DEUTERONOMIUM 31:7
DEUTERONOMIUM 31:7 Bybel vir almal (ABA)
Moses het vir Josua geroep en hy het voor al die Israeliete vir Josua gesê: “Jy moet sterk en dapper wees, want dit is jý wat saam met hierdie volk moet gaan na die land wat die Here belowe het om vir hulle voorvaders te gee, jý moet vir hulle die land gee, dit sal hulle land wees.
DEUTERONOMIUM 31:7 Afrikaans 1983 (AFR83)
Toe het Moses vir Josua geroep en vir hom gesê waar die hele Israel dit kon hoor: “Wees sterk, wees dapper! Jy gaan saam met hierdie volk in die land in wat die Here met 'n eed aan hulle voorvaders beloof het om aan hulle te gee. Jy moet hulle dit in besit laat neem.
DEUTERONOMIUM 31:7 Afrikaans 1933/1953 (AFR53)
Toe het Moses Josua geroep en aan hom voor die oë van die hele Israel gesê: Wees sterk en vol moed, want jý sal met hierdie volk in die land ingaan wat die HERE aan hulle vaders met 'n eed beloof het om aan hulle te gee; en jý sal hulle dit laat erwe.
DEUTERONOMIUM 31:7 Die Bybel 2020-vertaling (AFR20)
Toe roep Moses vir Josua nader en sê vir hom ten aanhore van die hele Israel: “Wees dapper en sterk, want dit is jy wat saam met hierdie volk na die land moet gaan wat die HERE aan hulle voorvaders met 'n eed beloof het om aan hulle te gee. Jy sal hulle dit laat erf.
DEUTERONOMIUM 31:7 Contemporary Afrikaans Bible 2023 (CAB23)
Toe roep Moses Josua en sê vir hom voor die oë van die hele Israel: Wees sterk en vol moed, want jy moet saam met hierdie volk gaan na die land wat die HERE aan hulle vaders met 'n eed beloof het om aan hulle te gee; en jy moet hulle dit laat beërwe.
DEUTERONOMIUM 31:7 Die Boodskap (DB)
Toe het Moses vir Josua geroep. Hy het toe kliphard vir hom gesê: “Wees sterk! Wees dapper en vol geloofsvertroue! Jy moet hierdie volk die land inlei wat die Here belowe het om vir hulle te gee. Hy het dit reeds vir hulle oupagrootjies belowe. Jy moet hierdie volk lei sodat hulle die nasies in hierdie land kan verslaan. Jy moet hierdie land vir Israel gaan gee.
DEUTERONOMIUM 31:7 Nuwe Lewende Vertaling (NLV)
Toe het Moses vir Josua geroep. In die teenwoordigheid van die hele Israel het hy vir Josua gesê: “Wees sterk en hou moed! Jy sal hierdie volk die land inlei, die land wat die HERE aan hulle voorouers beloof het. Jy sal die land as hulle erfdeel aan hulle gee.