MARKUS, NOPUKU AFASAO SORE, 3.
NOPUKU AFASAO SORE, 3.
1AIA nifano foci a tafare mori; tasi tatane iai tshana norima taru.
2Acre nifatshigeia aia, pe aia penpena aia ia nopoge tapu; pe acre kogorosia aia.
3Aia neitucage tatane tshan orima taru, Kotu mokagi.
4Aia neitucage iacre, Itapu keimna maganerefia ia nopoge tapu, mo keimna maganisa? keipare ania mouri, mo keitaia komate? Kaia acre sefasao.
5Iai aia neicitia kofori acre ia fakainina, tshana roto nimai ia rotorea mukei, aia neitucage ia tatane, Fakatonusia norima tshou. Aia nifakatonusia aia, ma tshan orima neipenpena erefia hepe nontafa foci norima.
6Fakou Farasi niroro efuafo, ma milowa neitucage tagata o Herot keisitu takaroiai aia.
7¶ Kaia Iesu natshicina acre, ia niana tagata aia nifakairo niroro ia tatai; tagata nalupai su o Calili niroro wamuri aia, ma o Juteia.
8Ma ia Jerusalem, ma ia Itumia, ma ai nofokage Jortan, ma acre kofori Tairus ma Saiton, tagata nalupai su, acre neirogona ane sore aia neimna, acre niromai iateia.
9Aia nifasao niana tagata aia nifakairo, pe tuporuku sisi tasi konofo iateia, ma tagata nalupai su nifitacina iai, pe acre keipecitshia aia.
10Ma aia neipenpena erefia nalupai tagata; pe acre nimace niroro milowa itata aia keitofia aia, acreiotshi nimace iai.
11Agelo isa ma, pe neicitia aia, nito imoa aia, neitapa nokoutucua, Akoi ta Nontariki o Atua.
12Ma aia neitucuasana mukei acre, pe acre natshicina koutucua aia akai.
13¶ Aia nifitshi ia taora tasi, neitapa tagata iai aia neicitiafakarafia; ma acre niromy iateia.
14Aia niamo fakou twelv, pe acre konofo ia aia, ma pe aia kownace acre keifakairo tagata tshan afasao erefia.
15Kavigimare tomatua keipenpena amaci o tagata, kesigiake agelo isa ma;
16Saimona aia neitucage neigo mokagi Pitrus;
17Jakobus ta nontariki o Sebeteius, ma Joanes ta noso o Jakobus; aia neitucage eigorawa mokagi Boanirjis, ta nokano o afasao nei, Ta untariki o tafatshiri,
18Ma Antreus, ma Felipos, ma Bartholomeus, ma Tomas, ma Jakobus ta nontariki o Alfeus, ma Thateus, ma Saimona tatane o Selotai,
19Ma Jutas tatane Kariot, aia nifakareresia aia; ma acre niroro efare tishana.
20Tagata nalupai su nifetacina foci iai, pe acre sekai mana aofa iai.
21Iai niana tagata neirogona o aia, acre niroro efuafo keipurutshia aia; ma acre neitucua, Aia kowkali.
22¶ Fakou serea ma fakairo niteifo ia Jerusalem neitucua, Aia niamo Belsebub, ma ia teriki o agelo isa aia segiake agelo isa.
23Aia nitapa acre iateia, neitucage acre ia tafasao fakatagasia, Tiaha Satana segiake Satana?
24Pe Tavaka tasi nontafa feimacowa nontafa, tavaka tira sekonofo mukei.
25Pe tafare tasi faru tagata iai feimacowa faru tagata iai, tafare tira sekonofo mukei.
26Pe Satana masike feimacowa Satana, tshana roto erua, aia sekonofo mukei, kaia kojimra.
27Jimra tatane fano ia tafare o tasi takou tomatua keiiauiai tshana ania mane, kaia pe aia mokogi nifousia mukei tatane tomatua; wamuri nei aia keiiauiai tshana fare.
28Tamari avau koutucua iacowa, Nori o iotshi maganisa o untariki iotshi o tagata, kamke, tafasao pouri iotshi ma acre kafasosa;
29Kaia aia kafasosa ia ta Nokano Tapu sekamke nori o niana maganisa, kaia aia konofo itata tiafe sore atou ma tou.
30Ianenei acre neitucua, Aia niamo agelo isa.
31¶ iai niromai tshana noso ma nana, ma nokotu efuafo, nikowna iateia, nokotapa aia.
32Tagata nalupai su neinofo kofori aia, acre neitucua aia, kowcitia nau ma anoso efuafo nokosara akoi.
33Aia nifasao acre neitucage, Akai mama ma akuso?
34Aia neicitia kofori acre neinofo kofori aia, neitucage, kowcitia mama, ma akuso!
35Ma tagatotshi kamna ta vere o Atua, aia tukuso, ma tukukave, ma mama.
Tans Gekies:
MARKUS, NOPUKU AFASAO SORE, 3.: ANT
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Bible Society of the South Pacific
Vind meer uit oor Niu Testamen