Gewilde Bybelverse vanaf YAHYA 14

Deel

Dame salehangang Kubokoi ri kaui. Dame salehangang Kupassareang mange ri kaui, na nuKupassareang injo gelei assimpole nulapassareang a'ra'na lino inni mange ri kaui. Andamu balisa na bentere atimu.

Appaui Isa ri ia, ”Nakkemo patteteang surang kanabaang na tallasa. Gele rie' manna se're tau akkulle ambattu mange ri Amma, ampa gele attete ri Nakke.

”Andalalo balisa atimu; tappa'moko ri Allataala, tappa' todo'ko mae ri Nakke.

mingka Nyaha Paurang-urang, iamo intu Nyaha Tangkasa, nulalasuro injo Amma lalang riarengKu, Iamo lalapangajarangi iangase'na mange ri kaui na lalapiu'rangiko risikonjo numaeng Kupau ri kaui.

Inai jua lateteng parentaKu na lageokangi, iamo ngamaseang mae ri Nakke. Inai jua ngamaseang mae ri Nakke, ia larikamaseang todo'i ri AmmangKu na Nakke pole langamaseang mange ri ia na laKupappijanjangi kalengKu mange ri ia.”

Nakke langera ri Amma, na Ia laassare ri kau se're Paurang-urang maraeng, solanna Ia lapinahangiko situlusu'na, iamo intu Nyaha Katojekang. Ia gele akkulle latarima lino, saba' Ia gele lajanjang lino na Ia gele riisse' ri lino. Mingka muissekii, saba' Ia minahangi ri kaui na ammari ri kau.

na apa jua muera lalang ri arengKu, laKugeokangi, solanna ripakala'biri Amma lalang ri Ana'. Ampa ngeraiko lalang riarengKu, injo tantumu laKugeokanna.”

”Ampa ngamaseangiko ri Nakke, kau lamuturuki sikuanna parentaKu.

Ri Saponna AmmangKu lohe tampa' pammariang. Ampa gelei appakonjo, tantu Kupauna mange ri kaui. Saba' Nakke laa'lampa mange konjo laappakasadia tampa' ri kaui.

Ampa Nakke a'lampaa mange konjo na maeng sadiamu tampa'mu, Nakke larie' pole na Kuerangiko mange ri tampa'Ku, solanna ri tampa' pammariangKu rieki todo'ko ri injo.

Appaui Tomas ri Ia, ”Karaeng, kambe gele taisse' laantee mae lampaTa; jari anteekamua lataisse' lalang mange konjo?”