Elke nuwe dagVoorbeeld

Om slegte nuus te hanteer

Christen, jy moenie bang wees om slegte nuus te ontvang nie. As jy nie vir God gehad het na wie toe jy kan hardloop nie, sou dit anders gewees het. Vrees vir slegte nuus kan jou laat sondig. Ongelowiges hardloop dikwels na die verkeerde oplossings toe in hul pogings om aan moeilikheid te ontkom. As jy bang word, doen jy dalk dieselfde ding.

Vertrou op die Here. Wag geduldig op Hom. As jy vrees toelaat om oor te neem wanneer jy slegte nuus hoor, sal jy nie in staat wees om dit te hanteer met die kalmte wat jy nodig het nie. Hoe kan jy God verheerlik as jy ’n lafaard is? Hoe gaan jy die Here verheerlik as jy vol twyfel en wanhoop is, so al asof daar géén hoop is nie? Hou moed. Vertrou op die getrouheid van God.