Gewilde Bybelverse vanaf Luka 13

Deel

“Wu g'ung tihh wu dhel diy pwooluh w'u wuh-weell; p'ee ih kihh satt wunn, gurum dhess p'ee p'ar t'ang dhel dhighin, dhangg mwopp p'ee kad dh'el mou.

bhi m'ee mat nhighin w'u kihh m'ee riin w'u l'e shw'al mat ni p'ee byitt kaghapaad baah pwoghokunn. Shw'al ni nyig mat ni dhen a w'u ku-kurum harr baah kihh mak eep sat yakhal dharr mou kooh lee. Kaarooh Jesu naah nyi, bhi peet nyi, satt nyi le, “Ih fwoon yi pwoo shw'al keeyi.”

Bhi Jesu l'e sarr niy kih mat ni. Abet bhi mat ni dhepp yakhal dharr, bhi y'aa kwoob Naan.

Dhangg wu naah, pakk gurum w'u gurum kihh bheez mwopp le nw'aa a wu'baan, bhi a mwopp mhizeh ni p'ee p'ar kwed a mwooh kihkyeen; dhangg pakk gurum w'u gurum mwopp kihh tihghin mwopp dhen kihkyeen mwasseh, bhi a mwopp mhizeh ni p'ee p'ar kwed pwenn kihbwoon.”

Mihh pee wull w'u guluh ni yakhal dharr, harr y'aa pwooluh ni shakhat, bhi wunn p'ee dheeh dyarrang kihtekhell wu kihh bwappee diy, wu kihh dhang wu le, ‘Gwoohyon, Gwoohyon, kum'bokk, ghi wanggpee munn.’ “Bhi nyi p'ee pring nyi wunn satt le, ‘Ih man wunn mou; kooh pee w'u wu pwat diy mou.’

Kooh lee, ih kihh satt wunn, mihh wu tu'wapp mou, bhi wu'wunn zag p'ee p'ar ky'em.”

“Dhangg nyi p'ee pring nyi wunn satt le, ‘Ih kihh satt wunn, baah ih man wunn mou, kooh pee w'u wu pwat diy mou; dwam wu reen pwoo na, v'ur mhi-dhakk'wubis wu'baan!’

Jesu satt le, “Dhenglong khi Naan ni a kaa mihyeh shi se? An p'ee kammshiiy nyi a sh'i mihyeh shi se? Nyi a kaah reb y'ee sherem mostad w'u m'ee gurum kopp bongg keeniy, bhi yon put tihngsheep, harr bul-shaapp mwopp ja l'e liz kih songgsheep ni mwopp.”