Ngcwalisa Ithange Lakho

UNkulunkulu Uyahlinzeka

UHagayi: Ikuphi Okulandelayo?

Ukufunda Ibhayibheli

Ukulangazelela Uthando luka Nkulunkulu

Isinqumo Esikhulu Kunazo Zonke Empilweni Yakho!

Ivangeli ngokuka Ezra

UKristu Iqhawe Lethu

UKristu Indlovukazi Yethu Yokugcina U-Esteri

Nika uNkulunkulu indawo yokuqala

<div class="version vid286 iso6393zul" data-vid="286" data-iso6393="zul">
 <div class="book bkGEN">
 <div class="chapter ch43" data-usfm="GEN.43">
 <div class="label">43</div><div class="s1">Uhambo lwesibili lwabafowabo bakaJosefa beya eGibithe</div><div class="p"> 1Indlala yayinzima ezweni. 2Kwathi sebeqedile amabele ababewathengile eGibithe, uyise wathi kubo: &#8220;Buyelani, nisithengele ukudlana.&#8221;</div><div class="p"> 3UJuda wakhuluma kuye, wathi: &#8220;Lowo muntu wagoma nokugoma kithina, wathi: &#8216;Aniyikubona ubuso bami, kuphela uma umfowenu enani.&#8217; 4Uma umthuma nathi umfowethu, sizakwehla, sithenge ukudla; 5 kepha uma ungamthumi, asizukwehla, ngokuba lowo muntu wathi kithina: &#8216;Aniyikubona ubuso bami, kuphela uma umfowenu enani.&#8217; &#8221;</div><div class="p"> 6Wayesethi u-Israyeli: &#8220;Ningenzeleni okubi ngokumtshela lowo muntu ukuthi ukhona omunye umfowenu na?&#8221;</div><div class="p"> 7Bathi: &#8220;Wabuza nokubuza lowo muntu ngathi nangezihlobo zethu, wathi: &#8216;Usekhona uyihlo na? Ninomunye umfowenu na?&#8217; Samlandisa njengalawa mazwi; sasingakwazi kanjani ukuba uyakuthi: &#8216;Yehlisani umfowenu,&#8217; na?&#8221;</div><div class="p"> 8UJuda wathi ku-Israyeli uyise: &#8220;Thuma umfana nami, size sisuke, sihambe ukuba siphile, singafi, thina nawe kanye nezingane zethu. 9 Mina ngiyakuba yisibambiso sakhe; uzakumbiza esandleni sami; uma ngingambuyiseli kuwe, ngimbeke ebusweni bakho, ngiyakuba necala kuze kube phakade, 10ngokuba uma sasingalibalanga, impela nga sesibuyile manje ngokwesibili.&#8221;</div><div class="p"> 11Uyise u-Israyeli wayesethi kubo: &#8220;Uma kunjalo, yenzani lokhu; phathani izithelo ezikhethiweyo zezwe emasakeni enu, nimehlisele lowo muntu isipho, ibhalisamu* eliyingcosana, nezinyosi eziyingcosana, namakha, nemure,* namapisitakiyo,* nama-alimondi,* 12niphathe esandleni senu imali iphindwe kabili; naleyo mali eyabuyiselwa emilonyeni yamasaka enu, niyihambise ngesandla senu; mhlawumbe kwenzeka iphutha. 13Nithathe futhi umfowenu, nisuke nibuyele kulowo muntu. 14UNkulunkulu uSomandla aniphe umusa ebusweni balowo muntu, ukuze anikhululele umfowenu lowo omunye kanye noBenjamini; kepha mina, uma ngaphucwa abantwana, ngiyaphucwa.&#8221;</div><div class="p"> 15Amadoda ayesethatha leso sipho nemali ephindwe kabili esandleni sawo kanye noBenjamini, asuka ehlela eGibithe, ema ebusweni bukaJosefa. 16UJosefa esembona uBenjamini enabo, wathi kophezu kwendlu yakhe: &#8220;Ngenisa lawa madoda endlini, uhlabe, ulungise, ngokuba lawa madoda ayakudla nami emini.