Gewilde Bybelverse vanaf Matius 10

Deel

Yesuse nua ni muritna hawe, “Flonga e! Ya isula mew ffan lali smat ta rmayaina fapaluan, tina fatailo laisa domba ntu isa nfan lali fun ailolona fapaluan. Gabe mewe nane fpei famafia, fare wlomewna nane molang.

Gabe ise ntub bo i ni dirica tutuling, i cia osta nmatna i re Jou Lahatalla pa denabe lali. Ga ise ta npo ni tubca ningalena nderera Ya, i cia osta nduk tub re Jou Lahatalla denabe lali.”

Mew bena mati famcaite smatnana. Ningale smatna dafena rpun famat be nimew badanca, ga enpa kawasana bo rpune famat nimew jiwacana. Famcait be Jou Lahatalla ta ni kawasa bo npune nimew badanca taga nfasale nimew jiwaca mali narakaca.

Ise ta npapa i ni salip capa, tina ni ngalena inciap pa bo nkangela denabe nmatna nderera Ya, i cia pantas bo nderera Ya.

Ise ta nfatuwo ndela Ya mali smat laloca nbona, Ya ma osta ifatuwo Ya ifayala i mali Ya nik Apa ta mali sorogaica nbona. Ga ise ga nu nfayala Ya pa mali smat laloca nbona, Ya ma iku ifayala i pa mali nik Apa ta mali sorogaica nbona.”

Mewe famafia si to smat ta dowilna, fapaling si to smat ta rmatna, famafia smat ta rpanyaket padona, fare faungo setan ta rcunge smatnana. Mewe fduk kawasa tina re ni paisapa, gabe mewe ma nane fpake kawasa tina bo fgali smate nesana re ni paisapa bena.

Gabe mew mati famcaite, ningalena mew mulo mewna mamagalna, foloi mali mani budubadang tina.

Yesuse nu hawe, “Mati mew fu, Ya ilafo mali dunia tae bo smatna rfamafio ndumi si. Ga Ya ilafo tane, smatna lal osta rfakotale, denabe en ta rfapunpuna ga rmat.