NEHEMIA 10:39
NEHEMIA 10:39 Afrikaans 1983 (AFR83)
“Die Israeliete en die Leviete sal die offergawes van koring, wyn en olie na die opslagplekke toe bring. Daar word die gereedskap vir die heiligdom gebêre, en daar is die diensdoende priesters, die poortwagte en die sangers. “Ons sal die huis van ons God nie verwaarloos nie.”
NEHEMIA 10:39 Die Bybel 2020-vertaling (AFR20)
Ja, na daardie vertrekke sal die Israeliete en die nageslag van Levi die wydingsgeskenke van koring, nuwe wyn en olie neem. Die gereedskap van die heiligdom is daar, en ook die priesters wat diens doen, die poortwagte en die sangers. Ons sal nie die huis van ons God verwaarloos nie.”
NEHEMIA 10:39 Bybel vir almal (ABA)
“Ja, die Israeliete en die Leviete sal presente na die stoorkamers bring. Die presente is koring, wyn en olyf-olie. Die priesters bêre die gereedskap vir die tempel daar, want hulle werk daar en die poortwagte en die mense wat moet sing, is ook daar. “Ons sal alles doen wat nodig is vir die tempel van ons God.”
NEHEMIA 10:39 Afrikaans 1933/1953 (AFR53)
Want in die kamers moet die kinders van Israel en die kinders van Levi die offergawe van koring, mos en olie bring, omdat die gereedskappe van die heiligdom en die diensdoende priesters en die poortwagters en die sangers daar is; want ons wou die huis van onse God nie laat verwaarloos nie.
NEHEMIA 10:39 Contemporary Afrikaans Bible 2023 (CAB23)
Want die kinders van Israel en die kinders van Levi moet die offer van die koring, van die mos en die olie na die kamers bring, waar die voorwerpe van die heiligdom en die priesters wat dien, en die poortwagters, en die sangers, en ons sal die huis van onse God nie verlaat nie.
NEHEMIA 10:39 Die Boodskap (DB)
“Die Israeliete en die Leviete moet die offers van graan, wyn en olie na die tempel se voorraadkamers toe bring. Dit is daar waar die gereedskap gebêre word wat in die tempel gebruik word, en waar die priesters bly wat diens doen, asook die tempelwagte en die lede van die tempelkoor. “Ons belowe om nie God se woonplek in Jerusalem af te skeep nie.”
NEHEMIA 10:39 Nuwe Lewende Vertaling (NLV)
Die mense van Israel en die Leviete moet al hierdie graanoffers, die nuwe wyn en die olyfolie na die stoorkamers by die tempel bring. Dit is waar hulle die tempelgereedskap bêre, en waar die priesters wat diens doen asook die tempelwagte en sangers bly. “Ons sal die tempel van ons God nie verwaarloos nie.”