Gewilde Bybelverse vanaf Bl 50

Deel

Đĭ lu 'nhŏng wă pơrăm inh ră, mă-lei Kră Yang 'Bok Kei-Dei pơm kơ inh đei yua, wă kơ dŏng pơklaih lơ bơngai, thoi noh dôm tơdrong mă đei truh dang ei păng oei wă wei rong tơdrong arih lơlang lơlap kon pơlei.

Jôsep tơl lu sư thoi âu: Ơ lu 'nhŏng oh 'nĕ kơ hli kơ minh tơdrong kiơ, yua kơ inh ưh kơ gơh tơplih măt Kră Yang 'Bok Kei-Dei ôh!

Thoi ei, 'nĕ kơ hli, inh gô 'me rong lu iĕm păng lu kon akăn iĕm. Đơ̆ng noh Jôsep pơlung lu 'nhŏng oh sư pơma iŏk nơ̆r rơngơp hăm lu 'nhŏng oh sư.

Năm pơma bĕ hăm Jôsep thoi âu: Ơ Jôsep apinh ih mơnat ăn kơ tơdrong yoch glăi đêl lu 'nhŏng pơm yoch glăi păng ih, lu sư đei pơm yoch păng ih boih ră; mă-lei 'bă apinh ih 'nĕ pă jô̆ yo kơ đĭch đam Kră Yang 'Bok Kei-Dei 'bă. Kơtơ̆ng dôm nơ̆r noh Jôsep nhơ̆m.

Đơ̆ng noh Jôsep khan kơ lu 'nhŏng sư thoi âu: Inh gô lôch mă-lei đei Kră Yang 'Bok Kei-Dei sư wei rong iĕm tơpă. Gô chông ba lu iĕm wih brŏk tơ dêh char mă Kră Yang 'Bok Kei-Dei đei pơkă hăm Abraham, Isăk păng 'bă bơ̆n Jakôp.

Jôsep athei lu kon drŏ-nglo Isơrael pơkă na sư khan thoi âu: Inh khan kơ iĕm sĭt tơpă. Kră Yang 'Bok Kei-Dei gô đei năm ngôi apong tơ lu iĕm ơ 'nhŏng oh, apinh lu 'nhŏng oh 'blŏk kôch anhăk ba kơting inh tơ dêh âu hŏ.

Đơ̆ng noh, Jôsep lôch, sư arih đei minh-hrĕng mơjĭt sơnăm. Lu đe kư̆m tơhum pik đak pơgang 'bâu phu tơ atâu Jôsep păng pôn tah lăm bong tơ dêh Êyiptơ.