Laai die Bybeltoep af’n Lewenspad vol vreugdeVoorbeeld
Lewensplan
Om deur die lewe te reis is ingewikkeld. Of dalk nie? Wat as ons eenvoudig, uit gewoonte, tot God sou bid om aan ons sy begeertes te gee, elke dag, en om Hom dan te vertrou om die volgende tree aan ons te wys?
Die psalmdigter sê God vind vreugde in die klein besonderhede van ons lewe. Hy rig elke tree wat ons gee. Vra Hom om jou hartsbegeertes met sy begeertes vir jou te vervang – en gaan leef dan in oplettendheid. Waaroor is jy passievol, en waarmee is jy goed? Watter idees verdwyn nie? Hoe strek jy jou uit om te ontvang wat Christus vir jou in bewaring hou omdat jy reeds Syne is (Fil. 3:12)?
Wat is die volgende tree wat ek moet gee, Here? Amen.
Aangaande hierdie leesplan
Voel jy soms asof jy skaars van dag tot dag oorleef? Nou is die tyd om nie net te probeer oorleef nie, maar om elke dag te floreer! Hierdie sewe vreugdevolle mini-oordenkings deur Dalene Reyburn sal jou help om daagliks te fokus op God se teenwoordigheid en die vreugde wat jy in Hom kan vind.
More
Ons wil graag Christian Art Publishers bedank vir die verskaffing van hierdie plan. Vir meer inligting, besoek asseblief: https://www.cumbooks.co.za/
