လုကာ 2
2
အခန်း (၂)
ကိုယ်တော်ယေရှုအမွက်ယဟော့
(မဿဲ ၁.၁၈-၂၅)
1ထိုအချိန်ကာလဝါ ရောမဘုရင်အလင်းဩဂုတ္တုလော့#2.1 ပြည်နယ်စအော်ဝဲ့ အုပ်ချုပ်ငဟော့ ဆဗလှန်းလင်းစအော်ဝဲ့ အုပ်ချုပ်ငဟော့ ဆဗလှန်းလင်း။ ရောမအင်ပါယာအုပ်စိုးချိန်ငါ အုံးဟော့ချောင်အားလုံးဝါ သန်းခေါင်စာရင်း အကုတ်လအာသိမ် အမိန့်တော်တို့။ 2နီပထမဆုံး သန်းခေါင်စာရင်းအကုပ်ကဟော့အချိန်ငါ ကုရေနိ ယဟော့ဆီးရီးယားပြည်ရာ ဆဗလှန်းစအော်#2.2 ဆဗလှန်းစအော် ဆဗလှန်းစအော်ငဟော့ ပြည်နယ်စအော်ဝဲ့ အုပ်ချုပ်ဟော့ချောင်အဖြစ်။ အဖြစ်။ 3နီကြောင်းငို ချောင်တကားဟော့ ယနိမွက်ဒွန်းနေရာဝါ ယနိဟံပိုးဝဲ့နန်းဝါ သန်းခေါင်စာရင်းကုပ်ကိုင် ယနိပြန်တို့။ 4တိုဝါ ယောသပ်ဟော ရှန်ပလာန်းဒါဝိဒ်အဗုန်းဝဟော့ကွမ်းလူးကြောင်း ဂါလိလဲပြည် နာဇရက်မြို့ဝါဟော့ဆုလေ့တဲ့ ရှန်ပလာန်းဒါဝိဒ်မြို့ဖြစ်ဟော့ ယုဒပြည်နယ်ယာဟော့ ဗက်လင်မြို့ဝါ အစိလာ့။ 5ယဝဟော့ မာရိရိုအတွက်တူဝါ သန်ခေါင်စာရင်းအသွင်းနိုင်းအစိလာ့။ ပိုင်းကြောင်းငိုဝေါနပါ မာရိငဟော့ ယောသပ်ဝိုစေ့စပ်အပ်လော့သဲ့ ကိုယ်ဝန်အမွက်ကြောင်းငို အဖြစ်။ 6ယဟိပေန်းဟိဒဒေါင်း ဗက်လင်ဝါမော့နောက်ဒုန်းဝါ မာရိယဟော့ အစိုးအသောက်အောက်ကိုင်းယဟော့ အချိန်အကျောက်လူးတို့။ 7အနီပုန်ပိ မာရိလော့ ပထမဦးဆုံးအစိုးပတိုးစအောင်အသောက်အောက်တို့။ ယငဟော့ ဆမီးစအော်ငဟော့ ပန့်ဝိုဘေလော့တဲ့ ဆိုစောက်ခွက်ဒိတ်ကာ ထိုက်လော့တဲ့အတောက်တို့။ ဘယ်သိမ်ကြောင်းငိုဝေါနိုးပုဝါ ဟောနီနေရာဝါ ယနိတောက်အုံးနောက်ဒုန်းနေရာ ဧည့်ခန်းဝါနေရာ မော့သိရကြောင်းငိုအဖြစ်။
သိုးစုံဟော့လော့ နောတ်ဒေဝါဝဲ့
