GENESIS 35:11-12
GENESIS 35:11-12 Afrikaans 1933/1953 (AFR53)
Verder sê God vir hom: Ek is God, die Almagtige. Wees vrugbaar en vermeerder. 'n Nasie, ja, 'n menigte van nasies, sal van jou afstam, en konings sal uit jou lendene voortkom. En die land wat Ek aan Abraham en Isak gegee het, sal Ek aan jou gee; en aan jou nageslag ná jou sal Ek die land gee.
GENESIS 35:11-12 Afrikaans 1983 (AFR83)
God het verder vir hom gesê: “Ek is God die Almagtige. Wees vrugbaar en word 'n groot nasie. Baie nasies sal van jou afstam. Jy sal die voorvader wees van konings. Hierdie land wat Ek aan Abraham en aan Isak gegee het, sal Ek aan jou gee en ná jou gee Ek dit aan jou nageslag.”
GENESIS 35:11-12 Nuwe Lewende Vertaling (NLV)
God het verder gesê: “Ek is God die Almagtige. Wees vrugbaar en word ’n groot nasie. Baie nasies sal uit jou voortkom. Daar sal selfs konings onder hulle wees. Hierdie land wat Ek vir Abraham en Isak gegee het, gee Ek ook vir jou en jou nageslag.”
GENESIS 35:11-12 Bybel vir almal (ABA)
God het ook vir hom gesê: “Ek is God die Almagtige. Jy moet vrugbaar wees en 'n groot nageslag hê. 'n Volk, ja, baie volke, sal uit jou kom. Jy sal die voorvader van konings wees. Ek gee ook hierdie land vir jou. Dit is die land wat Ek vir Abraham en vir Isak belowe het. Ek gee dit vir jou en vir jou nageslag ná jou.”
GENESIS 35:11-12 Die Bybel 2020-vertaling (AFR20)
Verder het God vir hom gesê: “Ek is God, die Almagtige. Wees vrugbaar en vermeerder. 'n Nasie, 'n skare van nasies, sal van jou afstam; selfs konings sal uit jou liggaam voortkom. Die land wat Ek aan Abraham en aan Isak gegee het, aan jou gee Ek dit; aan jou nageslag ná jou gee Ek die land.”
GENESIS 35:11-12 Contemporary Afrikaans Bible 2023 (CAB23)
God sê vir hom: Ek is God, die Almagtige; wees vrugbaar en vermeerder; 'n nasie en 'n m enigte van nasies sal uit jou wees, en konings sal uit jou lendene voortkom; En die land wat Ek aan Abraham en Isak gegee het, aan jou sal Ek dit gee, en aan jou nageslag ná jou sal Ek die land gee.
GENESIS 35:11-12 Die Boodskap (DB)
God het verder gesê: “Ek is die God wat sterk is. Jou kinders moet vrugbaar wees en baie kinders hê. ’n Nasie, nee, sommer ’n klomp nasies, sal uit jou en jou kinders groei. Belangrike konings sal nog uit jou en jou nageslag kom. Hierdie land wat Ek lank gelede aan Abraham en Isak beloof het, gee Ek nou aan jou en jou kinders. Jou nageslag sal nog in hierdie land woon.”