Wees DapperVoorbeeld

Lees: 1 Petrus 1: 14-19

SOAP: 1 Petrus 1:15-16  

Heiligheid is vir my moeilik om te begryp. Dit lyk onbereikbaar, verhewe en suiwer. Een keer het ek 'n onderwyser hoor sê dat die woord 'heilig' beteken om afgesonder te wees. Dit kan ek verstaan. Stel jouself voor 'n mynwerker wat vir goud myn. Hy sif deur grond en gruis, en gebruik spesiale gereedskap om deeltjies goud te ontbloot en te skei. Die goud word geskei van die vuiligheid, omdat dit waardevol is. Om eenkant gesit of afgesonder te wees, is iets wat ek absoluut kan nastreef. As kinders van God word ons geroep om heilig te wees, afgesonder van die wêreld, geskei van sonde in alles wat ons doen. Ons is waardevol vir God en daarom roep Hy ons tot heiligheid. Laat ons dus nie bang wees vir heiligheid nie, laat ons die woord nie verwar met iets wat onbereikbaar of arrogant is nie. Kom ons wees dapper in ons strewe na heiligheid, omdat ons deur God gekies en afgesonder is vir sy doel.

Vader, dankie vir die roeping om heilig te lewe. Ek bid dat die Heilige Gees sal aanhou om my geloof en karakter te vervolmaak, sodat ek meer soos Jesus kan word. Dankie Here, dat U my eenkant gesit het. Versterk my asseblief terwyl ek na heiligmaking streef in u naam, Amen.