Wees DapperVoorbeeld

Lees: 1 Petrus 2:9, Efesiërs 2:10

SOAP: Efesiërs 2:10 

Het jy al ooit aan God gedink as ‘n kunstenaar? Wanneer ek 'n sonsopkoms sien, die lewendige oranjes, pienke en goud wat die lug stadig verlig, dink ek aan God as ‘n kunstenaar. Wanneer ek in die herfs die blare op die bome sien kleur verander reg voor my oë, die landskap 'n pragtige palet van rooi, oranje en geel, dink ek aan God as ‘n kunstenaar.

God is 'n kunstenaar. Die grootste kunstenaar en skepper van alle tye. Maar vriendin, God se kunswerk is nie net in die natuur nie. Jy is God se meesterstuk. En God se kunswerk is nie net vir vertoning nie. Soos 'n kunstenaar sy kunswerk beplan, mediums en doeke en kleure uitkies, het God 'n doel met ons lewens gehad lank voordat ons geskep is. Sy doel? Om die goeie dinge wat Hy vir ons beplan het, te doen. Ons is geskep om die doel wat God vir ons gehad het van die begin af, te vervul. Jy is 'n meesterstuk van God en daar is 'n spesiale opdrag vir jou lewe - jou roeping. Neem vandag tyd om te dink oor wat dit beteken om God se meesterstuk te wees, en waarvoor God jou geroep het. Wat is die "goeie dinge" wat Hy vir jou beplan het? Wanneer jy dink aan jou lewe as ‘n kunswerk, kan jy sien hoe alles daarin deur God met ‘n doel geskep is. Jy kan dapper wees in jou roeping, terwyl jy op God, die grootste kunstenaar ooit, se werk vertrou,

Jesus, ek staan in ontsag oor u kunswerke en hoe U my u meesterstuk noem. Vader, help my asseblief om U te vereer deur dapper te wees in my roeping om die goeie werke te doen wat U vir my beplan het. Amen.