&#8221;</div><div class="p"> 17Lowo muntu wenza njengalokho eshilo uJosefa; inceku yawangenisa amadoda endlini kaJosefa. 18Amadoda esaba, ngokuba angeniswa endlini kaJosefa, athi: &#8220;Singeniswe lapha ngenxa yemali eyabuyiselwa emasakeni ethu kuqala ukuba asizume, asehlele, asenze izigqila kanye nezimbongolo zethu.&#8221;</div><div class="p"> 19Asondela-ke encekwini yendlu kaJosefa, akhuluma kuyo ngasemnyango wendlu, 20athi: &#8220;O nkosi, ngempela safika kuqala ukuthenga ukudla. 21 Kwathi sesifike endlini yezihambi, savula amasaka ethu; bheka, imali yalowo nalowo yayisemlonyeni wesaka lakhe, imali yethu ngokulinganiswa kwayo; sesiyibuyisile ngesandla sethu. 22Sehle nenye imali esandleni sethu ukuba sithenge ukudla; asazi ukuthi ngubani owayifaka imali yethu emasakeni ethu.&#8221;</div><div class="p"> 23Yayisithi kubo: &#8220;Ukuthula makube kinina; ningesabi; uNkulunkulu wenu noNkulunkulu kayihlo uniphe igugu emasakeni enu; imali yenu ngayithola.&#8221; Yaphumisa uSimeyoni, yamletha kubo.</div><div class="p"> 24Inceku yayisingenisa amadoda endlini kaJosefa, yawanika amanzi; ageza izinyawo zawo; yazipha izimbongolo zawo ukudla. 25Alungisela uJosefa isipho, ezofika emini, ngokuba ayezwile ukuthi ayakudla khona.</div><div class="p"> 26UJosefa esefike ekhaya, ayisa kuye endlini isipho esasisesandleni sawo, akhothamela phansi kuye. 27Wabuza impilo yabo, wathi: &#8220;Usaphila uyihlo, ixhegu enanikhuluma ngalo, na? Usekhona na?&#8221;</div><div class="p"> 28Bathi-ke: &#8220;Inceku yakho ubaba isaphila, isekhona.&#8221; Bamkhothamela, bamkhonza.</div><div class="p"> 29Wayesephakamisa amehlo akhe, wambona uBenjamini umfowabo, indodana kanina, wathi: &#8220;Nguye lo ongumfowenu omncane enakhuluma ngaye kimi na?&#8221; Wathi: &#8220;UNkulunkulu makabe nomusa kuwe ndodana yami.&#8221; 30Wakhawuleza uJosefa, ngokuba ngaphakathi kwakhe kwavutha isihe ngomfowabo; wafuna lapho angakhala khona, wangena ekamelweni lakhe, wakhala khona.</div><div class="p"> 31Wageza ubuso bakhe, waphuma; wazibamba, wathi: &#8220;Lethani ukudla.&#8221;</div><div class="p"> 32 Bambekela ukudla ngokwakhe, nalabo ngokwabo, nabaseGibithe abadla naye ngokwabo, lokhu abaseGibithe bangedle namaHeberu, ngokuba kuyanengeka kubo abaseGibithe. 33Bahlala phambi kwakhe, izibulo njengobuzibulo balo nomncane njengobuncane bakhe; abantu bamangala omunye nomunye. 34Wabathathela izabelo kulokho okwakuphambi kwakhe, kepha isabelo sikaBenjamini saphindwa kahlanu silinganiswa nesabo. Baphuza, bathokoza naye.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkGEN">
 <div class="chapter ch44" data-usfm="GEN.44">
