ့အပြဟီ" သိမ်ဟောက်ပေါင်ပိစလော့ နှုတ်ဆက်တို့။
29ဆိတ်လော့ဟော မာရိလော့ ထိုဟောက်ခူငဟော့အရောက်ပြီးစလော့ ကြီးကယ်အလုန်ရှုပ်လော့တဲ့ နောတ်ဒေဝါ ဟောက်ခူဝဲ့ မောင်းဟောက်နူးသိမ် စဉ်းစားလော့တဲ့အအွမ်းတို့။ 30အနီပုန်ပိ နောတ်ဒေဝါလော့ နီနတိုးနူးဝါ "အင်းကေ့ရိုင်သိ၊ မာရိ။ ဘုရားရှင်လော့ နောင်းငါမျက်နှာသာအပိတ်ဟီ။ 31နောင်းငဟော့ ကိုယ်ဝန်မွက်သလော့ အစိုးပတိုးပေန်းနောတ် နသောက်အောက်လာ့ဝိုင့်။ ယနှာမိန်ငဟော့ ယေရှု သိမ်နှာမိန်နပိတ်လာ့ဝိုင့်။ 32ယဟော့ အလင်းသဟော့ချောင်ပေန်းနောတ် ဖြစ်လူးလော့ အမြင့်မြတ်ဆုံးဟော့ဘုရားရှင်စိုးသိမ် ယနိဘိက်အိပ်ကိုင်း။ ယဟင်ဘိုးဘေးဖြစ်ဘုရင်ဒါဝိဒ်လော့ကာ ယချောင်ငဲ့အပေါ်ဝါ အချုပ်ခွင့်အပိတ်ဝဲ့။ 33ယငလော့ ယာကုပ်မျိုးဆက်ဖြစ်ဟော့ အစ္စရေးချောင်ဗုန်းအပေါင်းဝဲ့ဝါ ဘုရင်အဖြစ် ထာဝရ အုပ်ချုပ်တော်မူလော့တဲ့ ယနန်းဆက်ငဟော့ဟော ပသာဟော အကျပ်ဝဲဆိတ်လ" သိမ်ဟောက်တို့။
34အနီပိစ မာရိလော့ "ကေ့ဟော့ နှောနှူးချောင်ကဖြစ်ကြောင်းငို နီအကြောင်းငဟော ပခါအဖြစ်ခုဝိုင့်ရိုး" သိမ်နောတ်ဒေဝါလော့အဟောက်တို့။
35နောတ်ဒေဝါလော့ဟော "ဘုရားအမွင်ချိုဝဟော့ နောင်းငှာ ကွန်းလူးလော့သဲ့ ဘုရားရှင်တန်ခိုးတော်လော့ နောင်း အလွှမ်းမိုးဝိုင်း။ အသောက်အောက်ကဟော့ နစိုးဝဟော့ ယဝါကြီးကျယ်မြင့်မြတ်ဟော့ ဘုရားရှင်စိုး သိမ်ယနိဘိက်အိပ်ကိုင်း။ 36နောင်းမို့ဆိုး ဧလိရှဗက်ငဟော့ဟော အစံဟလော့တဲ့ အမြုံကြောင်းငို အစိုးသောက်ခုသိယသိမ် ချောင်ငဲ့လော့ ခင်းအလော့ဟော့ဟော တူဝါ ကိုယ်ဝန်ချို့ချိုပ်အမော့ဟီ။ 37ဘုရားရှင်တောက် ဖြစ်ခုဝသိမ် အုဝေါတ်နှိုဟော့မော့ရ" သိမ် ပြန်လော့အဟောက်ပေါ်တို့။
38အနီပုန်ပိ မာရိလော့ "ကေ့ယဟော့ ဘုရားရှင် အစေခံဟော့ ချောင်ပေန်းနောတ်ကဖြစ်။ ကေ့ယာ နောင်းနဟောက်ဝဟော့ ပေါလ်လှောက် ဘုရားရှင်လော့အလိုအိုလှောက်ကာ ဖြစ်ပွယ့်ရွှီ" သိမ်နောတ်တာ ပြန်လော့အဟောက်ဘော်။ အနီပုန်ပိ နောတ်ဒေဝါနောတ်ဒေဝါလော့ဟော မာရိငှာဟော့ အစိဘော်တို့။