8အနီညမ်းနာ သိုးကျောင်းသားတချို့လော့ ယနိသိုးဝဟော့ ဗက်လင်မြို့စိမ်းငါဟော့ လိုင်ယာ ယနိစုန်း။ 9နိပိစလော့ ဘုရားရှင်ငွါဟော့ အလူးငဟော့နောတ်ဒေဝါပါးဝတ်လော့ ယနိရှေ့ယာ ရုတ်တရက်ပေါင်လူးလော့သဲ့ ဘုရားရှင်ငွါဟော့အတောက်ပငဟော့အဝါန်းမာက် ယနိပတ်ပတ်လယ်ဝါ ကြီးကယ်အဝါန်းတို့။ နီကြောင်းငို သိုးကျောင်းသားဝဲ့ဟော့ ကြီးကယ်ယနိကေ့အေမာက်တို့။ 10အနီပုန်ပိ နောတ်ဒေဝါလော့ ယနိယာ "အင်းကေ့ရိုင်တို့။ ကေ့လော့ ချောင်အားလုံးအတောက် ကီးကယ်ဝမ်းမသာ လာ့နောက်ဒွန်း မင်္ဂလာသတင်းအပွယ်ယဟော့ နောင်းနိငွါ ကလူးပိနော အဖြစ်။ 11နီရမ်းဝါ မေရှိယ#2.11 မေရှိယအရှင်- မေရှိယအရှင်သိမ်ဟောက်ငဟော့ (ဟေဘရူးဟောက်ခူဝို) ဘိသိတ်ခေါင်းဟော့ချောင်အဖြစ်။ (ဂရိဟောက်ခူဝို) ခရစ်တော်ဝို အတွက်တူတူဝါ ဖြစ်လော့တဲ့ (ကယ်တင်ရှင်) အရှင်ဖြစ်ဟော့ ရှန်ပလာန်းဒါဝိဒ်မြို့အဖြစ်ငဟော့ဗက်လင်မြို့ဝါ အမွက်လူးဟီ။ 12နောင်းနိလော့ ယငဟော့ပခါမှတ်ခုဝဲရိုးသိမ် ကေ့ကဟောက်ဝဲ့။#2.12 ဟောနီအရာငဟော့ ဘုရားရှင်လော့ အစိုင်းငဟော့ နိမိလက္ခဏာ ငဟော့အပြငဟော့အဖြစ်။ နောင်းနိငဟော့ ပင်းနိုပတ်အလော့ ဆိုစောက်ကုပ်ကာ ယနိသောက်ကဟော့ဆမီးစအောင်ငဟော့ အရှုးတစ်လော့အခွန်းကနို ယအဖြစ်သိမ် နောင်းနိလော့မှတ်ဝဲ" သိမ်အဟောက်။ 13ရုတ်တရက်လှောက်ကာ ရွှေမြို့တော်ဝါ#2.13 ရွှေမြို့တော်ငဟော့ ဘုရားရှင်ကင်းဝတ်နောက်ဒုန်းနေရာ ဘုရားရှင်အုံးနောက်ဒုန်းနေရာ အရာနောတ်ဒေဝါမနည်းဝဲ့လော့ဟော ထိုနောတ်ဝိုအတွက်တူဝါပေါ်လော့တဲ့ ဘုရားရှင်ငဟော့
14" အလှုံ့ဟိုက်ဆုံးရွှေမြို့တော်ဝါမွက်ဟော့ ဘုရားရှင်ငဟော့ ကချီးမွမ်း။
ကမ္ဘာပေါ်ဝါ မော့ဟော့ ဘုရားရှင်လော့အနှား အနောက်ငဟော့ ချောင်တကားအပေါ်ဝါ ငြိမ်းချမ်းအိုလော့သာယာဆီးဘွေ့"
သိမ်အချီးမွမ်းတို့။ 15နောတ်သဲ့ ရွှေမြို့တော်ဝါ ပြန်လော့ယနိစိပုန်ပိစ သိုးကျောင်းသားဝဲ့လော့ "မနိရာ နောတ်ဒေဝါလော့ငဟောက်ကာ ဘုရားရှင်နဲ့လော့အဟောက်ဝဟော့ အဖြစ်အပျက်သဲ့ မသိုင်းဝိုင်းတောက် ဗက်လင်မြို့ဝါမစိရိုင်" သိမ်ယနိချင်းချင်းယနိဟောက်အောက်တို့။