 <div class="label">44</div><div class="s1">UJosefa uyavivinya abafowabo</div><div class="p"> 1Wayala inceku yendlu yakhe, wathi: &#8220;Gcwalisa amasaka alawa madoda ngokudla okulingene namandla abo okuthwala, ufake imali yalowo nalowo emlonyeni wesaka lakhe. 2Ufake indebe yami, indebe yesiliva, emlonyeni wesaka lomncane kanye nemali yamabele akhe.&#8221; Yenza-ke njengezwi likaJosefa alishilo.</div><div class="p"> 3Ngakusasa nxa sekusile, amadoda amukiswa, wona nezimbongolo zawo. 4Esephumile emzini, engakabi kude, uJosefa wathi encekwini yakhe: &#8220;Suka ulandele lawo madoda; nxa uwafica, yisho kuwo ukuthi: &#8216;Niphindiseleni okuhle ngokubi na? 5Lena akusiyo indebe inkosi yami ephuza ngayo, ebhula ngayo, na? Nenze kabi ngokwenze njalo.&#8217; &#8221;</div><div class="p"> 6Yawafica, yakhuluma kuwo lawa mazwi. 7Ayesethi kuyo: &#8220;Inkosi yami ikhulumelani amazwi anjengalawa? Akube kude nezinceku zakho ukwenze njalo. 8Bheka, imali esayifumana emilonyeni yamasaka ethu sayibuyisa ezweni laseKhanani, sayiletha kuwe; pho, besingeba kanjani endlini yenkosi yakho isiliva noma igolide na? 9Lowo wasezincekwini zakho eyakutholwa kuye, makafe yena, thina sibe yizigqila zenkosi yami.&#8221;</div><div class="p"> 10Yathi: &#8220;Kalokhu makube njengamazwi enu; lowo ezakutholakala kuye makabe yisigqila sami, nina ningabi nacala.&#8221;</div><div class="p"> 11Ayeseshesha ukwehlisela phansi, kwaba yileyo naleyo isaka layo, yileyo naleyo yavula isaka layo. 12Yanyalula, yaqala ngenkulu yagcina ngencane; indebe yatholwa esakeni likaBenjamini. 13Ayeseklebhula izingubo zawo, yileyo naleyo yethwesa imbongolo yayo, abuyela emzini.</div><div class="p"> 14UJuda nabafowabo bafika endlini kaJosefa; wayesekhona lapho; bawa phansi phambi kwakhe. 15UJosefa wayesethi kubo: &#8220;Isenzo sini lesi enisenzileyo na? Beningazi yini ukuthi umuntu onjengami angabhula nokubhula na?&#8221;</div><div class="p"> 16Wathi uJuda: &#8220;Sizakuthini enkosini yami na? Sizakukhulumani? Sizakuzihlanguza kanjani? UNkulunkulu ufumene ububi bezinceku zakho; bheka, siyizigqila zenkosi yami thina naye etholakele esandleni sakhe indebe.&#8221;</div><div class="p"> 17Wathi: &#8220;Makube kude kimi ukwenze njalo; umuntu etholakele esandleni sakhe indebe uyakuba yisigqila sami, kepha nina manihambe kahle, nenyuke, niye kuyihlo.&#8221;</div><div class="p"> 18UJuda wayesesondela kuye, ethi: &#8220;O nkosi yami, inceku yakho mayikhulume izwi ezindlebeni zenkosi yami, ungavuthi ulaka ngenceku yakho, ngokuba ungangoFaro wena. 19Inkosi yami yabuza izinceku zayo, yathi: &#8216;Ninoyihlo, ninomfowenu, na?&#8217; 20 Sase sithi enkosini yami: &#8216;Sinobaba, ixhegu, nomntwana wobuxhegu bakhe omncane; umnewabo ufile, usesele yedwa kwabakanina; uyise uyamthanda.&#8217;</div><div class="p"> 21&#8220;Wawusuthi ezincekwini: &#8216;Mehliseni kimi ukuba ngimbone ngamehlo ami.&#8217; 22Sathi enkosini: &#8216;Umfana akanakumshiya uyise; uma emshiya, uyise uzakufa.&#8217; 23Wathi wena ezincekwini zakho: &#8216;Uma umfowenu omncane engehli nani, anisayikubuye nibone ubuso bami.&#8217; 24Kwathi sesikhuphukele encekwini yakho ubaba, samlandisa amazwi enkosi.</div><div class="p"> 25&#8220;Wathi ubaba: &#8216;Buyelani, nisithengele ukudlana.