MARKUS, NOPUKU AFASAO SORE, 4.
NOPUKU AFASAO SORE, 4.
1AIA neikamata foci keifakairo acre itata tatai; tagata nalupai su nifetacina iateia, pe aia nisopocea tavaka, neinofo iai ia tatai, ma tagatotshi iai itata tatai ia taftafa.
2Aia nifakairo acre ane nalupai ia fakatagasia, neitucage iacre ia tshana fakairo.
3Fakarogona; kowcitia, tatane nifano efuafo keipesia nohua.
4Ane nei nimai hepe aia neipesia nohua faru nimerigi nontafa teretu, ma amanu niromai nikeina iotshi.
5Faru nimerigi ia takere tafatu nalupai iai, wehe takere sisi iai, milowa aia nisomo, ma takere sisi iai;
6Kaia tara nikonace, aia neitshigeia aia; ma tshana noaka sisi aia nimero isa.
7Faru nimerigi ia takere asoni iai, asoni nisomo palo, niroroia aia, tshana nohua nijimra.
8Faru foci nimerigi ia takere erefia, niamo nohua, nisomo palo, niamo nohua, faru therte, faru sekste, ma faru wun huntret anohua.
9Aia neitucage iacre, aia nontariga thsana keifakarogona, erefia aia fakarogona.
10Nagiamana aiana neinofo iai, acre iai kofori aia ia tagata ta twelv nifakowia aia ta nokano o ta fakatagasia.
11Aia neitucage iacre, keitufwa iacowa keiro nokano o tafasao, tsha tavaka o Atua; kaia iacre watafa, ane iotshi nei kofakairo ia fakatagasia.
12Pe nokowcitia acre kowcitia, ma secitiamana erefia, nokorogona acre fakarogona ma sekeiromana, pe nopoge jimra arotorea kuafe ma natshicina maganisa, ma acitiafakarafia Atua, ma aia towaki nori maganisa tshare.
13Aia neitucage iacre, Seiromana acowa nokano o fakatagasia nei? ma tiaha acowa keiro afakatagasia iotshi?
14¶ Tatane keipesia, keipesia tafasoa o Atua.
15Acre nimerigi ia nontafa teretu, wehe tafasao o Atua kopesia; kaia pe acre neirogona, Satana komai milowa, keiamke tafasao o Atua, tira neipesia i arotorea.
16Acre fosi neipesia ia takere afatua nalupai iai; akai, pe acre nifakarogona tafasao o Atua milowa acre amo ma kabisa iateia.
17Kaia nontafito jimra i arotorea, acre apurutshia aia nopoge toru ana; wamuri nei pe amace, mo feimacowa ma kotshi tagata ia tafasao o Atua komai, milowa acre kumtacu kanatshicina aia.
18Acre foci neipesia ia asoni, pe acre fakarogona tafasao o Atua,
19Kaia tavere ma aniamane o fanua wararoni, kofeiva o outo sore, ma kamintua ane isa nalupai nokororo i arotorea, iauiai tafasao o Atua ma aia sehua mana.
20Acre foci neipesia ia takere erefia, acre fakarogona tafasao o Atua, keipurutshia aia i arotorea ma amo nohua iateia, faru therte, faru sekste, faru foci wun huntret.
21¶ Aia neitucage iacre, ko ta lampe amai keifuna iraro taganea mo iraro tapotu, mo jimra? ma jimra keinagi aia iluga taganea iateia?
22Ma jimra ane tasi kofuna, kaia kavakea aia imoa foimata o tagata; ma jimra ane tasi nifuna ia aroto, kaia taha nopoge aia kamai watafa.
23Pe tatane tasi tshana nontariga keifakarogona, erefia aia fakaragona.
24Aia neitucage iacre, Fatshigeia taha acowa fakarogona; ma hepe magane tshowa iateia, aia kamna iacowa; ma iacowa fakarogona erefia katufwa faru foci.
25Aia niamo mukei faru, iateia katufwa faru foci; ma aia sepurutshia faru mukei, ia aia kamke iotshi aia niamo.
26¶ Aia neitucage, hepe nei ta tavaka o Atua, hepe pe tatane tasi keipesia nohua ia takere;
27Aia komiro, ma masike tupo ma tiau, ta nohua konace ma kosomo aia puspusi tshana tomatua iateia.
28Ma magane o takere keiamo ane konace nokosomo iai, mokagi ta norau, nagimana ta nose, wamuri nei ta nohua korn ia aroto.
29Kaia taha nopoge ta nohua komatua, milowa aia toutshiace ia tomatshira, ma nohua komatua.
30¶ Aia neitucage, Hepe taha acitia koutucua tavaka o Atua? mo hepe taha fakatagasia acitia fakairo aia hepe?
31Aia hepe tasi nohua o mustart, i nopogera eipesia aia ia takere, aia kosisi ana, jimra sece nohua ia takere hepe aia;
32Kaia i taha nopoge eipesia aia, aia kanace kosomo iluga ane iotshi hepe aia, anora sore somo iai, ma amanu o tagarakou konofo iraro tshana murmaru.
33Ia fakatagasia nalupai hepe nei aia nifakairo iacre tafasao o Atua, hepe acre tomatua keirogona aia.
34Kaia ia fakatagasia ana aia nifakairo acre, ma pe acre ana neinofo, aia nifakairo nokano o ane iotshi ia niana tagata aia nifakairo.
35¶ Ia tira nopoge, fiafi nimai, aia neitucage iacre, Acitia kororo ia nofokagi.
36Iai acre nikownace tagatotshi nifetacina, acre niarafia aia hepe aia neinofo ia tuporuku, Faru foci tuporuku iai nikosua ia aia.
37Tumtagi sore nimasike iai, apiau nisopokage ia ta tuporuku, ma aia nifonu milowa.
38Aia nimoy iai ia nopito tavaka wamuri, nimero ia touruga; acre nifagona aia, neitucage iateia, Teriki akoi sumtacu mana acitia kokero?
39Aia nimasike neisacira tumtagi, neitucage ia tatai, Komero komerino. Tumtagi milowa nijimra, ma nimerino sore iai.
40Aia neitucage iacre, Tiaha acowa kumtacu sore? tiaha acowa sefakarogrogo avau?
41Acre nimtacu sore iai, acre neitucua iacre, Akai tatane nei, pe tumtagi ma tatai imna magane hepe aia koutucua?
Tans Gekies:
MARKUS, NOPUKU AFASAO SORE, 4.: ANT
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Bible Society of the South Pacific
Vind meer uit oor Niu Testamen