16အနီကြောင်းငို ယနိယဟော့ ထိုနေရာဝါ ပလာက်လာက်စိအလော့သဲ့ ယောသပ်၊ မာရိလော့ ဆိုစောက်ကုပ်ကာအသောက်ငဟော့ ဆမီးစအောင်ယနိရှုန်းအလော့ခွန်းတို့။ 17သိုးကျောင်းသားဝဲ့လော့ ဆမီးစအောင်ယနိဖူးလာ့ပိစ နောတ်လော့ အဟောက်ပိတ်ကဟော့ ဆမီးစအောင်ဝို အပတ်သက်အက်သဟော့ အကြောင်းအရာဝဲ့ငဟော့ ချောင်ငဲ့ဝါ ပြန်လော့ယနိဟောက်ပိတ်ဘော်။ 18သိုးကျောင်းသားဝဲ့လော့ ယနိဟောက်ဝဟော့အကြောင်းအရာဝဲ့ ဟင်ဟော့ ချောင်ငဲ့တကားလော့ဟော ကီးကယ်ယနိအံ့ဩလှိုင်း။ 19နိပေါင်ပိ မာရိလော့အဖြစ်ငဟော့ဟော အကြောင်းအားလုံးငဟော့ ယစိတ်ဝါတောက်အောက်လော့တဲ့ ဟောနီအကြောင်းငဟော့ မကြာခနအစဉ်းစားတို့။ 20သိုးထင်ဟော့ချောင်ငဲ့ဟော ယနိသိုးမော့နောက်ဒုန်းဝါပြန်အလော့သဲ့ ဘုရားရှင် ကြီးကယ်အချီးမွမ်းတို့။ ဘယ်သိမ်ကြောင်းငိုဝေါနိုးပုဝါ ယနိဝါနောတ်ဒေဝါလော့ အဟောက်ဟော့လောက်ကာ အမှန်ဖြစ်လူးကြောင်း အဖြစ်။
ဆမီးစအော်ဝါယေရှုသိမ် နှာမိန်ပိတ်ငဟော့
21ဆမီးစအောင်မော့လော့တဲ့ နှုတ်ရှက်အဖိုးပိစ မောရှေပညတ်ကျမ်းဝါ#2.21 မောရှေပညတ်ကျမ်းသိမ်ဟောက်ငဟော့ ပထမဦးဆုံးသမ္မဟောင်းကျမ်း(၅)အုပ်ငိုအဖြစ် အရေးဟော့လော့ကာ ဆမီးစအော် အအွမ်းအလှိပ်ကဟော့မင်္ဂလာ#2.21 အရေဖျားလှီးမင်္ဂလာ- မောရှေပညတ်ကျမ်းဝါ အရေးလောက်ကာ ပတိုးဆမီးစအောင်ငဟော့ အဘောင်းငဟော့။ (ထွက်မြောက်ရာကျမ်း ၁၂း၃) အစိုင်းဝဲတောက် အချိန်ဖိုးပြီးစလော့မာရိလော့ ယောသပ်လော့ ဆမီးစအောင်ဝါ ယေရှုသိမ် နှာမိန်အပိတ်တို့။ ဘယ်သိမ်ကြောင်းဝိုဝေါနိုးပုဝါ မာရိ ကိုယ်ဝန်မော့ငှားမောင်တစ်ခေါ့လော့ပ နောတ်ဒေဝါလော့ ဆမီးစအော်ဝါ ဟောနီနှာမိန်ပိတ်ဝဲ့ အဟောက်ဟောကြောင်းငိုအဖြစ်။ 22မောရှေပညတ် လှောက်ကာ သန့်စင်ခြင်းမင်္ဂလာ#2.22 မောရှေပတ်ညတ်ကျမ်းဝါအရေး ဟော့လောက်ကာ အချိန်ဖိုးလူးပြီးစလော့နတိုးနူးပေါတ်လော့ ဆမီးစအောင်အသောက်ကနို သန့်ရှင်းငှားတစ်အုံအဖြစ်တို့။ ဆမီးစအော်ငဟော့ ပတိုးစအောင်နိုးပါ ခွန့်နှုတ်ပေါင်း ၄၀စုံလလော့တဲ့ ပြန်လော့တဲ့အသန့်ရှင်းပေါ်ဝဲတောက် ဂျေရုဆလင်မြို့ဝါဟော့ ဗိမ္မာန်တော်ဒိတ်ကာ ပူဇော်ခြင်းအမှုငဟော့အစိုင်းလတို့။ (ဝတ်ပြရာကျမ်း ၁၂း၁-၄) နှုတ်ပြီးစလော့ မာရိလော့ယောသပ်ငဟော့ ဆမီးစအော်ယေရှုငဟော့ ဘုရားရှင်ထံငွါ အအောက်ဝဲ့တောက် ဂျေရုဆလင်မြို့ဝါ အဘိက်အိပ်လူး။ 23ယနိငဟော့ ဘုရားရှင်ပညတ်ကျမ်းဝါ အရေးလောက်ကာ အစိုးဦးအမော့ငဟော့ပတိုး "ဘုရားရင်ငွါအအောက်လအယ်"#2.23 ထွက်မြောက်ရာကျမ်း ၁၃း၂ ,၁၂ လော့ 24"ဝေါက်ခူ စုံငေါတ် ပဆိတ်ကာဆိတ် ဝေါက်ခူစိုးစအောင် ကုန်ဟိ ပဆိတ်ကာဆိတ် မပူဇော်လာ့ဝိုင့်"#2.24 ဝတ်ပြုရာကျမ်း ၁၂-၈ သိမ် အရေးလောက်ကာ အစိုင်းဝဲတောက် ကျုံဒိတ်ကာယနိလူးတို့။
ရှုမောင်လော့အချီးမွမ်းနဟော့
25အနီချိန်ငါ ဂျေရုဆလင်ဝါ အွမ်းဟော့ ရှုမောင်နှာမိန်မွက်ဟော့ ချောင်စာန်းပေန်းနောတ်အမော့။ ယငဟော့ ဘုရားရှင်ငဟော့ ကြည်ညိုလော့တဲ့ ဖြောင့်မှတ်ဟော့ချောင်#2.25 ဘုရားရှင် ပညတ်တရားငဟော့ လိုက်နာဟော့ချောင်။ အဖြစ်။ ယငဟော့ အစ္စရေးချောင်ငဲ့ငဟော့ ကယ်တင်ဝဲ့တောက် ဘုရားရှာင်လော့ အလှို့ငဟော့ မေရှိအရှင်ငဟော့ စုံဟော့ချောင်ဖြစ်လော့တဲ့ ဘုရားအမွန်းချိုဟော ယဝိုတွက်တူဝါမော့။ 26ဘုရားအမွန်းချိုငဟော့ ယဝါ "နောင်းငဟော့ ဘုရားရှင်ဟော့ မေရှိယအရှင်ငဟော့ ခွန်းငှားတစ် ဖူးလာ့ငှားတအုံ ဒူလာ့သိ" လကိုလ်ဝါတစ်ခေါ့လော့ အမိန့်မှာဟော့။ 27မာရိလော့ယောသပ်ငဟော့ ဘုရားရှင် ပညတ်တော်လောက်ကာ အအောက်ဝဲ့တောက် ကျုံချန်ဒိတ်ကာ ဆမီးစအော် ယေရှုအပိတ်လူးပိစလော့ ဘုရားအမွန်းချိုလော့ ရှုမောင်ဝါ ကျုံချန်ဒိတ်ကာ အဝေါင်းဝဲ့တောက် လောင်းအပြတို့။ 28အနီပုန်ပိ ရှုမောင်လော့ ဆမီးစအောင်ယေရှုဝဟော့ ယကွက်တိုပေန်းလော့တဲ့ ဘုရားရှင်ဝါ
29"ဘုရားရှင်ဝိုး၊ ဘုရားရှင်လော့ ကေ့ဝါပိတ်ဟော့ငဟော့ ကတိတော်လောက်ကာ အမှန်တစ်ကယ်အဖြစ်လူးဟီကြောင်းငို ဘုရားရှင်အစေခံဖြစ်ငဟော့ကေ့ဝါ တူဝါငြိမ်းငြိမ်းချမ်းချမ်းကဒူးဝိုင့်ယဟော့ အပိတ်ဟီရဲ့။
