Gewilde Bybelverse vanaf Matayɔ 13

Deel

Masɔɔ ngika ka꞉ɓwanaka akʉ ɨtaka yɨ dɔɓɔ yakʉpananiso ɓombi ngiɓa ɓaakɔ ʉpanʉ wʉ Asʉɓɨɨ ɓambuupimiso, wambʉmɔ lipumo lɨja amati ʉndaɓʉ. Ɓombi nga ɓɔmɔ ɓaamɔ lipumo mɨa mʉngana, ɓɔmɔ makumi ʉmalɨa, nʉ ɓɔmɔ ɓata makumi kaatʉ. »

Masɔɔ ngika ka꞉ɓwanaka ati ʉ akpakiki, yakupananiso mombi ngia aakɔ ʉpanʉ wʉ Asʉɓɨɨ kɔnɨ. Ɨkyɛmɨngana, ɓatanga ɓʉ ʉɓɨɨ ɓambʉmʉɓaa angu, nʉ taa yɨ kumbo ʉ ɨtaka yambʉmʉpɨta. Kʉ ɓwanɨ, ʉpanʉ wambunguo tii tʉkʉ ɨsʉkʉɓwanɨ, chʉkɔmʉ tii ɓata wambʉmɔ lipumo.

Masɔɔ ngika ka꞉kwa anambamba ʉ ɨngbaa, yakʉpananiso mombi ngia aakɔ Ɨsaʉ yɨ Ɓʉngama ɓʉ Asʉɓɨɨ kɔnɨ, chʉkɔmʉ ambuipimiso gʉkʉ ɗɛkɛkɛ. Mbise ɔngɔ Abɨa ambʉka kuɗuoko moni ngika ɓakukinyiso amati ʉ 'ʉtʉma nguangɔ.

Masɔɔ ngika ka꞉ɓwanaka akʉ ɨtaka yɨ mukopi, ya mombi ngia aakɔ ʉpanʉ wʉ Asʉɓɨɨ kɔnɨ, ambʉkwa ɨgyagya ekoo ɔngɔ. Ɨkyɛmɨngana, chʉkɔmʉ wambʉfana mii amati angɔ, jʉ wa꞉wulo tʉkʉ wati ɗɛkɛkɛ. Ikoko yɨmʉgbʉkeni yɛmɔ ɓʉka‑ɓʉkaɨ aka ekoo ʉpanʉ wʉ Asʉɓɨɨ, tʉkʉ nɨma ngiinanɨ, baya ngiangɔ yambʉkwa.

« Ɓʉngama ngiɓa ɓa ekoo ʉ ɓisi ɓa ngbanga ndʉ kumbo wʉ ɨjangɨa nadɨndɨ, iya ɓa꞉'ʉnaya amati ʉ watɨnɨ. Mombi mʉngana ambuchwio kumbo ngiinanɨ, ɛyɔ ambʉ'ʉnaya ɓata kʉ nayaa. Nʉ ɨgyagya ngiinanɨ i꞉nye nayɔ, ambʉsa kʉgaba kumbo ngiangɔ tʉkʉ kʉ 'uɓomu ɓʉ gba. Ambʉchɨka falanga ɔngɔ, ambʉkʉa nayɔ watɨnɨ nguʉnanɨ.

Ɨkyɛmɨngana, masɔɔ nga kɔmɔ ka꞉ɓwanaka akʉ ʉ ɨtaka yɨ dɔɓɔ, kambʉmɔ lipumo ɓʉ kpɔjɔ kpɔjɔ. Kɔmɔ mɨa mʉngana, kɔmɔ makumi ʉmalɨa, nʉ ɓata kɔmɔ makumi kaatʉ. »

Sɨeni lanza lɔɔ gbaɨ nʉ nganʉ kʉtaa kuyokoko tʉkʉ ɨzɔ, kʉɓʉya akʉ wati wɔɔ bʉɛ masɔɔ wa꞉ndana‑ɔɔ. Kija ɛmɛ makʉɔngɔ ma꞊sigio sina tiga ɓombi ngiɓa ɓaabʉa masɔɔ ɓɔ, faniseni‑zʉ ɗuoko tʉkʉ lanza ngila lɔɔ gbaɨ. Nambʉlɨsangaka ɓapeɓu ɓɔngɔ tʉkʉ ɓʉ ndu, nambʉsa nalɔ kugiso akʉ dyaa. Mbise ɔngɔ, nambʉmʉma tiga nganʉ amati ʉ ɨkáa yɨ masɔɔ ngiisɛmɛ. › »