Gewilde Bybelverse vanaf Gyenesis 50

Deel

Hom dze, hom dween dɛ wɔreyɛ me bɔn; na Nyankopɔn dze ɔdween dɛ oye, ma ɔaayɛ dɛ mbrɛ ndɛ ɔayɛ yi, ma wɔaagye nkorɔfo piinara nkwa.

Na Josef see hɔn dɛ, Mma hom nnsuro: ana migyina Nyankopɔn ananmu a?

Dɛm ntsi afei, mma hom nnsuro: mobɔhwɛ hom, nye hom mbofraba. Na ɔkaa hɔn akoma too hɔn yamu, na ɔkasaa ayamuyie mu kyerɛɛ hɔn.

Dɛm na hom nka nkyerɛ Josef, Afei meserɛ wo, fa wo nuanom hɔn mbrato, nye hɔn bɔn kyɛ hɔn, dɛ wɔyɛɛ wo bɔn: na afei yɛserɛ wo, fa w’egya ne Nyankopɔn no nkowaa hɔn bɔn kyɛ hɔn. Na Josef sui wɔ aber a wɔkaa dɛm kyerɛɛ no no.

Na Josef see no nuanom no dɛ, Morobɔkɔ me nsamankyir: na ampaara Nyankopɔn bɛba abɛsera hom, na oebeyi hom efi asaase yi do akɔ asaase a ɔkaa ho ntam kyerɛɛ Abraham, Isaak nye Jakob no no do.

Na Josef maa Israelmba dzii nsew dɛ, Ampaara, Nyankopɔn bɛba abɛsera hom, na hom nsoa me mbiew mfi ha nkɔ.

Na Josef wui, nna oedzi mfe ɔha nye du: na wɔhyɛɛ no akyenkyendur, na wɔtoo no adaka mu wɔ Egypt.