30ပိုင်ကြောင်းငိုဝေါနပါ ချောင်ငဲ့အကယ်တင်ဝဲတောက် ဘုရားရှင်လော့နလှို့ဝဟော့ ယငနဟော့ ကေ့လော့ကမိတ်ကိုကခွန်းလာ့ဟီအဖြစ်။
31ကမ္ဘာပေါ်ဝါ ချောင်စိုးအားလုံးငဟော့ ယနိတောက်ဘုရားရှင်လော့ကျန်ဟော့ ယငဟော့ယနိမှုလဟီ။
32ယငဟော့ ဂျူးချောင်ဗုန်းဆိတ်ငှားဟော့ချောင်ငဲ့ဝါ ဘုရားရှင်ဝါ ချောင်ဗုန်းခြားဝါ မှတ်အုံ အပြဝဲဟော့ အဝိုန်းဖြစ်လော့ ဘုရားရှင်အစ္စရေးချောင်ဗုန်းငဟော့ လေးစားခေါင်းလအုံ အစိုင်းပိတ်ဝဲသိမ်" အချီးမွမ်တို့။
33မာရိလော့ယောသပ်ဟော ရှုမောင်လော့အဟောက်ဝဟော့ ဆမီးစအော်ယေရှု အကြောင်း ရောက်ပြီးလော့ ယဟိအံ့ဩတို့။ 34အနီပုန်ပိ ရှုမောင်လော့ မာရိလော့ယောသပ်ဝါ ဆုတောင်းပိတ်လော့တဲ့ မာရိဝါ "ဘုရားရှင်လော နီဆမီးစအော်ငဟော့ အစ္စရေးပြည်ဝါမော့ငဟော့ချောင်ဝဲရာ အပျက်ပိတ်လော့တဲ အကယ်ဝဲတောက် နီဆမီးစအော်ငဟော့ရွေးချယ်ဟော့အဖြစ်။ ဟောနီဆမီးစအော်ငဟော့ ဘုရားရှင်ငွါဟော့အလူးငဟော့ နိမိတ်လက္ခဏာအုဝတ်ဖြစ်လော့ အနည်းငဟော့ချောင်ငဲ့လော့ ယဝါဟော့ယနိဆန့်ကျင်နိုင်းအဖြစ်။ 35ဒီကြောင်း ယငဟော့ မနည်းငဟော့ချောင်ငဲ့ဝါဟော့ စိတ်ဒိတ်ကာမော့ငဟော့ အကျန်စီငဟော့ အပေါ်ဝဲဖြစ်လော့တဲ့ နောင်းငဟော့ နောင်းနလုံးသားငဟော့ အရွမ်းငဟော့စဉ်လပ်ဝေါတ်လော့ကာ အဝေါင်းလောက်ကာ ကြီးကယ်အနေးအေလောတဲ့ဝဲ" သိမ်ဟောက်တို့။
အန္နလော့သက်သေအခွန်းအွမ်နဟော့
36အနီနေရာဝါ အာရှာဗုန်း ဖနွေလအစိုးနှူးဖြစ်ဟော့ ပရောဖက်အန္နဟော#2.36 ပရောဖက်သိမ်သောက်ငဟော့ ဘုရားရှင်မိန့်ဟော့ငဟော့ တစ်ဆင့်ပြန်လော့ဟောက်ပေါ်လငဟော့။ ဟောနိနေဝါအမွက်။ အနီးနှတိုးနူးဝဟော့ အင်းထုံကျောက်လော့သဲ့ ယပိုးဟာဟွေးတူ ကွန်ရှေကြာအုံအွမ်းလော့သဲ့ ပေါင်းသင်းလော့တဲ့အအွမ်းတို့။ နီပေါင်ပိစလော့ ယပိုးဟာငဟော့ အဒူးတို့။ 37တူဝါဟော