Gewilde Bybelverse vanaf Luka 12

Deel

Pee'mhinyi bhi wu'wunn zag wu tong sh'i dhakkshuk, p'ee L'aa khi Gurum p'ee baa'ji a puus w'u baah wu le'pan baa'ji khinyi mou.”

Kop kihhsheh, bhi wu lyap a Dhenglong khi Naan, bhi Naan p'ee pihh bii mihhseh ni mwopp wunn zag.

A nyi seh, bhi Jesu satt dw'uu gurum ni mwopp le, “Wu kihh tapp kihh shuk, yakhal wu kihh kangg kihh kaah wuh kihh yid, p'ee baah seen gurum kihh dharr a kaah dw'uu bii w'u nyi kihh mwopp mou.”

P'ee pee w'u long khi gurum diy, bhi en nyi p'ee kihh dhen a nhighin twass.

Uwou, a meeh muh wu'rangg kihh mak gyess t'eer mhi seen niy sh'in mwan diy pee'rooh kihh ann shin p'ee nyi seh?

Jesu waa'baa dyi laa'pwoo kihh zheppkamm keeniy mwopp bhi satt le, “Pee'mhinyi bhi ih kihh satt wunn ih le, tapp wu kihh ann shuk p'ee seen wu, p'ee orr soh w'u wunn p'ee so nyi tong diy mou; kooh p'ee dihng shoopshik wu, p'ee orr looh w'u wunn p'ee rwan nyi.

Ih kihh satt wunn, kooh shoopkaah wuh kyekk maah bhi mwopp a w'u ku'kun. Pee'mhinyi bhi tapp wu kihkhir mou, p'ee wunn kihh kyeenn mett chidyiid mwopp fwaiy.

“Tapp wu kihkhir mou, wunn tihm w'u mwopp phib mou; p'ee rettyit Puup wu tihh pihh dhenglong keeniy diy wunn.

Wu naah goo'roo mwopp sihng: baah mwopp kihh kopp dhebhenn kooh mwopp dyiip mou; baah mwopp kihh kuudgihb kooh dyaarr mou. Weett kihhsheh, bhi Naan kihh so kihh mwopp, dhangg dheeh diy a wu'wunn w'u wu mett bul mwopp fwaiy a'ng!

“Pee'mhinyi, bhi tapp wu kihh tong shwan a bii w'u wunn p'ee so nyi, kihh bii w'u wunn p'ee shwaa nyi mou; tapp wu ann shuk p'ee mwopp mou.

Dheeh kad kan mihh Naan kihh sh'in zhwatt v'ur shit w'u dh'em a kihhsheh; shit w'u mihh nyi se shinn, bhi dhaarr mwopp kihh meng a tihghirhing, dhangg dheeh diy a wunn a'ng, Ooh wunn mhishiin-pihhzeenn mwopp!

P'ee baah mee'bii w'u a w'u pihpaah, w'u dheng'pee mwopp p'ee p'ar ber'pee lhi'baa dyikihh mou; yakhal baah mee'bii a w'u zihzok w'u baah mwopp p'ee p'ar man nyi mou.