Laai die Bybeltoep af’n Rede om fees te vierVoorbeeld
Hemelse Kersinkopies
Kersfees sluip nader, Kersinkopie-advertensies is die wêreld vol en Kersliedere in die inkopiesentrums word spesiaal gespeel om ons sentimentele kant aan te moedig om méér te koop. In die miernes van bedrywighede het jy dalk skaars kans om nog by jou geestelike roetine uit te kom. Dis waarom jou hart al hoe leër word terwyl die winkeltrollies al hoe voller word.
Miskien moet jy jou afvra hoeveel van die wêreldse inkopies regtig gedoen moet word en wat eerder gelos kan word sodat jy meer energie en tyd kan bestee aan dié dinge wat jou en ander se harte vol maak. Besluit om hierdie Kersfees ander se hart-kerskouse met iets ánders te vul. Iets soos ’n opregte dankie-sê-en-waarderingsbrief, ’n kaartjie met bemoedigende woorde of ’n God-het-jou-lief-omdat … -lysie. Of wat van die uitdeel van ’n paar Bybels? Só plaas jy ewigheidsgeskenke onder ander se Kersbome.
Besluit om vanjaar ander én jou eie hart met ewigheidsgeskenke te vul. Dit gaan heerlik wees vir almal.
Wys my, Here, watter permanente geskenke ek vanjaar kan uitdeel.
Skrif
Aangaande hierdie leesplan
Neem vanjaar die besluit om rustig te raak en nie in die dolle gejaag van die Kerstyd vasgevang te raak nie. Besluit om die Jesus van die krip weer te ontmoet en toe te laat dat Hy – die groot God – sy hand om joune sluit. Hoor die deernis in sy stem wanneer Hy sê: "Ek het vir jóú na hierdie wêreld gekom sodat jý nooit verlore sal gaan nie."
More
Ons wil graag Christian Art Publishers bedank vir die verskaffing van hierdie plan. Vir meer inligting, besoek asseblief: https://www.cumbooks.co.za/
