Gewilde Bybelverse vanaf João 14

Deel

Hau husik dame ba imi. Hau foo Hau nia dame ba imi. Hau foo ba imi laos hanesan mundu foo. Keta laran susar, no keta laran tauk.

Jesus dehan ba nia, “Hau mak dalan, lia loos no moris. Ema ida la bele hakbesik ba Aman, só deit liu hosi Hau.

Keta laran susar: fiar ba Maromak, fiar mos ba Hau.

Maibee Ajudadór, katak Espíritu Santu, nebee Aman sei haruka mai hodi Hau nia naran, Nia sei hanorin buat hotu ba imi, no halo imi hanoin hetan buat hotu nebee Hau dehan ona ba imi.

Ema nebee simu Hau nia ukun fuan sira, no halo tuir ukun fuan sira nee, nia mak ema nebee hadomi Hau. No nia nebee hadomi Hau, Hau nia Aman sei hadomi nia, no Hau sei hadomi nia, no Hau sei hatudu Aan ba nia.

No Hau sei husu ba Aman, no Nia sei foo imi Ajudadór ida seluk hodi hela ho imi too rohan laek. Nia mak Espíritu lia loos nian. Mundu la bele simu Nia, tanba mundu la haree Nia no la konhese Nia. Maibee imi konhese Nia, tanba Nia hela ho imi no Nia sei hela iha imi nia laran.

No buat hotu nebee imi husu hodi Hau nia naran, Hau sei halo, atu nunee Aman bele hetan glória iha Oan Mane. Se imi husu Hau buat naran deit hodi Hau nia naran, Hau sei halo.

“Se imi hadomi Hau, imi sei halo tuir Hau nia ukun fuan sira.

Hau nia Aman nia uma iha fatin barak atu hela. Se la nunee karik, Hau sei foo hatene ba imi. Hau baa atu prepara fatin ba imi.

No se Hau baa no prepara fatin ba imi, Hau sei mai fali, no lori imi ba Hau nia fatin. Nunee iha fatin nebee Hau hela, imi mos bele hela iha nebaa.

Tomé dehan ba Nia, “Nai, ami la hatene O atu baa nebee. Entaun oinsaa mak ami bele hatene dalan nee?”