MARKUS, NOPUKU AFASAO SORE, 2.
NOPUKU AFASAO SORE, 2.
1FOCI aia nifano ia Kaperneum wamuri faru nopoge, nifasao sore fakairo acre aia efare.
2Milowa tagata nalupai nifetacina nipecitshia efare, none jimra faru foci romai iai, jimra kofori tafeitoca; aia nikova tafasao erefia iacre.
3¶ Acre niromai iateia, niarafia tasi tatane nimace o ta pulse, tagata efa nitshicitshia aia.
4Iai acre neisereva romy citata aia, ma tagata nalupai nifori aia, acre neifasia tatahufu o tafare aia neinofo iai, ma acre nigeifo ta potu ia aia nimace o ta pulse nimoi iai.
5Iesu neicitia tshare fakarogrogo, aia neitucage ia tatane nimace o ta palse, Tucutariki, nori tshou maganisa keiamke.
6Kaia faru o fakau serea ma fakairo tatapuria nikonofo iai, nokomintua arotorea.
7Tiaha tatane nei koutucua tafasao tapu? Akai tomatua keiamke nori o maganisa kaia Atua ana?
8Milowa Iesu nikeiro ia niana roto acre nifasao hepe nei i arotorea, aia neitucage iacre, Tiaha acowa kamintua afasao hepra i arotowa?
9Tiaha meru keitucua ia aia tamace o ta palse, Nori maganisa, tshou keiamke; mo keitucua iateia, masike, avake tshou apotu, ma fano?
10Kaia keifakairo acowa ta Nontariki o tagata tomatua ia takere wararoni keiamke nori amaganisa (aia neitucage ia aia nimace o ta palse),
11Avau katucua iatakoi, masike amo tshou apotu, fano tshou teretu ia tshou fare.
12Milowa aia nimasike, niavake tapotu; nifano efuafo imoa acreiotshi, neimna acreiotshi nimasaro iai, nibisa ia Atua, nokoutucua, Acitia secitia mana hepe nei.
13¶ Aia nifano efuafo foci itata tatai; tagatotshi iai nifetacina iateia, ma aia nifakairo acre.
14Hepe aia nifeke itata, aia neicitia Livai ta nontariki o Alfeus nokonofo ia tafare neitufwa mune o teriki iai, aia neitucage iateia, Mai muri avau. Aia nimasike nifano wamuri aia.
15Ane nei nimai, hepe Iesu neinofo ia kokai ia tshana fare, fakou nalupai niamo mune o teriki, ma fakou isa neinofo iai ia Iesu ma niana tagata aia nifakairo, ma acre nalupai iai, ma acre niroro wamuri aia.
16Iai fakou neiserea ma nifakairo, tatapuria ma fakou Farasi neicitia aia nikeina ia tagata niamo mune o teriki iai ma tagata isa, acre neitucua niana tagata aia nifakairo, Tiaha aia kokai ma konumia ia tagata amo mune o teriki ma tagata isa?
17Iesu neirogona nei, aia neitucage iacre, Acre tomatua secitiafakarafia keicitia tatane amke tamace, kaia acre komace; Avau semai mana keitapa tagata erefia, kaia tagata isa keinatshicina ma feimacowa maganisa tshare.
18¶ Fakou Joanes nifakairo, ma fakou o ta afarasi nikopari acre niromai neitucua iateia, Tiaha tagata Joanes nifakairo, ma tagata o Afarasi kopari, kaia tagata akoi fakairo sekopari mana?
19Iesu neitucage iacre, Tiaha atamerecriki o tatane arafia tshana fine kopari, nopoge iotshi aia konofo iacre? iotshi nopoge tatane arafia tshana fine konofo ia acre, acre sekopari mana.
20Kaia taha nopoge kaimai tatane arafia tshana fine, karafiace natshicina acre, wamuri nei acre kapari i taha nopoge.
21Jimra tatane tasi suciapofna nontafa tumiga fou ia tumiga popo; mo tumiga fou suciapofna eifasia tumiga ituai, keimna fakafotu sore su.
22Jimra tatane tasi keirigia weina fou ia avai toga ituai; mo wena fou eifasia avai toga, ma ta weina komarigi, ma avai toga isa; kaia weina fou erefia kairigia ia avai toga fou.
23Ane nei nimai, aia nifano arotopa o ta korn ia nopoge tapu; maniana tagata aia nifakairo neikamata hepe acre niroro keitoria nohua o ta korn.
24Tagata Farasi neitucua iateia, Kowcitia, tiaha acre imna ia nopoge tapu ane itapu?
25Aia neitucage iacre, Acowa setawamana taha Tevit neimna, ia nopogera tshana akai nijimra, aia nitshitogi, ma acre wamuri aia?
26Aia nifano ia tafare o Atua i nopogera o Abaiether ta teriki sore o tafare mori, ma nikeina ta aofa neinofo iai, takai tapu, kaia tsha tagata tapu ana, foci aia neitufwa iacre wamuri aia?
27Aia neitucage iacre, Ta nopoge tapu neimna ia tagata, ma jimra tagata neimna ia ta nopoge tapu;
28Ia ane nei ta Nontariki o tagata, aia teriki Sore ma o ta nopoge tapu.
Tans Gekies:
MARKUS, NOPUKU AFASAO SORE, 2.: ANT
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Bible Society of the South Pacific
Vind meer uit oor Niu Testamen