Gewilde Bybelverse vanaf Dandiel 3

Deel

Sedrak, Mesak ye Abedneko emaebọọrọ anye ete, “Adidem Nebukadnesa, ufọn ibaaha adifaaña idem ñnyịn ke iso mfo ke abaña ñkpọ ami. Adieke itoomoke ñnyịn edọñ ke edeme ekamba ebʌkikañ, Abasi a-ñnyịn inamma ñkpọ inọọ ayainyaaña ñnyịn asio ke edeme ekamba ebʌkikañ, ñko anye ayaifak ñnyịn asio ke ubọk mfo Adidem. Ado akpọkọm anye ifakka ñnyịn, ñnyịn iyem nọ afo adiọọñọ, O! Afo Adidem, ke ñnyịn idiinamma ñkpọ inọ mme abasi mfo, idiinyʌññọ ikpono usioidem kold a-afo abotto adaaha.”

Anye amaabo ate, “Se, ami mmekịt ideen inaañ naña esaaña ekanna ke esịd ikañ, udʌk ibọppọ ammọ, ñkpọ inyʌññọ inam ammọ, ñko ayọhọ awo inaañ abit ayịn mme abasi.”

Nebukadnesa amaabo ate, “Ekọọm anie Abasi Sedrak, Mesak ye Abedneko, a-akenọọhọ enyere amọ nọ adifak ikọd amọ! Ammọ ekedot anyen ke anye enyʌñ esịn uyio adidem ke mbio enyʌñ enyịmme adiduọọk uwem ammọ utu ke enam ñkpọ enọ me ekpono abasi mfen ke amaaboiyo Abasi ammọ.

Ke ntoro ami mmenịm ewʌhọ mbo ke eyaekpok mbon awo e-etooho idịd me usem akeedodo mbai-mbai e-etañña idiọọk ebaña Abasi Sedrak, Mesak ye Abedneko, enyʌñ ekappa ufọk ammọ esịn ke ifịm mbio sia ibaaha abasi mfen a-akemeke adinyaaña ke utọ usʌñ ami.”