Laai die Bybeltoep afOp arendsvlerkeVoorbeeld
“Beskerming”
Die Here word dikwels in die Ou Testament as ’n skuilplek of rotsvesting voorgestel. Met dié woorde word gedink aan ’n veilige plek waar niks en niemand my kan skade berokken nie.
Maar hoe werk dit, hoe skuil ’n mens by die Here? Dit is ’n geloofsdaad. Dit beteken om jou moeilike omstandighede in die Here se hande te laat en volkome op Hom te vertrou. En dan bewys jy jou vertroue deur te jubel en te juig. Ja, jy is bly omdat jy weet die Here sal voorsien. Sy goedheid sal jou soos ’n skild beskerm. Want die Here beskerm dié wat sy Naam liefhet en oor Hom juig.
God sal self met die vyand afreken ... maar laat almal wat by U skuil bly wees! Kom ons jubel oor God se goedheid.
Aangaande hierdie leesplan
Dikwels word ons onverhoeds deur moeilike omstandighede in ’n hoek gedryf. Maar as daar een ding is wat ’n man moet onthou, is dit dít: Wanneer jy kragteloos voel omdat moeilike omstandighede jou kragte getap het, gee die Here weer nuwe veerkrag aan jou lewe. Vind nuwe krag en sterkte in God se beskerming saam met Johan Smit met hierdie 4-dag-plan, saamgestel uit sy bundel OP ARENDSVLERKE.
More
Hierdie oordenkings is geneem uit OP ARENDSVLERKE deur Johan Smit © Christelike Uitgewersmaatskappy www.cumbooks.co.za/
