Laai die Bybeltoep af’n Rede om fees te vierVoorbeeld
Viér Kersfees!
Dis feestyd! ’n Tyd om – ongeag al die onrus in die wêreld – vrede in ons harte te hê. ’n Dag om – ten spyte van al ons onopgeloste probleme – vertroue in die toekoms te hê. Vandag is ’n dag om van vreugde te sing. Want, kind van God, jou Verlosser het meer as 2 000 jaar gelede na hierdie aarde gekom om jou vry te koop … om jóú te verlos!
Mag Kersdag vanjaar vir jou ánders wees omdat jy die waarheid van die evangelie werklik jou eie maak; omdat jy opnuut besef dat jy soveel rede het om fees te vier en omdat jy weet dat jy – danksy jou Redder – vir ewig in heerlikheid gaan lééf.
Sing vandag saam met die engele in die hemel: “Eer aan God. Eer aan Hom wat in die hoogste hemel bly. En vrede vir almal hier op die aarde; vrede vir almal oor wie God nou feesvier” (Lukas 2:14).
Halleluja! Ek loof U!
Skrif
Aangaande hierdie leesplan
Neem vanjaar die besluit om rustig te raak en nie in die dolle gejaag van die Kerstyd vasgevang te raak nie. Besluit om die Jesus van die krip weer te ontmoet en toe te laat dat Hy – die groot God – sy hand om joune sluit. Hoor die deernis in sy stem wanneer Hy sê: "Ek het vir jóú na hierdie wêreld gekom sodat jý nooit verlore sal gaan nie."
More
Ons wil graag Christian Art Publishers bedank vir die verskaffing van hierdie plan. Vir meer inligting, besoek asseblief: https://www.cumbooks.co.za/