&#8217; 26Sathi thina: &#8216;Asinakwehla. Uma umfowethu omncane enathi, siyakwehla, ngokuba asinakubona ubuso balowo muntu, uma umfowethu omncane engenathi.&#8217;</div><div class="p"> 27&#8220;Yayisithi kithi inceku yakho ubaba: &#8216;Niyazi ukuthi umkami wangizalela amadodana amabili. 28 Enye yaphuma kimi; ngathi: Impela idatshuliwe nokudatshulwa; angiyiboni kuze kube manje. 29Nanxa nithatha nalena, niyisuse kimi, yehlelwa yingozi, niyakwehlisela izimvi zami endaweni yabafileyo ngosizi.&#8217;</div><div class="p"> 30&#8220;Kalokhu nxa ngifika encekwini yakho ubaba, umfana engenathi, lokhu inhliziyo yakhe ibambelele enhliziyweni yomfana, 31kuzakuthi lapho ebona ukuthi umfana akakho, afe, izinceku zakho zibe zehlisela endaweni yabafileyo izimvi zenceku yakho ubaba ngosizi. 32 Ngokuba inceku yakho yaba yisibambiso somfana kubaba, yathi: &#8216;Uma ngingambuyiseli kuwe, ngiyakuba necala kubaba kuze kube phakade.&#8217;</div><div class="p"> 33&#8220;Ngalokho inceku yakho ake ihlale esikhundleni somfana, ibe yisigqila senkosi, umfana akhuphuke nabafowabo. 34Ngokuba ngingakhuphukela kanjani kubaba, umfana engenami, funa ngibone okubi okuzakumehlela ubaba, na?&#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkGEN">
 <div class="chapter ch45" data-usfm="GEN.45">
 <div class="label">45</div><div class="s1">UJosefa uyaziveza kubafowabo</div><div class="p"> 1Khona uJosefa wayengasenakuzibamba phambi kwabo bonke ababemi naye, wakhala wathi: &#8220;Phumisani kimi abantu bonke.&#8221; Kwakungemi muntu naye, uJosefa esazazisa kubafowabo. 2Wayesephakamisa izwi ngokukhala, abaseGibithe bakuzwa, nendlu kaFaro yakuzwa.</div><div class="p"> 3Wathi uJosefa kubafowabo: &#8220;NginguJosefa; ubaba usekhona na?&#8221; Abafowabo babengenakumphendula, ngokuba bashaqeka ebusweni bakhe.</div><div class="p"> 4 UJosefa wayesethi kubafowabo: &#8220;Ake nisondele kimi.&#8221; Basondela-ke. Wayesethi: &#8220;NginguJosefa umfowenu enathengisa ngaye eGibithe. 5 Manje ningabi buhlungu, ningazithukutheleli ukuthi nathengisa ngami lapha, ngokuba uNkulunkulu wangithuma phambi kwenu ukulondoloza impilo. 6Ngokuba isimibili iminyaka indlala ikhona ezweni; kusasele iminyaka eyisihlanu okungayikulinywa, kuvunwe ngayo. 7UNkulunkulu wangithuma ngaphambi kwenu ukunilondoloza, nibe yinsali emhlabeni, nisindiswe kube ngukukhululwa okukhulu.</div><div class="p"> 8&#8220;Kalokhu akuyinina enangithuma lapha, kepha uNkulunkulu; ungibeke uyise kaFaro, nenkosi yendlu yakhe yonke, nombusi wezwe lonke laseGibithe. 9Sheshani nikhuphuke, niye kubaba, nithi kuye: &#8216;Uthe uJosefa indodana yakho: UNkulunkulu ungibeke inkosi yalo lonke iGibithe; yehla, uze kimi, ungalibali. 10Uyakuhlala ezweni laseGosheni, ube seduze nami, wena nabantabakho, nabantwana babantabakho, nezimvu zakho, nezinkomo zakho, nakho konke onakho, 11ngikondlele khona, ngokuba kuseyiminyaka eyisihlanu yendlala, funa uswele, wena nomuzi wakho, nakho konke onakho.