Gewilde Bybelverse vanaf Maatiuꞌ 16

Deel

Teketa Jiisuu'ke aa'puru' teing bakaning barevare-nupoong, “Naning ning siomui poo'naang piavora deeko', baka bakaang pia iro' doonko tompimparavaing ee'noko bakaang aa'barata' poru'ui ning siomumaatoaing.

Ee'noko ninge aa'damaang, da' tee ee'nung Piita, Manto, ee'noko aung-koo boia'koo e'maniang-koo ninge tee nkaang dootuu' donkong-antavampaing, mosianung-koonge purinto'ke puru'uauka'nung.

Ee'noko ninge da' tee kii'nanka arompaing teing muu' paninung-kooning. Aming kapoo' dake anke kansi'koo pinka'eaing deeko' paning-koo tee' pinka'aravaing, ee'noko aming kapoo' anke kansi'koo dapa'eaing deeko' paning-koo tee' nari' dapa'aravainge.”

Ee'koo, baa tee naning bakaang domaang ning-koo orokovuma baka tare-koo piavoaing tee paa'aravaing, teka baa tee naning bakaang domaang ning-koo aroo'ari dua'uaing, teie tee napo' daa'uaing.

Ee'noko aming kapoo' tampara basiarapeu' naning-koo ookara kapoo'nanka kansi'po' barampuma okovui baka orariarakotaa' domaang paa'aravaina'? Ee'noko naning aming avupeu' tee bakaang domaang paa'aru'nung napo' moo'koo?

Ee'noko napo' Jiisuu'ke aa'puru' teing, “Teka dii'ke napo' baa tammerimaung ning?” Teketa Saimoni' Piitai bari'uma aa'puu', “Da' aa' tee Kumponinge teroita Pako'pari'nii' nantoong domamperira tareveriainoo'koo, tee Kumponing domantoo' bauring.”

Jiisuu'ke maku'uma aa'puu', “Biraankeraring da', Jooni bauring, ai' aung tee naninge kansi'koonge naurua', teka tee Mma'ke paning-koonge nauruing.