Gewilde Bybelverse vanaf GENESIS 11

Deel

“Nou kyk,” sê Hy, “as hulle, omdat hulle een taal praat, reeds aan die begin sulke dinge kan regkry, dink net wat sal hulle later kan doen. Niks sal meer vir hulle onmoontlik wees nie! Kom, laat Ons afgaan en hulle verskillende tale laat praat sodat hulle mekaar nie kan verstaan nie.”

“Kom,” sê hulle, “laat ons vir onsself roem verwerf en ’n stad bou met ’n toring wat aan die hemel raak. Dit sal ons bymekaarhou en keer dat ons oor die hele aarde verstrooi word.”

Dit is dan ook hoekom die stad Babel genoem is, want dis waar die HERE die mense se taal verwar het sodat hulle oor die aarde versprei het.

Daar was ’n tyd toe die hele wêreld net een taal gepraat het en dieselfde woorde gebruik het.

Die HERE het toe afgekom om te kom kyk na die stad en sy toring wat die mense besig was om te bou.

Op hierdie manier het die HERE hulle van daar af oor die aarde versprei. Dit was ook die einde van hulle bouprojek van die stad.