Luka 20
20
Uku ka ji zwa inguzu ja Jesu
(Mat 21:23-27; Male 11:27-33)
1Ijuba limwinya, Jesu aa ka kwesi uku ziga a bantu mu tumpetu to tempele, na kwesi uku ba gambaguza byo majwi a malotu, a mapulisiti a bakulu no bazigi bo mulao, antu-onke no manduna, kale ba keza kwakwe. 2Kale ba ta nabo, “U tu lugwile uku ji zwa inguzu iji ji ku tendisa byebyo i bintu. Ndini na ga ku wa jeji inzuminino?”
3Jesu kale ga taba nage, “Neme kuti ndi mi buze ibuzi. Mu ndi lugwile, 4inkolobezo ja Joani nkwigulu ka ji zwa kampa nku bantu?”
5Kale ba li gambaguza mukati kabo no ku ta nabo, “Ati na tu ta buti ‘Nkwigulu ka ji zwa,’ kuti a buze buti, ‘Ncinzi aa ta na mwa mu zumina?’ 6Kono ati na tu ta buti, ‘Nku bantu ji zwa,’ a bantu bonse kuti ba tu sobagule no mabwe, kakuli ba li logwete buti Joani ka li muboni gwa Nyambe.”
7Cwale kale ba taba nabo, “Ta tu zekelele uku ka ji zwa.”
8Jesu kale ga ta nage, “Neme ta ndi mi lugwile inguzu ndi litusisa mu ku tenda byebi i bintu.”
Inguli jo balindi begwa
(Mat 21:33-46; Male 12:1-12)
9Jesu kale ga nungako ko ku gambaguza a bantu jeji inguli nage, “Unkosi sa byala igwa lya veine, no ku li wa a balimi bamwinya buti ba li linde. Mi na ka li jila u kungi a nako inde.
10“A nako jo ku zimbula, kale ga tuma u muika ku balindi buti ba ka mu we kwa bimwinya byo biyango bya mwigwa. Kono a balindi kale ba mu kaba no ku mu bogoza bulyo uku takuli ici a kwatilile mu maganja. 11Kale ga tuma u muika jumwinya, kono nage kale ba mu kaba no ku mu talula ko nshoni no ku mu bogoza bulyo uku takuli ici a kwatilile mu maganja. 12Kame kale ga tuma u muika gwa tatu, mi nage kale ba mu kubaza no ku mu shonjela kunze.
13“Cwale u mwini igwa lya veine kale ga ta nage, ‘Mbuti sa ka ndi tendele? Kuti na ndi tume mwanangu uju ndi shaka, bunga kuti na ba ka mu kutike.’
14“Kono a balindi aa ba mu bona, kale ba gambagula a jejo intaba kame nabo, ‘Uju ndo mujoboli, ndokweni tu mu yage buti tu jobole igwa.’ 15Cwale kale ba mu shonjela kunze jegwa no ka mu yaga.
“Cwale mbuti ka tendela u mwini gwa kwabo? 16Kuti na keze no ku yaga babo a balindi no ku wa igwa kwa bangi.”
A bantu aa ba shugwa bulyao, kale ba ta buti, “I bintu bya bulyaa na bi leke uku tendaala!”
17Jesu kale ga ba lolelela wawa no ku buza nage, “Ni ntoloko ja buti iji ji ñoletwe buti,
‘Ibwe na ba kana a bajaki,
ndebwe na lya ba lyo nsumpo.’#20:17 Ibwe ndya ku koza sinagwe ncishamu co ku sumpisa injugo. Kakuli a majugo getu no bishamu tu ga sumpisanga ta li mabwe.#Nimbo 118:22.?
18“Mi u muntu gense uju na gwile a lelyo ibwe, kuti na koshagulwe mu bituntula, mi u muntu gense uju na li gwile, kuti na sagigwe.”
19A bazigi bo mulao no mapulisiti a bakulu, kale ba shaka a kaito ko ku mu shumina wangu, kakuli na ba ziba buti na ga gamba jeji inguli iji ka ji ba lwisa. Kono ka ba jogete a bantu.
Byo ku tenteka kwa Sesale
(Mat 22:15-22; Male 12:13-17)
20Ko ku shaka inako indotu jo ku mu kwata, kale ba tuma a bajunji, aba ka ba li bonisa uku sepaala. Ka ba kwesi insepo jo ku kwata Jesu mu cintu cimwinya ici na ga gamba, buti ba mu tambike ku nguzu no bujendesi bo mubusisi. 21Cwale a bajunji kale ba mu buza nabo, “Muzigi, tu li zekelele wawa buti to kwesi u mushalo kakuli i bintu u kwesi uku gamba no ku ziga a bantu, bi li kele nenja, mi gwa sa ziga initi jo nzila ja Nyambe. 22Cwale ngo tu lugwile, tu li botele uku tentekanga a masheleñi go mutenteko kwa Sesale u mfumu go Maloma, kampa ta tu botele?”
