2 PETRUS 3:11-12
2 PETRUS 3:11-12 Bybel vir almal (ABA)
God sal al hierdie dinge so laat verdwyn, daarom moet julle ook julle hele lewe aan God wy en daarom moet julle Hom dien. Julle moet wag vir die dag van God, julle moet wens dat die dag gou sal kom. Op daardie dag sal die hemel en die sterre verbrand en smelt en verdwyn.
2 PETRUS 3:11-12 Afrikaans 1933/1953 (AFR53)
Terwyl al hierdie dinge dan vergaan, hoedanig moet julle nie wees in heilige wandel en godsvrug nie? — julle wat die koms van die dag van God verwag en verhaas, waardeur die hemele deur vuur sal vergaan en die elemente sal brand en versmelt.
2 PETRUS 3:11-12 Afrikaans 1983 (AFR83)
Aangesien al hierdie dinge so aan hulle einde gaan kom, moet julle des te meer vroom en aan God toegewy lewe. Leef in verwagting dat die dag van God kom en beywer julle daarvoor, die dag waarop die hemel in vlamme sal vergaan en die hemelliggame sal brand en wegsmelt.
2 PETRUS 3:11-12 Die Bybel 2020-vertaling (AFR20)
As al hierdie dinge so sal vergaan, watter besondere mense moet julle dan nie wees nie – mense wat 'n heilige lewe lei en godvresend leef, wat na die aanbreek van die dag van God uitsien, en dit probeer bespoedig. Dit is die dag waarop die hemele, deurdat dit verbrand word, sal vergaan, en die elemente sal uitbrand en wegsmelt.
2 PETRUS 3:11-12 Contemporary Afrikaans Bible 2023 (CAB23)
Terwyl al hierdie dinge dan vergaan, watter soort mense behoort julle te wees in alle heilige wandel en godsaligheid, Op soek na en haas na die koms van die dag van God, waarin die hemele wat aan die brand is, sal vergaan en die elemente sal smelt in vurige hitte?
2 PETRUS 3:11-12 Die Boodskap (DB)
Julle weet dat al die dinge waarvan ek praat enige oomblik kan plaasvind. Daarom moet julle al hoe meer doen wat God vra. Gryp elke kans aan! Wys dat julle net aan Hom behoort. Sien uit na die dag waarop die Here terugkom. Leef so dat God die datum van sy terugkeer sal vervroeg. Leef daardie groot dag nader! Op daardie dag sal die hemelruim in vlamme verbrand en al die sterre en planete in ’n oomblik wegsmelt.
2 PETRUS 3:11-12 Nuwe Lewende Vertaling (NLV)
Aangesien alles om ons só gaan wegbrand, moet julle leefstyl soveel meer aan God toegewy wees en moet julle naby aan Hom lewe! Sien uit na die Dag van God en maak dat dit nog gouer kom, die dag waarop die Here die hemele aan die brand sal steek en die hemelliggame in vlamme sal wegsmelt.