Luka 22
22
1KO elambo ea mampa isamba nyango, etangema elambo e’Efendelo, eotutama. 2Ko nkanga ya joso l’akoci b’enkanda basaki elenge e iy’oom’ende; ek’iy’oangaka banto.
3Ko Satana aolotsw’ele Yudasa otangema owa Keliota, oki nd’oloi wa ba-jom-l’afe. 4Ko aocwa osoola la nkanga ya joso la capitaines, elenge e end’olekya Yesu el’iyo. 5Iyo baosalangana, ko baolocikel’elaka wae bifoka nyongo. 6Ko aolimeza, ko asaki elekelo wae aleky’ende el’iyo nd’ekeke ef’etukuluku eko.
7Ko mbile ea mampa isamba nyango eokita, wete mbile eom’iyo mpate e’Efendelo. 8Ko aotoma Petelo la Yoane, aokela, Lokenda, lotelez’iso elambo e’Efendelo, wae tole. 9Ko baolokela, Olanga teza elambo nko? 10Ko aolakela, Bala, a iny’omotswa nd’onanga, bont’omo otomb’ekucu e’asi ifokumana l’inyo; lokim’ende nd’ilombe indotsw’ende. 11Ko lifosangela bomong’ilombe, Bolaki akokela, Ntena e’afaya e emi l’akimi’akami ola elambo e’Efendelo ele nko? 12Ko ende mongo ifeney’inyo ntena e’enene nd’aliko etandema l’elemo; lez’elambo eko. 13Baokenda, ko baotana o ngoki’nd’oasangelaka: ko baolez’elambo e’Efendelo.
14Ko aki heure okite, aokit’ase, ende l’akimi. 15Ko aolakela, Emi ndangaki la mposa mongo wae nde elamb’ene e’Efendelo l’inyo ataf’em’oen’elo; 16el’emi nsangel’inyo, Mpaut’ola eko lenkina, elaka nko eko eokoka nda likulaka ja Nzakomba. 17Ko aolamb’ekala, ko aosima Nzakomba boya, aokela, Lokol’ene, ko lokaf’el’inyo mongo; 18el’emi nsangel’inyo, Lim’aeyoko mpaut’omela b’amuka b’okoli wa vina, elaka nk’eyelo ea likulaka ja Nzakomba. 19Ko aokola mampa, ko aosima Nzakomba boya, aoten’eko, ko aolakaya, aokela, Ene wete jonge likami likaema nd’eloko ekinyo: lokela joi line nda jofwa likami. 20Ko aokol’ekala o ngoko nd’afeka ba toma, aokela, Ekal’ene wete boango w’aeyoko w’alongo’akami, bandutezama nd’eloko ekinyo. 21Lolo bala, likata j’onto onjangel’emi lile l’emi nda mesa. 22Ele Bona ow’onto ifocwa nsosolo, ngoki joi oangemaka la wango; lolonde elo ele bont’oko ondoangel’ende. 23Ko baanga juwana iyo mongo, wae bont’okiyo okela joi line na.
24Ko baolikyana bikoli wae okiyo otangema owa joso na. 25Ko aolakela, Bakulaka ba Bafaya baotuka bant’akiyo; ko bakiyo bale nda mpifo baotangema Ba-liota. 26Lolonde inyo lofaoyala ngoko; lolo os’olekola el’inyo, kel’ayale ng’okune; ko ole owa joso, ayale ngole bosali. 27Oleki na, ende okit’ase nda mesa ea toma, nkin’ende osala mesa? af’ende okit’ase nda mesa ea toma? lolo emi mongo nd’el’inyo ngol’osali. 28Lolond’inyo lole wae bayalaki l’emi nda mmeko ikami: 29ko njokay’inyo likulaka, o ngoki Fafa onkaak’emi likulaka, 30wae lole ko lomele nda mesa ekami nda likulaka likami; ko lifokit’ase nda ngwende y’akulaka, ko lifoten’akambo ba beloi bia Yisalaele jom l’efe.
31Simona, Simona, bala, Satana uolaki wae akoate, akofufole nga loso: 32lolonde mbondaki nd’eloko eke wae imeezo eke efokucwa, ko we, ae w’okengwana lenkina, kemya balongo’akawe. 33Ko aokela, Nkolo, ndelame wae tokende emi la we, la nd’ilombe ya njanga la nd’iwa. 34Ko aokela, Nkosangela, Petelo, nsoso ea jende efaeka mbil’ene, elaka nko olangana wete onjea biangana besato. 35Ko aolakela, aki’m’otomak’inyo, nko intontombe ya francs, nko ntombe, nko bikoto, losambaki yomba imoko nde? Ko baokela, Nko yomba. 36Aolakela, Lolonde aeyoko, ole la intontombe ya francs, kel’atomb’iko, la ntombe o ngoko; ko ofa l’ifaka y’etumba, atekya bonkot’okae, ko asomb’ifaka. 37El’emi nsangel’inyo, joi line likotami lifiela el’emi wae, Ende aandemaki l’anto basekola bisekyelo; ele baoyi’ane bakotami nd’eloko ekami bale la nsukela. 38Ko baokela, Nkolo, bala, tofaka tofe t’etumba tol’ane. Ko aolakela, Jokoka.
