MARKUS, NOPUKU AFASAO SORE, 1.
NOPUKU AFASAO SORE, 1.
1TA nontafito o tafasao erefia o Iesu Kristo, ta Nontariki o Atua;
2Hepe neisiriace i tatapuria o ta aprofeta Kowcitia avau kowna fitshicou tshaku mokagi tshou foimata, aia kepenpena teretu tshou mokagi akoi.
3Ta norio o tasi nokotapa i tugogau, Penpena acowa ta teretu o ta Teriki, aiseria totonu tshana aretu.
4Joanes nibaptiso ia tugogau nifakairo ta baptiso o tagata keinatshicina ma feimagowa maganisa, ma keiamke nori amaganisa.
5Niroro iai iateia tagatotshi o fanua Juteia, ma acre o Jerusalem, aia nibaptiso acre iotshi, i tavai tafe Jortan, acre nokoutucua tshare maganisa.
6Joanes nitaka ia tumiga o nofouru o akamila, aia nitoutshi ia nokiri o ane; aia nikeina ase ma hune.
7Aia nifakairo tagata nokoutucua, Tasi komai wamuri avau aia tomatua sore, avau tomatua sisi, tavava ane fousia tshan avai avou serefia keifou ma vetea.
8Avau tamari nibaptiso acowa i tavai; kaia aia kabaptiso acowa ia Nokano Tapu.
9¶ Ane nei nimai ia nopogira, Iesu nifeke Nasareth o tafanua Calili, ma Joanes nibaptiso aia ia tavai tafe Jortan.
10Milowa nokonace nifeke tavai, aia neicitia taragi neitshicea, ma Nokano Tapu hepe tafoitu nokofanifo iluga aia;
11Ta noreo o tasi nimai ia taragi, nokoutucua, Akoi tucutariki, nakacitiafakarafia akoi, Avau kabisa ia akoi.
12¶ Milowa ta Nokano Tapu sigiake aia ia tugogau.
13Aia neinofo iai ia tugogau nopoge forte, Satana neiresia aia; aiana neinofo iai ia aneiro; ma agelo niavere tshana.
14¶ Wamuri acre neinage Joanes i ta fare mukei, Iesu nimai ia Calili nokofakairo tafasao erefia o tavaka o Atua.
15Nokoutucua, ta nopoge komaice; tavaka o Atua koitata; kotafuri arotowa keinatshicina ma feimacowa maganisa, ma fakarogrogo tafasao erefia.
16¶ Iai aia nifano ia watai o Calili, aia neicitia Saimona, ma Antreus tsho noso nokotatuce takowpega ia tatai, ma acrawa tagata fagota.
17Iesu neitucage iacrawa, Romai wamouri avau akorua, avau kamna akorua keifagota tagata.
18Milowa acrawa natshicina akowpega tsharawa, niroro, wamuri aia.
19Aia nifano foci fakasisi iai, aia neicitia Jakobus ta nontariki o Sebeteius, ma Joanes tsho noso, acrawa ma neinofo ia tavaka nokoucia akowpegarawa.
20Milowia aia nitapa acrawa; ma acrawa natshicina tamanarawa Sebeteius ia tavaka ia tshare afitshicou ma niroro wamuri aia.
21Acre niroro ia Kaperneum; ma milowa ia nopoge tapu aia nifano ia tafare mori nifakairo acre.
22Acre nimasaro ia tshan afasao, ma aia nifakairo acre hepe tasi tomatua, ma jimra hepe tagata fakairo.
23Tatane tasi iai ia tafare mori tshare, agelo isa neinofo ia aia, ma aia nitapa fakapalo.
24Nokoutucua, Natshicina acime; ia taha acime acitiafakarafia akoi, Iesu o Nasareth? Akoi komai keitakaroiai acime mo jimra? Avau keiro akoi ta tane tapu erefia o Atua.
25Iesu neiseciria aia, nokoutucua, Natshicina tshou afasao ma komai watafa aia.
26Iai agelo isa neifasia aia, neitapa ia fakapalo norea ma nimai watafa aia.
27Acreiotshi nimasaro, acre nifakowia acre, nokoutucua, Taha tenei? taha fou fakairo tenei? ma ia tomatua aia nikofasao agelo isa, ma acre fakarogona tshan afasao.
28Milowa tafasao o tomatua tshana nifano kofori iotshi fanua o Calili.
29¶ Milowa acre niromai efuafo tafare mori, acre niroro ia tafare o Saimona ma Antreus, ia Jakobus ma Joanes.
30Kaia ta nana tsha nanahune o Saimona nimoi nimace o mukaligi, milowa acre neitucua, aia iateia.
31Aia nimai nipurutshia tshan orima, neitshicitshia aia; ma milowa ta maci mukaligi nagke aia, ma aia fitshicou mare.
32¶ Ta tefiafi, tara takeifo, acre niarafia iatea tagatotshi nimace iai, ma tagata agelo isa nokonofo ia acre.
33Tagatotshi ia tumrai sore iai nifetacina ia tafeitoca.
34Aia neipenpena nalupai tagata nimace o amace nalupai sece ma sece, ma neisegiake agelo isa nalupai, neitucuasana agelo isa keifasao, ma acre nikeiro aia.
35¶ Ia tapopo, ia tafeitiata, aia nimasike nifeke, nifano ia none tugogau, nimori iai.
36Saimona ma acre foci iai ia aia niroro wamuri aia.
37Acre neicitia aia iai, acre neitucua iateia, Tagatotshi nokosara akoi.
38Aia neitucage iacre, Acitia kororo ia umrai iotshi itata, ma avau kova foci iai, ma avau nimy ia tavere nei.
39Aia nifakairo acre ia tafare mori tshare ia tafanua iotshi o Calili, ma neisegiake agelo isa.
40¶ Iai tatane leprose nimai iateia, nokofakowia mukei aia, nokofakaturia inturi iateia, ma nokoutucua iateia, Pe akoi acitiafakarafia, akoi tomatua penpena avau erefia.
41Iesu nikarafeina aia, nifakatonusia tshana norima, nitofia aia, neitucage iateia, avau acitiafakarafia; penpena akoi erefia.
42Milowa hepe aia nifasao, ta leprose neinagke aia, aia neipenpena erefia.
43Aia neitucuasana mukei aia, ma milowa nikownace aia;
44Neitucage iateia, Fatshigeia akoi sefasao ia tane tasi; kaia fano tshou retu, tatane tapu kowcitia akoi, kavagi takavari ia penpena tshou amace, ane iotshi Moses nifakairo iateia, ma magane nei fakairo acre.
45Kaia aia nifano efuafo, neikamata keifasao sore iateia, keitucage ia tagata papai ma ane nei, pe Iesu sefanomana foci ia tumrai sore imoa acre, kaia aia neinofo watafa ia tugogau; ma acre niromai iateia o fanua iotshi.
Tans Gekies:
MARKUS, NOPUKU AFASAO SORE, 1.: ANT
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Bible Society of the South Pacific
Vind meer uit oor Niu Testamen