မုဆိုးမလှောက်ကာ ရှစ်ဆယ် ကုံးလှီအကြာဟီ အမော့ဟီကြောင်းငို အရှောက်လင်လော့အစာန်းဟီ။ နီနှတိုးနူးဝဟော့ ကျုံဒိက်ကာဟော့ပသာဟော့ရှုတအုံ ဘုရားအခို့၊ အအေးအုတ်ရှောင်အောင်လော့ဥပုသ်အစုန်းငဟော့ အနှုတ်အညမ်း စိုင်းဟော့ချောင်ပေန်းနောတ်အဖြစ်။ 38နီနတိုနူးငဟော့ ဟောနီနေရာဝါ ဖိုးလူးလော့တဲ့ ဘုရားရှင်ငဟော့စလော့တဲ့ ချီးမွမ်းလော့တဲ့ ဂျေရုဆလင်မြို့ဝါ မော့ဟော့ချောင်ဝဲ့ဝါ ကယ်တင်ငဟော့အခေါင်းလဝဲသိမ် မေရှိယစုံဟော့ချောင်အပေါင်းဝါ ဆမီးစအော်ယေရှုအကြောင်းငဟော့ဟောက်တို့။
နာဇရက်မြို့ဝါ အပြန်ငဟော့လောင်း
39အနီပုန်ပိ ယောသပ်လော့မာရိယဟော့ အရှင်လော့နချမှတ်တဟော့ ပညတ်တော်ဟော့ကျေပွန်အုံစိုင်းလော့သဲ့ ယဟိအွမ်းနောက်ဒုန်း ဂါလိလဲပြည်နယ်ယာမွက်ဟော့ နာဇရက်မြို့ဝါယဟိပြန်တို့။ 40ဆမီးစအောင်အလင်းလူးပိစ ကာန်းမာလော့သဲ့ ဉာဏ်ပညာဝို ပြည့်စုံလော့ ဘုရားရှင်လော့ မျက်နှာသာအပိတ်ကဟော့ဟော အခွန်းအွမ်လာ့။
ဆမီးစအော်ယေရှုကျုံးဒိတ်ကာ အမော့ငဟော့
41ကွန်တောင်ကွန်တောင် မာရိလော့ယောသပ်သဟော့ ပသခါပွေး #2.41 ဟောနိပွဲငဟော့ မုန့်ပွငှားဗုန်းပိုငှားငဟော့ ပေါင်မှန့်ပွဲသိမ်ဟောက် အော်လော့တဲ့ အစ္စချောင်းဗုန်းကျွန်ဘဝါဟော့ အလှို့ငဟော့အထိမ်အမှတ်ဝို ဂျေရုဆလင်ဝါ ယနိစိုင်းငဟော့ ပွဲအဖြစ်။ ထွက်မြောက်ကျမ်း ၁၂ တရားဟောရာကျမ်း ၁၆း၅-၈တောတ် ဆင်နွှဲဝဲတောက်ဂျေရုဆလင်မြို့ဝါ ယဟိစိ။ 42ဆမီးစအောင်ယေရှု အရှောက်ဟာလက်ဟိအဖိုးပိ ယနိအားလုံးခါတိုင်းလှောက် ပသခါပွေးမအကျင်းပဝိုင်း ဂျေရုဆလင်မြို့ဝါ ပုံမှန်တိုင်းယနိစိတို့။ 43ပသခါဆုတောင်းပွေးအနှုတ်သဲ့အပုန်ပိစ မာရိလော့ယောသပ်ငဟော့ ဆမီးစအော်ယေရှုငဟော့ ဂျေရုဆလင်မြို့ဝါအအုံးငဟော့မှတ်ငှားတစ်အုံ အင်းနာယနိပြန်လူးတို့။ 44ယနိလော့ ဆမီးစအောင်ယေရှုဝဟော့ ယနိဝိုတွက်တူဝါ အင်းနာပြန်ဒွန်း ချောင်အွပ်ဒိက်ကာ အမော့သိမ်ယနိခင်းတို့။ ယနိငဟော့ နှတ်တောက်လုံးလုံးခရီးယနိစိတို့ ဆမီးစအော်ယေရှုငဟော့ မို့ဆိုးဝဲ့လော့မိတ်ဆွေရဲ့ဒိက်ကာစအလော့တဲ့ ယနိရွှီတို့။ 45ဆိတ်လော့ဟော ယနိခွန်းငှားပိစ ဆမီးစအောင်ယေရှု ယငဟော့ ယနိရွှီးရိုင် ဂျေရုဆလင်မြို့ဝါယနိစိပေါ်တို့။ 46နှုတ်ထုံအကြာပိစလော့ ယဟိလော့ ဆမီးစအောင်ယေရှုဝဟော့ ဘုရားကျုံခြံဒိက်ကာ ဂျူးဘာသာရေးဆရာဝဲ့ကြားဝါ အုံးငဟော့ ယနိခွန်းတို့။ ယလော့ ယနိလော့အစုပ်ဟောက်ဝဟော့ ဟင်လော့ ယနိယာ မေးခွန်းနဲ့ ပြန်လော့အစက်ဘော်။ 47ဆမီးစအော်ယေရှုလော့ အရောက်ခုလော့ ပြန်လော့အဖြေပေါ်ခုငဟော့ ရောက်လဟော့ချောင်အားလုံးလော့ဟော့ ယနိအံ့ဩတို့။ 48ယောသပ်လော့ မာရိလော့ ဆမီးစအောင်ယေရှု အခွန်းပိစလော့ ယဟိလော့ ကြီးကယ်အံ့ဩလှိုင်း။ ယနူအူလော့ "ကစိုးဝေါ၊ ပိုင်ကြောင်းငိုနော ကနိအပေါ်ဝါ နီလှောက်ကာနစိုင်းလာ့တဝိုး၊ ကေ့လော့ နောင်းပအော်လော့ကီးကျယ် အလုန်ပူအလော့ နောင်းကဟိရွှီး" သိမ်အဟောက်။ 49ဆမီးစအောင်ယေရှုလော့ "ပိုင်ကြောင်းငိုနော ကေ့နောင်နိရွှီးတဝိုး၊ ကေ့ယဟော့ ကေ့ပအောင်အင်းနာ ကမွက်လအယ်သိမ်မှတ်တွက်မိုး" သိမ်ပြန်လော့အဖြေဘော်တို့။ 50ဆိတ်လော့ဟော ယနိလော့ ဆမီးစအော်ယေရှု မောင်းအဟောက်လွန်းသိမ် ရောက်စူးတို့ဝအွမ်။
ဘုရားရှင်ရှေ့ယာ၊ ချောင်တကားလော့ အနိုးနောက်ငဟောအခေါင်းအောင်လ
51အနိပေါင်ပိ ဆမီးစအော်ယေရှုငဟော့ ယောသပ်လော့မာရိဟောက်ခူ ရောက်လောက်တဲ့ ယနိဝိုတွက်တူဝါ နာဇရက်မြို့ဝါ ပြန်စိပိပေါလော့တဲ့ အမြဲတန်းအရောက်အောက်တို့။ ဆိတ်လော့ဟော မာရိလော့စိတ်ဒိတ်က ဟောနီအကြောင်းအရာအားလုံးငဟော့ မကြာခန အစဉ်းစားတို့။ 52အနီပုန်ပိစ ကိုယ်တော်ယေရှု အလင်းလူးပိစ ဉာဏ်ပညာဝိုပြည့်စုံလော့ ကျန်းမာလော့သဲ့တို့ ယလော့ဘုရားရှင်လော့ ချောင်တကလဲ အနိုးနောက်ငဟော့အခေါင်းလတို့။
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.