ဧလိရှဗက်ငှာ မာရိအစိယဟော့
39နီပေါင်ပိစ မာရိယဟော့ အသင့်ကျာန်အာန်လော့ ဇာခရိအွမ်းနောက်ဒွန်း ယုဒမြို့ဝါမွက်ဟော့ တုံပုဝါမြို့ဝါ မြန်မြန်အစိတို့။ 40နီနှတိုးနူးဝဟော့ အနီနေရာဝါအဖိုးပိစ ဇာခရိအင်းဒိက်ကာဝေါင်းလော့သဲ့ ဇာခရိပေးယှာဖြစ်ဟော့ဧလိရှဗက်တာအနှုတ်ဆက်တို့။ 41မာရိလော့ အနှုတ်ဆက်ပေါလ်ဝဟော့ ဧလိရှဗက်လော့အရောက်ပိစလော့ ပါတ်တောတ်လိုက်ကို ယအဟုန်တုံးဒိက်ကာဟော့ ဆမီးစအောင် အဟော့လုံးခနဲစာက်အာက်တို့။ နိပေါင်ပိ ဘုရားအမွင်ချိုဝို ဧလိရှဗက်အပေါ်ဝါ ပေါ်လော့တဲ့ 42နီတိုးနူးငဟော့ အလှပ်လှပ်ဟော့အထိုင်းဝို မာရိယာ "ဘုရားရှင်လော့ အရာနှတိုးနူးထောက်ကာ နောင်းငါပိုလော့မျက်နာသာအပိတ်ဟီ အဖြစ်လော့တဲ့ နောင်းလော့နတောက်ဝဲ့ငဟော့ ဆမီးစအော်ဟော မျက်နှာသာအပိတ်ငဟော့ အခေါင်းလအယ်။ 43ဆိတ်လော့ဟော အရှင်နူးငဟော့ရောက်တို့ ကေ့ငွါလူးလအုံ ကေ့ငဟော့ ဘယ်သိမ်ကြောင်းငို မျက်နာသာအပိတ်ငဟော့ အခေါင်းလဝိုး။ 44နောင်းလော့နှုတ်ဆက်ပေါလ်ဟော့ ကေ့ကယောက်လာ့ပိစလော့ ကေ့ဟုန်တုံးဒိက်ကဟော့ ဆမီးစအောင် ပျော်လော့သဲ့ အစအာက်တို့။ 45ဘုရားရှင်ငှာဟော့သတင်းပေါလ်ဟော့ တကယ့်တကယ်အဖြစ်လူးဝိုင်းသိမ် နောင်းလော့ နရွမ်အွမ်နောက်ကြောင်းငို နောင်းငဟော့ မျက်နာသာအပိတ်ငဟော့ခေါင်းလဟီ" သိမ် အလုတ်လုတ်ကာ အဟောက်တို့။
မာရိလော့ အချီးမွမ်းငဟော့
46အနီပုန်ပိ မာရိလော့ဟော "ကေ့ယဟော့ ဘုရားရှင်ငဟော့ ကချီးမွမ်း။
47ကေ့စိတ်နှလုံးဟော့ ကေ့ကယ်တင်ရှင် ဘုရားရှင်ငှာ အားလာ့ဟူလော့အပျော်။
48ဘယ်သိမ်ကြောင်းငိုဝေါမိုးပုဝါ ကေ့ငဟော့ ဘုရားရှင်လော့အနိမ့်ချဟော့အစေခံဖြစ်ဟူလော့ဟော ဘုရားရှင်လော့
ကေ့ငဟော့ အညှို့ဝ။
တူဝါဟော့ အချိန်ဝါဟော့စလော့တဲ့ မျိုးဆက်တိုင်းငလော့ဟော ကေ့ငဟော့ ဘုရားရှင်လော့မျက်နှာသာအပိတ်ငဟော့ ခေါင်းလဟော့ချောင်သိမ် ယနိဘိတ်ဝိုင်း။
49ဘယ်သိမ်ကြောင်းငိုဝေါတ်နိုးပုဝါ ကြီးကယ်တန်းခိုးလင်ဟော့ ဘုရားရှင်နဟော့ ကေ့အပေါ်ဝါ အပေါတ်ငဟော့အစိုင်းပိတ်ကြောင်းငို ဘုရားရှင်နာမတော်ငဟော့ ကကြီးကယ်အလင်း။
