Luka 19
19
Jesu no Zakia
1Jesu kale ga ngina mwa Jeliko, mi kame ka ita. 2Momo mo ka li unkosi ka kwesi lwini u lubono gwezina lya Zakia, uju ka li mutentesi u mukulu. 3Kame ka shakite uku bona Jesu buti kalini, kono kakuli ka li mufuwi ta ka gola uku bona egulu lyo bantu a bangi. 4Cwale kale ga tiga ku li tangiza no ka lija ku cishamu co bukuju#19:4 Mu Cigelike no mu mabuka gamwinya mbuti ku ñolelwe izo cishamu co cikomola. buti a mu bone, ko ku ta buti Jesu mwa jejo inzila ka keza.
5Jesu aa keza ku sika afuwi no ao, kale ga ligama no ku mu ta buti, “Zakia, suka wangu. Shunu mwilapa lyako ndi botele u ka kala.” 6Aobulyo, kale ga suka no ku tambula Jesu bu jangele.
7A bantu bonse aa ba bona bulyao, kale ba tatika uku tongauka nabo, “A la ji no ka ba unyenda go muntu go bitendantu i bimangoju.”
8Kono Zakia kale ga zimana no ku ta u Mfumu nage, “Mfumu, ngo lole! Aano cwale se ndi la wa icika lyo bintu ndi munite ku bampale, mi ati se ndi omenena u muntu jumwinya a cintu cimwinya, kuti ndi mu life kone.” 9Jesu kale ga mu ta nage, “Shunu injojeso ji la kezi aano a mubanda, kakuli joju unkosi nage ndi mwana Abbulaama. 10Kakuli ime, nde Mwana Muntu, kame na nda keza ku shaka no ku jojesa ici ka ci jobete.”
Inguli jo baika be kumi
(Mat 25:14-30)
11Aa ka ba si tegeleze kwa byebyo kale ga nungako ko ku ba lugwila inguli, kakuli se ka li afuwi no munzi gwa Jelusalema mi a bantu ka ba gaja buti u mubuso gwa Nyambe se gwe ku bonaala wangu.
12Kale ga ta nage, “U mwana uju na ga bonenwa mu luasi lo cimfumu kale ga ja kwilonga lya kule buti na ka jobozigwe u bumfumu mi na ka bogole. 13Cwale kale ga kuga a baika bakwe be kumi no ku ba wa a masheleñi aga a botele uku gwana u muntu a myezi jo tatwe.#19:13 A mabuka gamwinya ga sa ta buti masheleñi ga kugigwa “minas.” Kale ga ta nage, ‘Musebelise gaga a masheleñi ku twala aa na ndi ka bogwele.’
14“Kono a bantu aba ka busa ka ba mu zimbite, mi kale ba tumako a bantu ku mu umpiliza no ka mu ta buti, ‘Ta tu shaki jojo unkosi uku ba mfumwetu.’
15“Nanganceciba, kale ga jobozwa u bumfumu, no ku bogola ku munzi. Mi kale ga kuga a baika aba na ga wa a masheleñi, buti a bone ibi na ba gwana a masheleñi.
16“Gwe tanzi kale ga keza no ku ta nage, ‘Mfumwangu, isheleñi lyako na lya gwana inkambikile jo masheleñi ge kumi.’ ”
17“Mfumwe kale ga taba nage, ‘Na gwa tenda nenja, gwe muika gwangu u mulotu! Kakuli na gwa sepaala mu bintu i binunu, u buse i minzi je kumi.’
18“Gwa bili kale ga keza no ku ta nage, ‘Mfumwangu, isheleñi lyako na lya gwana inkambikile jo masheleñi ga 5.’
19“Mfumwe kale ga taba nage, ‘Negwe u buse i minzi ja 5.’
20“Cwale u muika jumwinya kale ga keza no ku ta nage, ‘Mfumwangu, ili nde sheleñi lyako. Mbulyo na nda li bika kungi na li lele mu kaempela ko kasila. 21Ka ndi ku jogete, kakuli u li nkosi u mukababu. U la ku inda i bintu ibi ta na gwa tulamo no ku zimbula ibi ta na gwa byala.’
22“Mfumwe kale ga taba nage, ‘Kuti ndi ku atule ko majwi gako, gwe muika u mubi! Ko zekelele buti, ndi li nkosi u mukababu uju a inda i bintu ibi ta na nda tulamo, no ku zimbula ibi ta na nda byala indi mbuti? 23Cwale ncinzi aa ta na gwa litusisa a masheleñi gangu mumpisinisi, buti aa ndi ka bogola ka ndi gwanika a masheleñi no nkambikile jago?’
24“Cwale kale ga ta kwa ba ka ba zimeneo nage, ‘Mu mu tape lelyo isheleñi no ku li wa uju a kwesi a masheleñi ge kumi.’
25“Babo a baika, kale ba ta nabo, ‘Mfumwetu, sa li kwesi kale a masheleñi ge kumi!’
26“Kale ga taba nage, ‘Nda sa mi lugwila buti, ku muntu gense uju a kwesi, kuti na ku wegwe i bingi, kono ku muntu uju ta kwesi cimwinya, nanga ncintu ici a kwesi kuti na ci indigwe. 27Mi kwa babo a bantu aba ba ndi zimbite aba ta ka ba shaka buti ndi be u mfumu gwabo, mu ba lete kuno no ku ba yaga na ndi lolelele.’ ”
Jesu aa ngina mwa Jelusalema
(Mat 21:1-11; Male 11:1-11; Joa 12:12-19)
28Jesu aa sa la mani uku gamba bulyao, kale ga tangilila ku kambamina kwa Jelusalema. 29Aa se ka ba kokelele afuwi no minzi ja Bbetifage mane no Bbetaniya Elundu lya Olive, kale ga tuma bo bile ku bazigigwa bakwe, no ku ba ta nage, 30“Mu je mwa gogu u munzi ugu se mu kokelele, mi aa sa ka muka nginemo, kuti mu ka gwane a kambongolo-gana aka ka sungitwe momo, aka ka sini ku tendigwa impeleswa. Mu ka ka sungulule no ka ka leta ko kuno. 31Ati u muntu jumwinya na mi buza buti, ‘Ncinzi mu ka sungulwila?’ Mu te buti, ‘Nu Mfumu aka zunda.’ ”
32A ba na ba tumigwa kale ba ka ja no ka gwana ku ja ubu na ga ba tela. 33Aa ka ba kwesi uku sungulula a kambongolo, a beni bako kale ba ba buza nabo, “Ncinzi mu sungulwila a kambongolo?”
34Kale ba taba nabo, “Nu Mfumu aka zunda.”
35Kale ba ka leta kwa Jesu, no ku shonjela i bizwato byabo a kambongolo no ku mu tulao. 36Aa ka kaja bulyao, a bantu kale ba jala i bizwato byabo mu nzila.
37Aa senena afuwi no cibaka aa ka ji sezumukila inzila ku zwa Elundu lya Olive, u bungi bonse bo bazigigwa kale ba tatika uku lumba Nyambe bu jangele ko majwi a manene kebaka lyo mamakazo gonse aga na ba bona. 38Kale ba lumba nabo,
“Imfwijaguzi nja mfumu uju a keza
mwizina lyo Mfumu!”#Nimbo 118:26.
“Uku joja nenja mwigulu no mpazimo
mwigulu lya kwigulu!”
39A Bafalisi bamwinya mukati ko bantu a bangi kale ba ta Jesu nabo, “Muzigi, jukukila a bazigigwa bako!”
40Jesu kale ga taba nage, “Nda sa mi lugwila ati na ba ombelela, a mabwe kuti ga kumbagane.”
Jesu aa lilila u munzi gwa Jelusalema
41Jesu aa se ka kokelele Jelusalema kale ga gu bona no ku gu lilila, kale ga ta nage, 42“Nanga ndigwe, ka li no la zibi bulyo mwa le lino ijuba ici ka ci botele uku ku letela uku joja nenja, kono aano ci li bikitwe mu mensho gako. 43A majuba kuti na ga keze ako aba ba ku zimbite aa na ba jake u lubaga ku ku lwisa no ku ku zimbuluka no ku ku galila mu mbazu jonse. 44Kuti na ba ku sagile ansi, igwe no bano mukati ko mamota gako. Ta na ba leke ibwe li kambi egulu lya limwinya, kakuli ta na gwa nangula inako ja Nyambe jo keza ku ku jojesa.”
Jesu aa tanda a bagulisi mu tempele
(Mat 21:12-17; Male 11:15-19; Joa 2:13-22)
45Jesu aa ngina mu tumpetu to tempele kale ga tatika uku tandila kunze aba ka ba gulisa. 46Kale ga ba ta nage, “Ku li ñoletwe buti,
“ ‘Injugo jangu kuti na ji be injugo jo ntapelo.’#Isaya 56:7.
Kono inwe na mwa ji tenda ‘a malibiko go basa.’ #Jelemiya 7:11. ”
47Mwijuba-mwijuba Jesu ka ziga mu tempele. Kono a mapulisiti a bakulu no bazigi bo mulao mane no manduna mukati ko bantu ka ba jeleka uku mu yaga. 48Kono ta ka ba gwana u mutendelo go bu ka ba golela uku mu yagila, kakuli a bantu bonse nku majwi gakwe ka ba gunzilile.
Tans Gekies:
Luka 19: TOI
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
2026 The Seed Company
