PSALMS 30:10-11

Deel

PSALMS 30:10-11 Bybel vir almal (ABA)

Wat sal U kan wen as ek sterf, as ek afgaan na die doderyk? Mense wat dood is, kan nie vir U prys nie, hulle kan nie vertel dat U altyd doen wat U belowe het nie. Here, U moet luister, U moet genadig wees vir my, Here, dit is U wat vir my moet help.

PSALMS 30:10-11 Afrikaans 1933/1953 (AFR53)

Watter voordeel is daar in my bloed as ek neerdaal in die kuil? Sal die stof U loof? Sal dit u trou verkondig? Hoor, HERE, en wees my genadig! HERE, wees my 'n helper!

PSALMS 30:10-11 Afrikaans 1983 (AFR83)

“Watter voordeel is daar in my ondergang as ek die graf moet ingaan? Kan stof U loof? Kan dit u trou verkondig? Luister, Here, en wees my genadig! Help my, Here!”

PSALMS 30:10-11 Die Bybel 2020-vertaling (AFR20)

Watter nut het dit as my bloed gestort word, as ek na die grafkuil afgaan? Sal stof U prys? Sal dit u trou verkondig? Luister, HERE, en wees my genadig! HERE, wees vir my 'n helper!

PSALMS 30:10-11 Contemporary Afrikaans Bible 2023 (CAB23)

Hoor, HERE, en wees my genadig: HERE, wees my helper. U het my rou vir my in 'n dans verander; U het my roukleed uitgetrek en my met blydskap omgord

PSALMS 30:10-11 Die Boodskap (DB)

Ek het vir U gesê: “Wat help dit U as ek doodgaan? Kan iemand wat dood is, U prys? ’n Dooie kan tog nie vertel hoe goed U is nie. Help my, Here. Maak u hart vir my groot oop. Wees weer goed vir my.”

PSALMS 30:10-11 Nuwe Lewende Vertaling (NLV)

“Wat sal dit U baat as ek sterf, as ek wegsak in die graf? Kan my stof U loof in die doderyk? Kan my stof u trou daar verkondig? Luister, HERE, en wees my genadig. Help my tog, HERE!”