50ဘုရားရှင်လော့ ယဝါ ကေ့လော့တဲ့ရိုသေဟော့ချောင်ငဲ့ဝါ ခေတ်အဆက်ဆက် ယလော့ လင်ဟော့အဟင်းချေယဟော့ အမြဲတမ်း ထင်ရှားအုံအပြဝဟော့ အဖြစ်။
51ဘုရားရှင်လော့ ယလုံသယ မာန်မာနထောင်လွှားဟော့ ချောင်တကားဝါ ယတန်ခိုးတော်ဝို နိုမ့်ချရှောက်တို့။
52ဘုရားရှင်လော့ အာဏာဝိုအုပ်စိုးဟော့ ချောင်ငဲ့ငဟော့ ယပလ္လင်နာဟော့ လာန်ရှူလော့တဲ့ နှိမ့်ချဟယ်ဟော့ ချောင်ဝဲ့ဟော့ ချီးမျှောက်ဝဲ။
53ဘုရားရှင်လော့ ဘို့အိုလော့တဲ့ငတ်ဟော့ ချောင်ငဲ့ငါ ပွယ်ဟော့အရာဝဲ့ ပိတ်လော့တဲ့ ဟင်းစသောက်အောက်ဟော့ချောင်ငဲ့ငါနီး ဘောင်းဟောပိတ်တအုံ အလှိုးအလှို့။
54ဘုရားရှင်လော့ ယလင်ဟော့အဟင်းချေယဟော့ မှတ်လော့သဲ့ ယသာသနာရှာက်စိုင်းပိတ်ဟော့ချောင် အစ္စရေးဗုန်းငဲ့ငါ အကူညီဟီ။
55ဟောနီအရာငဟော့ ဘုရားရှင်လော့ မနိဟန်ပိုးဖြစ်ဟော့ အာဗြဟံလော့ယဗုန်းငဲ့အားလုံးငါ အပိတ်ဟောငဟော့
ကတိတော်လှောက်ကာ ဂတိတော် အတောက်ဟောက်"။
56နိပေါင်ပိ မာရိယဟော့ ဧလိရှဗက်တို ချိုးထုံဘောင်းအတွက်တူဝါ အွမ်းလော့ ယဝဟော့အင်းနာအပြန်ဘော်တို့။
ယောဟန်အမွက်လော့ အမိန်ယနိပိတ်အပိတ်ငဟော့
57အနီပုန်ပိ ဧလိရှဗက် အစိုးဦးအသောက်အောက်ကိုင်း အချိန်အကျောက်လူးပိစလော့ အနီနှတိုးနူးဝဟော့ အစိုးအသောက်အောက်တို့။ 58ဧလိရှဗက်အင်းစိန်းပွေးရဲ့လော့ မို့ဆိုးဝဲ့လော့ ဘုရားရှင်လော့အဟင်းရှေ့ငဟော့ ယအပုဝါအသောက်ကဟော့ ယနိရောက်ဖူးကြောင်းငို အနီနှတိုးနူးဟွေးတူ အတွက်တူဝါယနိပျော်ပိလာ့။
59အစိုးမွက်လော့သဲ့ နှုတ်ဆက်နှုတ်အဖို ချောင်ငဲ့ငဟော့ အအွန်းယနိလှိပ်#1.59 အရေဖျားလှီးမင်္ဂလာဆိုသည်မှာ မောရှေပညတ်ကျမ်းအရ ယောကျာ်းတို့၏အင်္ဂါထိပ်အရေဖျားကို လှီးပြတ်ချင်းဖြစ်တယ်။(ထွက်မြောက်ရာကျမ်း ၁၂း၃) ကဲ့လှောက်ကာ အစိုင်းရဲတောက်ဖိုးလူးတို့။ ယပအော် ဇာခရိနှာမိန်လော့အလော့တဲ့ နီဆမီးစအော်ငဟော့ ဇာခရိ သိမ်နှာမည်အပိတ်ကဲ့သိမ်ဟောက်တို့။ 60ဆိတ်လော့ဟော ဆမီးစအောင်နူအူဖြစ်ဟော့ ဧလိရှဗက်လော့ "ဆိတ်က ယနှာမိန် ယောဟန်သိမ် ပိတ်လအယ်" သိမ်အဟောက်။
