Gewilde Bybelverse vanaf Di Mulakata 15

Deel

Jaji barik dataantalinga kole’a baki’ Abram, jaji parasaya’ barik. Jaji kole’a kaparasaya’anna lalo dinen daasanna tapat kole’a i Yahuwe yang baki’ Abramen dinen.

Jaji maminna baki’ Abram mala mole’ lo’a baki’ Lot, andian jalu dapaitangen kole’a Alatala lo’a. Ilalam jalu dapaitangen lo’a dinen, mondok jaruma i Yahuwe, “Daiko ada’ kalangganganen Abrame,” ingka kenang. “Andianak malindungi lo’u awan lalo jabangen. Kulindungi lo’a jalu ajau’en yang to’ manuun lo’u. Daiko ona’ baraa opa’u,” ingka kenang jaruma i Yahuwe lo’a baki’ Abram.

Jaji barik baki’ Abram dinen daawa minsaluan kole’a i Yahuwe. Mamin minsaluan, “Belejo gulungan bintangen di suanen. Suba ti’ ikule’ iko mangira insa’ ambatana,” ingka. “Awan dinen bua ona’ bayu’a kanturunannu, awan bintangen di suanen,” ingka kenang manjaruma i Yahuwe lo’a baki’ Abram.

Maminna dinen barik andian bapi jaruma Alatala lo’a baki’ Abram, “O dinen na’an kenang,” ingka. “Okan ia yang mandua’ang kamusannu. Ona’ yang mandua’angen, ia dinen anak diri’u,” ingka kenang manjaruma i Yahuwe dinen lo’a baki’ Abram.

Jaji manjarum Alatala, “Arung itamu iko di’en to’ adarina. Gulungan kanturunannu ona’ to’ mamalin lo’a negeri seraan. To’ lalako’ di banua tauen, yang okanen banua diri’a. Inang bea dinen to’ dala pangkama kole’a tau negeri dinen. To’ daparinsa’i ampat ratus taun launna,” ingka kenang.

Jaji maminna dadalinga dinen barik kole’a baki’ Abram, “O Alatala Yahuwe, jalu ai to’ itawa’angen iko lo’ku’? Ona’ dinen gulungan kamusanku’ alao’ kausa lo’a i Elieser, tau Damsik dinen. Kole’a daiak kosan anakku’.

Inang lalo di aso dinen i Yahuwe manatap bayana lo’a baki’ Abram. “Na, banua di’en lalo kudunjukangen lo’a kanturunannu,” ingka kenang. “Dari batas negeri Mesir lo’a sunge Eprat, kanturunannu kausa ampunaan.

Rabarik di kanturunannu yang kaampaten baru’ to’ mole’ balik ira lo’a negeri di’en. Kupolana kenang dinen kole’a nampi tuli kajau’anna suku Amori di’en yang tau lalako’en di negeri di’en. Nampi to’ kudukum,” ingka kenang jaruma Alatala lo’a baki’ Abram.