Næs ic on nauht idlum anbide,
þeah hit me lang anbid þuhte,
þa ða ic anbidode Godes fultumes,
for þam he beseah wið min,
and gehyrde min gebed
and alædde me fram þam pytte ælcra yrmða,
and of þam duste and of þam drosnum ælces ðeowdomes
and ælcere hæftnyde.
And he asette mine fet on swiðe heanne stan
(þæt ys, on swyðe heah setl and on swyðe fæstne anweald),
and he gerihte mine stæpas