&#8217;</div><div class="p"> 12&#8220;Bhekani, amehlo enu ayabona kanye namehlo omfowethu uBenjamini ukuthi yiwo umlomo wami okhuluma kinina. 13Niyakumlandisa ubaba yonke inkazimulo yami eGibithe, nakho konke enikubonileyo, nisheshe nehlise ubaba, nimlethe lapha.&#8221;</div><div class="p"> 14Wayesewa entanyeni yomfowabo uBenjamini, wakhala; noBenjamini wakhala ngasentanyeni yakhe. 15Wabanga bonke abafowabo, wakhalela kubo; emva kwalokho abafowabo bakhuluma naye.</div><div class="s1">Abafowabo bakaJosefa babuyela ekhaya</div><div class="p"> 16Leli zwi lezwakala endlini kaFaro, lithi: &#8220;Abafowabo bakaJosefa bafikile.&#8221; Kwaba kuhle emehlweni kaFaro nasemehlweni ezinceku zakhe. 17UFaro wayesethi kuJosefa: &#8220;Yisho kubafowenu ukuthi: &#8216;Yenzani lokhu: thwesani izimbongolo zenu, nihambe niye ezweni laseKhanani, 18nithathe uyihlo nemizi yenu, nize kimi, nginiphe okuhle kwezwe laseGibithe, nize nidle amanoni ezwe.&#8217;</div><div class="p"> 19&#8220;Usuyaliwe: &#8216;Yenzani lokhu: Nithathele izingane zenu nawomkenu izinqola ezweni laseGibithe, nilethe uyihlo, bese niza. 20Futhi ningakhathaleli impahla yenu, ngokuba okuhle kwezwe lonke laseGibithe kungokwenu.&#8217; &#8221;</div><div class="p"> 21Enze njalo amadodana ka-Israyeli. UJosefa wabapha izinqola njengesiyalo sikaFaro, wabanika nomphako wendlela. 22Kubo bonke, kwaba yilowo nalowo, wanika izingubo zokuphendulela; kepha uBenjamini wamupha izinhlamvu ezingamakhulu amathathu zesiliva nezingubo eziyisihlanu zokuphendulela. 23Kuyise wathuma kanje: izimbongolo eziyishumi, zithwesiwe izinto ezinhle zaseGibithe, nezimbongolokazi eziyishumi, zithwesiwe amabele, nesinkwa, nomphako kayise endleleni. 24Wayesebamukisa abafowabo, bahamba; wathi kubo: &#8220;Ningaxabani endleleni.&#8221;</div><div class="p"> 25Bakhuphuka eGibithe, bafika ezweni laseKhanani kuJakobe uyise. 26Bamtshela bathi: &#8220;UJosefa usekhona, ungumbusi ezweni lonke laseGibithe.&#8221; Inhliziyo yakhe yayisiphela amandla, ngokuba akakholwanga yibo. 27Bamlandisa onke amazwi kaJosefa abewashilo kubo; lapho esebona izinqola abezithumile uJosefa zokumthwala, umoya kaJakobe uyise wavuselelwa. 28 Wathi u-Israyeli: &#8220;Kwanele; uJosefa indodana yami usekhona; ngizakuhamba ngimbone ngingakafi.&#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkGEN">
 <div class="chapter ch46" data-usfm="GEN.46">
 <div class="label">46</div><div class="s1">UJakobe uya eGibithe</div><div class="p"> 1U-Israyeli wasuka nakho konke okwakhe, wafika eBeri Sheba, wanikela iminikelo kuNkulunkulu kayise u-Isaka.</div><div class="p"> 2UNkulunkulu wakhuluma ku-Israyeli ngemibono yasebusuku, wathi: &#8220;Jakobe, Jakobe!&#8221;</div><div class="p">Wathi: &#8220;Ngilapha.&#8221;</div><div class="p"> 3Wayesethi: &#8220;NginguNkulunkulu, uNkulunkulu kayihlo; ungesabi ukwehlela eGibithe, ngokuba ngiyakukwenza khona isizwe esikhulu. 4 Mina ngiyakwehla, ngiye nawe eGibithe; impela ngizakubuye ngikukhuphule futhi. UJosefa uyakubeka isandla sakhe phezu kwamehlo akho.