Wees DapperVoorbeeld

Lees: Matteus 28:19-20, Romeine 10:14-15

SOAP: Matteus 28:19-20  

Dit, vriendin, is die Groot Opdrag. Dit is ons opdrag. Ons word geroep om God bekend te stel aan die wêreld en ons word toegerus om dit te doen deur die hulp van die Heilige Gees. Die Groot Opdrag is 'n groot verantwoordelikheid. En dit sou maklik wees om te dink. "O, hierdie opdrag is vir iemand anders, nie vir my nie," omdat ons nie noodwendig predikers of onderwyseresse is nie. Maar die Groot Opdrag is vir elkeen van ons. God het geweet dat ons geskik is vir die taak en Hy verseker ons in vers 20 dat Hy nou en vir altyd by ons is. Hy plaas mense in ons lewens wat Hom nodig het, en Hy gebruik ons ​​om dissipels te maak. Dit is ons gesamentlike missie. Ons sendingveld is ons huise, woonbuurte, werkplekke, sosiale media, die take wat ons moet doen  en nog vele meer. Die manier waarop ons dit doen, is deur ander lief te hê soos Jesus hulle liefhet en deur Hom te verheerlik in alles wat ons sê en doen. Ons kan die Groot Opdrag dapper aanvaar. Ons kan dapper wees om ander te bereik, omdat God altyd by ons is.

Vader, dankie dat U my vertrou met hierdie opdrag. Here, wanneer ek nie toegerus of goed genoeg voel nie, herinner my daaraan dat U altyd by my is. Dankie Here, dat U my bemagtig om u Naam te verkondig in my onmiddelike sendingveld. Gee my asseblief die moed om ander vir u koninkryk te bereik. Amen.