Gewilde Bybelverse vanaf Марк 11

Deel

Оныҥ учун айдып турум слерге: мӱргип тура, нени де суразаар, сураганымды аларым деп бӱдигер, слерге андый ла болор.

Чынын айдадым слерге: кандый бир кижи бу кырга: «Кӧдӱрилип, талайга таштал!» – дейле, јӱрегинде эреҥистелбей, айтканымла болор деп бӱтсе, андый ла болор.

Мӱргип турганыгарда, кижиге ӧӧркӧгӧнигерди таштап ийигер. Ол тушта теҥеридеги Адагар да кинчектеригерди таштаар.

Иисус каруу јандырып, олорго айтты: – Кудайга бӱдигер!

Олорды ӱредип, айтты: – Бичилбеген беди: «Мениҥ айлым ончо калыктардыҥ мӱргийтен айлы деп адалар»? Слер дезе оны тонокчылардыҥ уйазы эдип алдыгар.

Иисустыҥ алды-кийнинеҥ барып јаткан улус кыйгырыжып турдылар: – Осанна! Кайраканныҥ адынаҥ келип јатканы алкышту!

Кайраканныҥ адынаҥ келип јаткан Давид адабыстыҥ каандыгы алкышту! Кӧк-теҥериде турганга, осанна!