&#8221;</div><div class="p"> 5UJakobe wayesesuka eBeri Sheba; amadodana ka-Israyeli amthwala uJakobe uyise, nezingane zawo, nawomkawo ezinqoleni abezithumile uFaro zokumthwala. 6 Bathatha imfuyo yabo nempahla yabo ababeyizuze ezweni laseKhanani, bafika eGibithe, uJakobe nayo yonke inzalo yakhe kanye naye. 7Amadodana akhe, namadodana amadodana akhe, namadodakazi akhe, namadodakazi amadodana akhe, nayo yonke inzalo yakhe wayiletha kanye naye eGibithe.</div><div class="s1">Inzalo kaJakobe</div><div class="p"> 8 Lawa angamagama abantwana bakwa-Israyeli abafika eGibithe, uJakobe namadodana akhe: nguRubeni izibulo likaJakobe. 9 Amadodana kaRubeni: ngoHanoki, noPhalu, noHesironi, noKarmi. 10 Amadodana kaSimeyoni: ngoJemuweli, noJamini, no-Ohade, noJakini, noSohari, noShawule, indodana yowesifazane waseKhanani. 11 Amadodana kaLevi: ngoGereshoni, noKohati, noMerari. 12 Amadodana kaJuda: ngo-Eri, no-Onani, noShela, noPheresi, noZera; kepha o-Eri no-Onani bafela ezweni laseKhanani. Amadodana kaPheresi ayengoHesironi noHamule. 13 Amadodana ka-Isakare: ngoThola, noPhuva, noJobe noShimroni. 14Amadodana kaZebuloni: ngoSeredi, no-Eloni, noJaleli. 15Yilawo angamadodana kaLeya amzalela wona uJakobe ePhadani Aramu kanye noDina indodakazi yakhe; yonke imiphefumulo yamadodana akhe namadodakazi akhe yayingamashumi amathathu nantathu. 16Amadodana kaGadi: ngoSifijoni, noHagi, noShuni, no-Esiboni, no-Eri, no-Arodi, no-Areli. 17 Amadodana ka-Asheri: ngoJimna, no-Ishiva, no-Ishivi, noBeriya, kanye noSera udadewabo; amadodana kaBeriya: ngoHebere noMalikiyeli. 18Yilawo angamadodana kaZilipa uLabani amnika yena uLeya indodakazi yakhe; wamzalela wona uJakobe, abantu abayishumi nesithupha. 19Amadodana kaRaheli umkaJakobe: ngoJosefa noBenjamini. 20 KuJosefa kwazalelwa ezweni laseGibithe oManase no-Efrayimi, amzalela bona u-Asenati indodakazi kaPotifera umpristi wase-Oni. 21Amadodana kaBenjamini: ngoBela, noBekeri, no-Ashibeli, noGera, noNahamani, no-Ehi, noRoshe, noMuphimi, noHuphimi, no-Arida.</div><div class="p"> 22Yilawo angamadodana kaRaheli azalelwa wona uJakobe; bonke abantu babe yishumi nane. 23 Amadodana kaDani: nguHushimi. 24Amadodana kaNafetali: ngoJaseli, noGuni, noJeseri, noShilemi.</div><div class="p"> 25Yilawo angamadodana kaBiliha uLabani amnika uRaheli indodakazi yakhe; wamzalela wona uJakobe; bonke abantu babe yisikhombisa.</div><div class="p"> 26Bonke abantu abeza noJakobe eGibithe abaphuma okhalweni lwakhe, ngaphandle kwabafazi bamadodana kaJakobe, bonke abantu babe ngamashumi ayisithupha nesithupha. 27 Amadodana kaJosefa azalelwa wona eGibithe ayengabantu ababili; bonke abantu bendlu kaJakobe abeza eGibithe babe ngamashumi ayisikhombisa.</div><div class="s1">UJakobe uhlangana noJosefa</div><div class="p"> 28Wathuma uJuda ngaphambi kwakhe kuJosefa ukuyokhomba phambi kwakhe indlela eya eGosheni. 