JEREMIA 11:8
JEREMIA 11:8 Contemporary Afrikaans Bible 2023 (CAB23)
Maar hulle het nie geluister en nie hul oor geneig nie, maar elkeen gewandel in die verbeelding van hul bose hart; daarom sal Ek oor hulle bring al die woorde van hierdie verbond wat Ek hulle beveel het om te doen; maar hulle het dit nie gedoen nie.
JEREMIA 11:8 Die Boodskap (DB)
Maar julle voorouers het hulle nie daaraan gesteur nie. Hulle wou nie eens na my waarskuwing luister nie. Elkeen het eenvoudig sy eie kop gevolg en dinge gedoen wat verkeerd was. Die ooreenkoms tussen My en hulle was dat hulle gestraf sou word as hulle ongehoorsaam is. Daarom, omdat hulle nie my opdragte gehoorsaam het nie, sal Ek hierdie oordele oor hulle bring.”
JEREMIA 11:8 Bybel vir almal (ABA)
Maar julle was nie gehoorsaam nie, julle het nie geluister nie. Julle was hardkoppig en het aangehou lewe soos julle slegte harte vir julle gesê het. Daarom het Ek met julle laat gebeur wat Ek gesê het toe Ek die verbond gemaak het met julle voorvaders. Julle het nie gedoen wat Ek gesê het julle moet doen nie.”
JEREMIA 11:8 Afrikaans 1933/1953 (AFR53)
Nogtans het hulle nie geluister en geen gehoor gegee nie, maar hulle het gewandel elkeen in die verharding van sy bose hart. Daarom het Ek oor hulle gebring al die woorde van hierdie verbond wat Ek beveel het om te doen, maar wat hulle nie gedoen het nie.
JEREMIA 11:8 Afrikaans 1983 (AFR83)
Maar hulle het nie geluister nie, nie daarop ag geslaan nie; elkeen het koppig bly volhard in sy sonde. Daarom het Ek al die strawwe wat bepaal is in hierdie verbond, oor hulle gebring, die verbond wat Ek hulle beveel het om na te kom, maar wat hulle nie nagekom het nie.
JEREMIA 11:8 Die Bybel 2020-vertaling (AFR20)
Maar hulle het nie geluister nie, en nie hulle ore oopgemaak nie. Elkeen van hulle het die verstoktheid van sy bose hart bly volg. Toe het Ek al die vervloekings van hierdie verbond wat Ek hulle beveel het om uit te voer, maar wat hulle nie uitgevoer het nie, oor hulle gebring.’ ”
JEREMIA 11:8 Nuwe Lewende Vertaling (NLV)
Maar julle voorouers het hulle nie daaraan gesteur nie. Hulle wou nie eers luister nie. Elkeen het eenvoudig sy eie kop gevolg en verkeerde dinge gedoen. Hulle wou nie doen wat Ek hulle beveel het om te doen nie. Omdat hulle ongehoorsaam was, het Ek die strawwe wat in die verbond opgeteken is, oor hulle gebring.’”