39Ende aolola, ko aocwa, ngoki eleng’ekae, nda ngongo ea Bilaya: ko bakimi baolokima ngoko. 40Ko aki’nd’okitaka nd’itenel’iko, aolakela, Loondaka, nyango lofotswa nda lomeko. 41Aokokwana l’iyo isisi nga wusa w’ekenje bomoko: aokus’aongo, ko aonda; 42aokela, Fafa, nga w’olanga, wimole ekal’ene lim’el’emi: lolo afa jango likami, lolo likawe, likelame. 43Ko ekima aoleny’el’ende lima loola, aolokemya. 44Ko ende aki l’elo ea eefe mongo, ko aoonda o mbaonda mongo; ko etokela ekae eoyala ng’atanga b’anene b’alongo bakela nd’amoci. 45Ko aki’nd’oemalaka lim’oondo bokae, aoy’ele bakimi, ko aolatana beci la lokeseli, 46ko aolakela, Letama lae? lemalaka, ko loondaka, nyango lofotswa nda lomeko.
47Nk’atefel’ende, bala, etukuluku e’anto baoya, ko ende otangema Yudasa, omo owa ba-jom-l’afe, aoya nda joso likiyo; ko aotutamela Yesu wae osambel’ende la baiser. 48Lolonde Yesu aolokela, Yudasa, olekya Bona ow’onto la baiser nde? 49Ko ak’iyo bakotutsi l’ende oenaka joi liyei, baokela, Nkolo, tokote l’ifaka y’etumba nde? 50Ko om’okiyo loswele aokota bokwala owa nkanga ea joso mongo, ko aotena litoi likae j’elome se. 51Lolo Yesu aolamba, aokela, Locika ngoko. Ko aofomwa litoi likae, ko aoloikya. 52Ko Yesu aokela nkanga ya joso, la capitaines b’ilombe ya Nzakomba, ko la bingambe, wae iy’ayaki el’ende, Kamb’inyo lolola la tofaka ta bitumba la nganza, nga lokanda wiyi owa loma? 53Aki’mi l’inyo wengi’aefa nd’ilombe ya Nzakomba, ntalonkita l’akata’akinyo; lolonde heure ene ele heure ekinyo, ko la mpamba ea wilima.
54Nkako iyo baolokanda, ko baolotomba nd’ilombe ya nkanga ea joso mongo. Lolonde Petelo ayokime nd’esi, 55Aki bant’amo oambolaka tsa nda mbalasai, ko baokit’ase, Petelo aokit’ase nd’etei ekiyo. 56Ko aki’nd’okit’ase nda fole ea tsa, bosali ow’omoto aoloena, ko aoloala te, aokela, Bont’one aki l’ende ngoko. 57Lolonde aolangana, aokela, Bomoto, mpoea ende. 58Ko nk’elingi omo aoloena, aokela, We ngoko, ol’om’okiyo. Lolo Petelo aokela, Bonto, mp’omo’okiyo. 59Aki heure emoko olekane, onkina aokemya joi, aokela, Nsosolo, bont’one aki o l’ende; el’ende bosi Ngalilaya. 60Ko Petelo aokela, Bonto, mpea joi litefela we. Ko nkako, nk’atefel’ende, nsoso ea jende eoeka. 61Ko Nkolo akengwana, ko ayoala Petelo te. Ko Petelo aolofwa joi liki Nkolo, elenge eki’nd’osangelaka, Atafa nsoso ea jende oeka mbil’ene, wifonjangana biangana besato. 62Aolola, ko aolela lilelo mongo ja mpisali.
63Ko banto bakitaki Yesu baololengola, ko baolosakola. 64Ko ak’iy’okukaka baiso’akande, baolouola, baokela, Tela lotelo: okosakolaki na? 65Baolotefeza baoyi’amo bauke b’isaola.
66Aki jefa okya, nteke ea bingambe bi’anto la nkanga ya joso l’akoci b’enkanda baotakana; ko baoloyela nd’etakano ekiyo, baolokela, 67Nga w’ole Masiya, otosangele. Lolo aolakela, Nga nsangel’inyo, lofaimeza; 68ko nga njuol’inyo, lofaamba. 69Lolonde lim’aeyoko Bona ow’onto ifokit’ase nda wiji wa likata j’elome ja mpamba ea Nzakomba. 70Ko iy’auma baokela, Kamba w’ole Bona owa Nzakomba? Ende aolakela, Inyo lokela wae nde nk’ende. 71Ko baokela, Tase lenkina baaki bamo wae boak’ende lae? el’iso mongo loloka lim’omwa bokae mongo.
Okuqokiwe okwamanje:
Luka 22: NTMN58
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Bonkanda Wa Nzakomba W’aeyoko © Aliiance Biblique de la RD Congo, 1958.