29UJosefa wayesebophela inqola yakhe, wakhuphuka ukumhlangabeza u-Israyeli uyise eGosheni; wazibonakalisa kuye, wawa entanyeni yakhe, wakhala ngasentanyeni yakhe isikhathi eside.</div><div class="p"> 30U-Israyeli wayesethi kuJosefa: &#8220;Sengingafa, lokhu ngibone ubuso bakho ukuthi usekhona.&#8221;</div><div class="p"> 31UJosefa wathi kubafowabo nakuyo indlu kayise: &#8220;Ngizakukhuphuka, ngimtshele uFaro, ngithi kuye: &#8216;Abafowethu nendlu kababa ababesezweni laseKhanani sebefike kimi. 32Lawa madoda angabelusi bezimvu, ngokuba ayengamadoda emfuyo; aselethile izimvu zawo, nezinkomo zawo, nakho konke anakho.&#8217; 33Kuyakuthi lapho uFaro enibiza athi: &#8216;Uyini umsebenzi wenu,&#8217; 34 anothi: &#8216;Izinceku zakho zingabantu bemfuyo kwasebusheni bethu kuze kube manje, thina nawobaba,&#8217; ukuze nihlale ezweni laseGosheni, ngokuba wonke umalusi wezimvu uyanengeka kwabaseGibithe.&#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkPSA">
 <div class="chapter ch16" data-usfm="PSA.16">
 <div class="label">16</div><div class="s1">Umkhuleko wongcwele kaNkulunkulu</div><div class="d">IMiktamu* likaDavide.</div><div class="q1"> 1 Ngilondoloze, Nkulunkulu,</div><div class="q1">ngokuba ngiyaphephela kuwe.</div><div class="b"></div><div class="q1"> 2 Ngithi kuJehova: &#8220;Wena uyiNkosi yami;</div><div class="q1">anginakho okuhle ngaphandle kwakho.&#8221;</div><div class="q1"> 3Abangcwele abasemhlabeni,</div><div class="q1">abayizikhulu, yonke intokozo yami ikubona.</div><div class="q1"> 4Ziningi izinhlupheko zabazizuzela omunye unkulunkulu;</div><div class="q1">angiyikunikela ngeminikelo yabo yegazi;</div><div class="q1">angiyikuwaphatha amagama abo ngezindebe zami.</div><div class="b"></div><div class="q1"> 5UJehova uyisabelo esahlukaniselwe mina,</div><div class="q1">nendebe yami;</div><div class="q1">wena uqinisa ifa lami.</div><div class="q1"> 6 Izabelo zingehlele ezindaweni ezinhle,</div><div class="q1">yebo, nginalo ifa elihle.</div><div class="q1"> 7Ngiyakumbonga uJehova ongilulekayo;</div><div class="q1">nasebusuku izinso zami ziyangiyala.</div><div class="q1"> 8 Ngimbeke uJehova njalo phambi kwami,</div><div class="q1">ngokuba ungakwesokunene sami,</div><div class="q1">angiyikuzanyazanyiswa.</div><div class="b"></div><div class="q1"> 9 Ngakho-ke inhliziyo yami iyajabula,</div><div class="q1">nomphefumulo wami uyethaba,</div><div class="q1">nenyama yami iyakuhlala ngokwethemba.</div><div class="q1"> 10 Ngokuba awuyikunikela umphefumulo wami endaweni yabafileyo;</div><div class="q1">awuyikuvuma ukuba ongcwele wakho abone ukubola.</div><div class="q1"> 11 Uyakungazisa indlela yokuphila;</div><div class="q1">ukugcwala kwenjabulo kusebusweni bakho;</div><div class="q1">intokozo isesandleni sakho sokunene kuze kube phakade.</div>
 </div>
 </div>
</div>

IBhukwana Lokufundisa loHlelo lokufunda incwadi ngayinye ngesikhathiIsampula

UmBhalo

Mayelana naloluHlelo

Izinhlelo zohlobo olufanayo