Gewilde Bybelverse vanaf Jesaja 49

Deel

Maar die Here vra: “Dink julle 'n vrou sal haar baba vergeet? Sal sy nie jammer wees vir haar kind nie? Nee, sy sal dit nie doen nie. Maar as sy miskien haar kind sal vergeet, Ek sal jou nie vergeet nie.

Sion, jy moet weet, jy is mý stad. Ek het my Naam op jou geskryf, Ek dink altyd aan jou mure.

Ja, die Here sê: “Dit sal miskien gebeur dat iemand die gevangenes kan wegvat van 'n soldaat, of dat 'n soldaat die dinge kan verloor wat hy gevat het. Dit sal nie met jóú gebeur nie. Ek sal oorlog maak teen die mense wat oorlog wil maak teen jou, en Ek sal jou kinders red.

Hy het gesê: “Jy is my dienaar, jy moet die Israeliete terugbring, die mense wat oorgebly het van die stamme van Jakob. Maar dit is nie genoeg nie, jy moet nog meer doen, jy moet die lig vir die ander volke wees, Ek wil al die mense op die aarde red.”

Hemel, aarde, berge, julle moet juig en vrolik wees, want die Here laat dit goed gaan met sy volk, Hy help sy mense wat hulleself nie kan help nie.