Wees DapperVoorbeeld

Lees: Galasiërs 6:9, Efesiërs 2:10, Psalms 34:9

SOAP: Psalms 34:9  

Vrees en moedeloosheid is vennote. Hulle werk saam en laat ons vergeet dat God by ons is, en probeer om ons te oortuig dat ons swak en alleen is. Maar, vrou van God, jy hoef nie 'n slagoffer van vrees en moedeloosheid te wees nie, want jy het iets kragtiger: Waarheid. En die waarheid is dat God by jou is. Die belofte is: Hy is jou God. Wanneer jy swak is, sal Hy jou krag wees. Wanneer jy hulp nodig het, is Hy daar. In God se hande is jy 'n oorwinnaar, nie 'n slagoffer nie. Ons kan dapper wees wanneer ons ons vrese in die gesig staar, omdat God aan ons kant is. Ons kan standvastig wees in ons geloof en moed in Christus wanneer vrees en ontmoediging op ons pad kom. Vrees vlug in die aangesig van getrouheid, en moedeloosheid verdwyn wanneer ons verklaar dat God by ons is. Draai en kyk na jou vrese, suster. God is by jou en jy word vasgehou.

Hemelse Vader, dankie dat U my help om my vrese dapper in die gesig te staar. Dankie dat U by my is, my versterk en my help. Hou my in die palm van u magtige, oorwinnende hand. In Jesus se naam, Amen.