Gewilde Bybelverse vanaf JESAJA 25

Deel

HERE, ek eer en prys u Naam, want U is my God. U doen wonderlike dinge! U het dit lankal beplan, en nou het U dit uitgevoer.

Hy sal die dood vir altyd vernietig! Die oppermagtige HERE sal al die trane afvee. Hy sal alle beledigings verwyder van sy land en sy mense. Die HERE het dit gesê.

Daardie dag sal die mense uitroep: “Dit is ons God. Ons het op Hom vertrou, en Hy het ons gered. Dit is die HERE op wie ons vertrou het. Laat ons bly wees omdat Hy ons gered het!”

Daardie dag sal Hy die wolk verwyder, die skaduwee van die dood oor die nasies.

In Jerusalem gaan die HERE die Almagtige, ’n heerlike fees voorberei vir almal oor die hele wêreld. Dit gaan ’n fees wees met goeie kos, die beste wyn en die beste vleis.