Wees DapperVoorbeeld

Lees: Eksodus 20:1-3, Jesaja 44:6-20

SOAP: Eksodus 20:1-3  

As ons nou saam oor ‘n koppie koffie sou gesels en jy vra my of ek ander afgode in my lewe het, sou ek heel waarskynlik na jou kyk asof jy drie koppe het. Ek sou geskok, verward en eerlikwaar, soort van in die gesig gevat gevoel het. Maar die harde waarheid is dat daar waarskynlik ander "gode" of afgode is wat verbloem is in ons lewens. Enigeen of enigiets wat God se plek in ons lewens inneem, is 'n afgod. As dit ‘n groter deel van my hart besit as wat God besit, is dit 'n afgod in my lewe. Afgode kan 'n wesenlike item, 'n geloof, 'n gewoonte, 'n werk- of loopbaandoel, of 'n persoon wees. Enigiets waarna ek hunker voordat ek na God toe gaan wanneer ek behoefte het aan troos, liefde, sekuriteit, rus, vreugde, beskerming of waarde, is 'n afgod in my lewe. Met daardie besef staan ek skuldig aan ander gode in my lewe. Dit is vir my 'n openbaring. En, vriendin, dis 'n goeie, harde waarheid, omdat God groter is as enige valse afgod, beter as enige ander god, meer as wat enigiets anders ooit in ons lewens kan wees. Daar is geen God soos ons God nie. Hy vervul elke behoefte van ons en het ons lief op maniere waarop ons nie eers kan begryp ​​nie. En God roep ons om Hom alleen lief te hê en te aanbid. Om dit te kan doen, moet ons dapper wees om afgode te vernietig.

Here, dankie dat U my u kind noem. Dankie dat U my God is. Oortuig my van afgode in my lewe. Vader, help my om die ander gode in my lewe te herken, en gee my die moed om hulle te verslaan. Slegs U is waardig om alle eer en lof te ontvang. In Jesus se naam, Amen.