23Jesu kale ga nangula u tucawa twabo no ku ba ta nage, 24“Nga mu ndi sunde isheleñi lyo buwaya-waya. I cifateo ne zina ibi bi li aa, mbyani?” Kale ba mu taba nabo, “Mbya Sesale.”
25Jesu kale ga ba ta nage, “Ee, mu we Sesale i bintu ibi bi botele Sesale, mi no kwa Nyambe i bintu ibi bi botele Nyambe.”
26Kale ba kangwa uku mu kwata mu bintu na ga gamba akati ko bantu. Mi ko ku komokwa ko ntabo jakwe, kale ba ombelela.
Jesu aa buzigwa a ntaba jo mbuko jo bafu
(Mat 22:23-33; Male 12:18-27)
27A Basaduki bamwinya, aba ba ta buti takuli imbuko jo bafu, kale ba keza kwa Jesu ne buzi. 28Kale ba ta nabo, “Mushe sa tu ñolela buti, ‘Ati unkosi na fwa, ku leka mukazi gwakwe uku ta kwesi a bana, mwancegwe gwa jojo u mufu, a li botele uku sesa jojo umfwilwa no ku letela u mufu a bana.’ 29Cwale nko ka ba li a bana ba 7 bo luasi lonke. Nkulu jabo kale ga sesa u mwanakazi, kono kale ga fwa uku ta kwesi u mwana. 30Uju a mu umpa kale ga sesa jojo umfwilwa 31mane no gwa tatu kale ga mu sesa, mi mu nzila jonke bonse ba 7 kale ba fwa, uku ta ba la gwaniko a bana. 32Ku mamaninino, u mwanakazi kale ga fwa nage. 33Cwale a mbuko jo bafu kuti na ka be mukazi gwani, kakuli ba 7 bonse se ba mu sesa?”
34Jesu kale ga taba nage, “A bantu ba le lino ilonga, ba la sesa no ku sesegwa. 35Kono a bantu na ba botelelwe uku gwana u lubazu mu bumi bu keza no mu mbuko jo ku zwa ku bafu ta na ba sese no ku wegwa mu maseswa. 36Mi ta ba si fwi, kakuli se mba ku koza a mañiloi. Mbana Nyambe kakuli se mbana bo mbuko. 37Kono mu ntaba jo civuna ka ci jakila u mulilo, nanga ndi Mushe na ga sunda buti a bafu ba sa buka, kakuli sa kuga u Mwini Bumi buti ndi ‘Nyambe gwa Abbulaama, no Nyambe gwa Isaka, no Nyambe gwa Jakobo.’#Lujendo 3:6. 38Nyambe ta li ndi Nyambe go bantu ba fwite, kono ngwa bantu ba joja, kakuli kwakwe bonse ba la joja.”
39Bamwinya bo bazigi bo mulao, kale ba taba nabo, “Muzigi u la gambi nenja!” 40Mi takuli u muntu na ga mu buza a mabuzi gamwinya ku nungako kame.
Kilesite ndi Mwanani?
(Mat 22:41-46; Male 12:35-37)
41Mi Jesu kale ga ba ta nage, “Ncinzi a ku tegwa buti u Mushaligwa gwa Nyambe ndi mwana Deviti? 42Kakuli Deviti ige wawa sa gamba mwibuka lyo Nimbo buti,
‘U Mfumu, sa ta kwa mfumwangu, nage,
u kale kwiganja lyangu lyo mulyo
43ku twala aa na ndi tende aba ba ku zimbite a malyatilo go matende gako.’#Nimbo 110:1.
44Deviti sa mu kuga u ‘Mfumu.’ Mbuti ka golela kame uku ba mwane?”
Jesu aa nanguza a bazigi bo mulao
(Mat 23:1-36; Male 12:38-40)
45A bantu bonse aa ka ba si tegeleze, Jesu kale ga ta a bazigigwa bakwe nage, 46“Mu nangule a bazigi bo mulao. Mba ku shaka uku jenda bu jabele i mikanjo i mile no ku shaka uku zuminizwa kekute mu bibaka byo magulikizo no ku kala mu bikalo byo butokwa lwini mu majugo go malapelelo go Majuda no mu bibaka bi kutekea mu mikiti. 47Na ba omenena a bamfwilwa mi ko ku li wa na ba lapela a matapelo a male. Baba a bankosi kuti na ba bangisigwe lwini wawa.”
Tans Gekies:
Luka 20: TOI
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
2026 The Seed Company