61ထိုပြီးစလော့ ချောင်တကားလော့ အနီနှတိုးနူးဝါ "နောင်နိဗုန်းဒိက်ကာ နီလှောက်ကာနှာမိန်ဘောင်းမွက်ရ" သိမ်ယနိဟောက်။
62နီကြောင်းငို ယနိလော့ ဆမီးစအောင်ပအောင်ဖြစ်ဟော့ဇာခရိယာ အကွက်လုပ်အုပ်ပိတ်အိုလော့တဲ့ဆမီးစအော်ဝါ ဘောင်းခါနှာမိန်နပိတ်ဝိုင့်ရိုးသိမ် ယနိစက်။ 63ဇာခရိလော့ သင်ပုန်းချပ်တောတ်တုံးအုံလော့သဲ့ ရစိုးနှာမိန်ငဟော့ ယောဟန် အဖြစ်သိမ်အရေးကြောင်းငို မှူးလာ့ဟော့ချောင်ငဲ့လော့ ယနိအံ့ဩတို့။ 64ချက်ချင်းပ ဇာခရိဟော့ ပြန်လော့တဲ့တက်အက်ပေါ်ခုလော့တဲ့ ဘုရားရှင်ငဟော့ စလော့တဲ့အချီးမွှမ်းတို့။ 65အင်းစိမ်းပွေးရဲ့လော့ မို့ဆိုးအားလုံးငဲ့လော့ နီအဖြစ်အပျက်ဟော့ ယနိမှုပိစ ကေ့အေအလော့တဲ့ ယနိလစ်လစ်အက်မာက်။ ယုဒပြည် တုံပုဒေသတစ်လျှောက်ဝါမော့ဟော့ ချောင်တိုင်းလော့ဟော အဖြစ်ဟော့ငဟော နီအကြောင်းဝဲ့ယနိဟောက်တို့။ 66အနီသတင်း ရောက်လာ့ဟော့ချောင်တကားလော့ "နီဆမီးစအောင် အလင်းလူးကနိုသဲ့ ပခါအဖြစ်လူးဝိုင်းရော" သိမ် စိတ်ဝင်တစားရနိဟောက်။ ဘယ်သိမ်ကြောင်းငိုဝေါနိုးပုဝါ ဘုရားရှင်တန်ခိုးတော်ဝဟော့ ဆမီးစအောင်ဟွေးတူ အမွက်ကြောင်းငိုအဖြစ်။
ဇာခရိလော့ဘုရှင်အချီးမွမ်းငဟော့
67နိပေါင်ပိစလော့ ဘုရားအမွင်ချိုလော့ ယောဟန်ပအော် ဇာခရိငဟော့ အပေါ်ဝါကော်လော့တဲ့ ဘုရားရှင် သတင်းငဟော့ အဟောက်တို့။ ယငဟော့
68"အစ္စရေးဗုန်းအားလုံးငဲ့ အရှင်ငဟော့ကေ့လော့ ချီးမွမ်းပါ၏။
ဘယ်သိမ်ကြောင်းငိုဝေါနိုးပုဝါ ဘုရားရှင်လော့ ယချောင်ဗုန်းအလှို့ဝဲ့တောက် အကြွလူးနိုးအဖြစ်။
69ဘုရားရှင်လော့ ယအစေခံဖြစ်ငဟော့ဒါဝိဒ်ဝါဟော့ကွမ်းလူးငဟော့ တန်ခိုးမော့ဟော့
ကယ်တင်ရှင်ဝါ ကေ့နိအားလုံးတောက် အပိတ်ဟီ။
70လကိုးဝါ ဘုရားရှင်လော့ ယလော့အရွေးချယ်ဟောငဟော့ ပရောဖက်သဲ့ယာဟော့တဆင့် အဟောက်ဝတ်လှောက်ကာ
71နီတန်ခိုးလင်ဟော့ ကယ်တင်ရှင်နဟော့ ကနိယာ ရန်သူအပေါင်းငှာဟော့ အကယ်ရိုင်းလော့တဲ့ မွန်းအွမ်ဟော့ချောင်ဝဲ့ဝါဟော့ဟော အကယ်ရိုင်း။
