Gewilde Bybelverse vanaf JHN 14

Deel

निन मी इचांग शांती इच्ची फोयतान; निन नाद शांती मिक इस्तान यल्ला दुन्याम इस्ताद आल्ला निन मिक इयान; मी अंतकरण उदास इंगा येरस्कुनाराद

येशुड वान आन्या, “मार्ग, सत्य इंगा जीवन निने उंडान. ना तीकुड वच्चीनशे आब्बान तीकुड यवारुच फोई शकायार.

येशुड मुंदारकी आन्या, “मी मनलु दुखी कानियाकुंडा; परमेश्वर मिंदा विश्वास फेटना, ना मिंदा पण विश्वास फेटना.

तरी यवारनी आब्बाड ना फेरता आंपी आ वकील आंटे पवित्र आत्मा मिक आंताच नेरपी इंगा याय माटलु निन मिक शपतीन आय आन्नी मिक ध्यानाम शेशी इच्ची.

यवार देगार नाय आज्ञाल उंडाय इंगा यवाड आय पाळास्ताड वाडे ना मिंदा प्रेम शेशेतोड उंडाड; इंगा यवाड ना मिंदा प्रेम शेस्ताड; वान मिंदा ना आब्बाड प्रेम शेशी; निन वान मिंदा प्रेम शेशान इंगा स्वतान वानकी प्रकट शेशान.”

निन आब्बानकी विनंती शेशान, आंटे वाड मिक दुसरा वकील आंटे सत्यद आत्मा इच्ची. दिनिचांग की, आदी मी जताक नेहमी उंडाला. दुन्यामलोन मंदी सत्यद आत्मा ग्रहण शेशी शकायार, येनटीक की वार दान सुडार इंगा गुरतु फट्टार; मीर दान गुरतु फटतार, येनटीक की आदी मी जताक निलस्ताद इंगा आदी मी नडमा निलची.

कोडकु तीकेल आब्बानदी गौरव कावाला आंकेन मीर ना फेरता येम पण आडग्यार आदी निन शेशान. मीर ना फेरता ना देगार येमाना आडगुतीर आंटे निन आदी शेशान.

येशुड मुंदारकी आन्या, जर मीर ना मिंदा प्रेम शेस्ते तर मीर ना आज्ञाल पाळाशार.

ना आब्बान इंटल्या निलचेदेंक शेंगेम जागा उंडाद. लेकुंटे तर निन मिक आल्ला शपतुंटीन; निन मी इचांग जागा तैयार शेशेदेंक फोयतुनान

इंगा, निन फोई मी इचांग जागा तैयार शेस्तीन आंटे वापस वच्ची मिमलान ना यंका येका फोयान; दिनिचांग यंदु निन उंडान आंदु मीर पण उंडाला.

थोमाड येशुन आडग्या, “प्रभु, नु यंदुक फोयतुनाव इदी माक यरका लेद; मंग माक दावा यल्ला यरका उंडी?”