Gewilde Bybelverse vanaf YOHANA 14

Deel

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yeso yavolera aviigi veve, “Mutahenda mioyo jinyu. Musuuviri Nyasaye, musuuviri inzi kandi.

Navuzwa, uyu Mukonyi, Roho Mutakatifu, wa Baba alituma mu lieta liange, alakamwigizi vindu viosi kandi kumwizuliza goosi aga ndamuvolera.

“Uyu uvugilira amalago gange nukugagumira, uyu niyie uyanzaa, na uyu unyaanzaa Baba wange alamuyaanza nainzi kandi ndamuyaanza kandi ndivuura inzi mwene kuye.”

Nainzi ndateeva Baba, naye alamuha umukonyi wundi, ulimenya nimunyi kazozo. Oyo ni Roho ovolaa agiligali ga Nyasaye. Avumukivala sivanyala kumuvugilira kigira sivanyala kumulora anoho kumumanya mba. Navuzwa munyi mumumanya kigira amenyaa ni munyi kandi alakave mu munyi.

Na ku choosi cha muteeva ku lieta liange, yiki ndakora, Baba aduuki kukuminyirwa mu Mwana. Ni musaala kindu choosi ku lieta liange, inzi nda mukolera.

“Ni muva ni munyanza, mulagumira amalago gange.

Munyumba mwa Baba wange, muveeye novomenyo vunyingi. Nigataveeye ndio, ngano sindamuvolera, nziza kumulombera ovogono mba.

Kandi lwa mba ninzia kumulombera ovogono, ndirana kandi. Ndamuvugura inzi mwene, kunangwa aha inzi mbeeye munyi kandi muve ho.

Tomasi ulangwa Malongo yamuteeva, “Mwami, sikumanyi wuzizaa mba, kunyala kumanya ndi inzira yeyo?”