72ဘုရားရှင်လော့ တစ်လောက်ကာအစိုင်းလခြင်းငဟော့ ကနိဟန်ပိုးဝဲ့ဝါ မဟာကရုဏာမေတ္တာတော်ဝို
အပြဝဲတောက်လော့ ယသဘောတူညီခြင်းငဟော့ မှတ်အုံအဖြစ်။
73ဘုရားရှင်လော့ ကနိဟန်ပိုးဖြစ်ဟော့ အာဗြဟံနာကတိတော်လှောက်ကာ အတိုင်း
74ကေ့နိငဟော့ ကေ့နိရန်သူဝဲ့အကွက်ဒိတ်ကာဟော့ အကယ်တင်ဝဲ့ဖြစ်လော့တဲ့ ကေ့နိဟော အကေ့ငဟော့မော့ငှားတစ်အုံ ဘုရားရှင်အမှုတော်ငဟော့ အထမ်းဆောင်ခုဝဲ။
75နီကြောင်းငို ကေ့နိငဟော့ကေ့နိဘဝတစ်လျှောက်လုံး ဘုရားရှင်ရှေ့ဝါ ဖြောင့်မှတ်မှန်ကန်လော့တဲ့ မြင့်မြတ်အုံ အရှောက်ဟိုင်လော့တဲ့အအုံးခုဝဲ သိမ်ဘုရားရှင်ငဟော့ အချီးမွမ်းတို့။"
76အနီပုန်ပိ ဇာခရိလော့ ယစိုးဝါ
"ကေ့စိုးဝိုး၊ နောင်းငါ အမြင့်မြတ်ဆုံးဟော့ ဘုရားရှင် ပရောဖက် သိမ် အဘိက်အိပ်အခွန်းဖြစ်လော့သဲ့
အရှင်လွန်းနဟော့ ကြိုလော့တဲ့အကျာန် ပိတ်လအယ်အဖြစ်။
77ဘုရားရှင်လော့ ချောင်ငဲ့အပြစ်တဟော့ ခွင့်လှို့သလော့ ကယ်တင်နိုင်းသိမ်ဝဲငဟော့ နောင်းလော့ ချောင်ဝဲ့ရာ အဟောက်ပိတ်လအယ်။
78ဘုရားရှင်ငလော့ ကြီးကယ်လင်ဟော့အဟင်းချေငဟော့မေတ္တာတော်မော့ကြောင်းငို ကေ့နိငဟော့ ကယ်တင်ဝဲအဖြစ်။
နီကြောင်းငို ဘုရားရှင်လော့ ကေ့နိငဟော့အကယ်တင်ဝဲ့တောက် မေရှိယ#1.78 ဘုရားရှင်ကတိအတိုင်း အလှို့ငဟော့ ကယ်ရှင် (ဂတိဟောက်ခူ) ခရစ်တော်လော့ အတွက်တွက်ဝါ ဖြစ်လော့တဲ့ အဓိပ္ပာယ်ငဟော့ (ကယ်တင်ရှင်) ငဟော့ရွှေမြို့တော်ဝါဟော့ အလှို့ပိတ်နိုးအဖြစ်။
79ယလော့ ဘုရားရှင်ငဟော မှတ်ငှားတစ်အုံအွမ်းဟော့ချောင်ငဲ့ငဟော့ အဒူးဝယ်ကေ့ဟော့ချောင်ငဲ့ငဟော့ အကူညီပိတ်ဝဲ။
ယလော့ လောင်းလောင်းအပြမှုဝို ကေ့နိငဟော့ ငြိမ်းချမ်းအုံလောင်းအပြပိတ်ခုဝဲ့
80ယောဟန်ဟော့ လင်လူးလော့သဲ့ စိတ်ဓာတ်ကျမ်းခိုင်လူးတို့။ ယဝါဟော့တူဝါ အစ္စရေးချောင်မျိုးရှေ့ဝါ အမှုတော်ငဟော့ စလော့တဲ့ဆောင်ရွက်ငဟော့ နုတ်ဖိုးငှားမောင်းအထိ ယငဟော့ တောကန္တာရဒိတ်ကာ အအုံးဟော့တို့။
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.