'n Bybelse Benadering Tot die Opvoeding van Jou AtleetVoorbeeld

Het jy gesê Chirurgie? (Verpletterde Drome)

OP JOU MERKE:

“Ons weet dat God alles ten goede laat meewerk vir dié wat Hom liefhet, dié wat volgens sy besluit geroep is” (Romeine 8:28).

GEREED: God verander terugslae in geleenthede.

Jy moet verwag dat jou atleetkind beserings sal opdoen. Dit gaan gebeur. Ons het vier atletiese kinders gehad en moes verskeie beserings trotseer, insluitend voortande wat uitgeslaan is, veelvuldige harsingskuddings, 'n gebreekte voet, 'n ontwrigte vinger en duim, twee skoueroperasies, twee knieoperasies, 'n gebreekte neus ... jy kry die idee. Hoe jý jou kind se beserings hanteer, sal die toon aangee vir hoe jou kind hul beserings hanteer. Sportbeserings veroorsaak soms verpletterde drome, en die hantering van gebroke drome is 'n belangrike kwessie. Om jou kind te help om gebroke drome te hanteer, behoort 'n ouer se prioriteit te wees.

My dogter het haar anterior kruisligament geskeur die dag toe sy uitgevind het dat sy die universiteit se basketbalspan gehaal het as 'n hoërskool eerstejaar. Haar graad 9-jaar sou die moeilikste van haar lewe wees. Ons het geen handleiding gehad van hoe om as ouers 'n 15-jarige atleet te hanteer deur 'n jaar van geen sport, knie chirurgie en rehabilitasie nie — wat verstandelike, fisieke en geestelike uitdagings ingesluit het.

Na die operasie het ek my daartoe verbind om haar rehabilitasie instrukteur te wees — om haar na verskeie fisioterapie sessies te neem. Sodra ons die fisio verlaat het, het ons ná skool na 'n gimnasium gegaan, waar ek haar gehelp het met pynlike oefeninge wat ek by haar fisioterapeut geleer het. Gedurende daardie tyd het ons 'n sterk band ontwikkel. Ons het mekaar op ons slegste gesien, sy was benoud en ek het haar daardeur gedruk, maar ek het ook my dogter op haar beste gesien: vasberade, sterk en volhardend. Die eienskappe wat sy gedurende daardie jaar ontwikkel het, is die eienskappe wat sy tot vandag toe demonstreer daar waar sy op die sendingveld in Noord-Afrika dien. God het 'n aaklige situasie geneem en dit gebruik om haar voor te berei vir nog meer uitdagende omstandighede wat sy later sou teëkom.

Daardie besering het haar daarvan weerhou om die basketbal speler te word wat sy gedroom het om te wees, maar dit het bygedra tot haar veerkragtigheid wat haar vandag in haar koninkrykswerk tot voordeel strek. My dogter se basketbal drome is vervang met 'n groter droom om God op die sendingveld te dien. Omvergewerpte drome eis 'n tol van tieners en ook van hul ouers, maar die moeilike pad is nie altyd sleg nie.

Sal jy nou bid en God vra om jou te help om jou atleetkind te help om sy of haar terugslae in geleenthede te omskep?

OEFENING: Bybelbespreking

Josua 1:9

Jesaja 41:10

Jeremia 29:11

2 Korintiërs 4:16-18

GAAN

1. Wat is opvallend omtrent God se persoonlikheid in hierdie verse? Hoe bring God se karakter vir jou vertroosting/vrede? (Wees spesifiek en gebruik 'n huidige situasie in jou lewe.)

2. Wat is die vernaamste waarheid wat in Romeine 8:28 uitgedruk word? Hoe kan hierdie waarheid jou help om jou kind deur 'n terugslag te help, soos 'n sportbesering?

3. Wat is een belangrike les uit die Skrifgedeeltes wat jy in jou eie lewe kan toepas?

OORTYD: Oefensessie

1. Praat met jou kind oor verpletterde drome. Deel iets uit jou eie lewe, toe jy moes herstel van die verlies van een van jou drome.